ໃນຍຸກໂຄວິດ-19 ລະບາດໜັກ ແລະ ຂົ່ມຂູ່ພື້ນຖານເສດຖະກິດຂອງລາວເຮົາ ກໍຄືບັນດາປະເທດໃນໂລກຢ່າງໜັກໜ່ວງສົມຄວນນີ້ຢູ່ປະເທດເຮົາກໍ່ມີຫລາຍວິທີເພື່ອໃຫ້ມີອັນດຸ່ນດ່ຽງ ແລະ ຢູ່ໄດ້ ໂດຍສະເພາະແມ່ນໂຄງການລາວທ່ຽວລາວທີ່ມີຫລາຍຂະບວນໄປເໜືອໃຕ້ເປັນໄລຍະ, ສ່ວນຈຸທີ່ບໍ່ມີໂອກາດເດີນທາງໄກໄປທາງລົດກໍ່ທ່ຽວຕາມອັດທະຍາ ໄສໃນນະຄອນຫລວງ ແລະ ບັນດາແຂວງໃກ້ຄຽງ ໃນນັ້ນຜູ້ທີ່ມີຮົ້ວສວນໜອງປາເປັນຂອງຕົນເອງກໍ່ໄດ້ເຊີນໝູ່ໄປພັກຜ່ອນກິນປາໃນວັນພັກການ.


ໃນວັນເສົາທີ 23 ມັງກອນນີ້ ທ່ານສີສຸກ ແລະ ນາງຫລ້າ ບ້ານສີບຸນເຮືອງ ກໍ່ໄດ້ເຊີນໝູ່ຄູ່ໄປກິນປາສາມັກຄີມ່ວນຊື່ນທ່າມກາງມາດຕະການປ້ອງກັນໂຄວິດໃນກາງທົ່ງນາແຄມໜອງອັນກວ້າງໃຫຍ່ທີ່ບ້ານພະທາວ ,ເມືອງທຸລະຄົມແຂວງວຽງຈັນ

ຄອບຄົວທ່ານສີສຸກບອກວ່າ: ມີໜອງປາຫລາຍບ່ອນແຕ່ວ່າມື້ນີ້ຄິດວ່າໜອງດຽວກໍ່ພໍກິນແລ້ວເພາະລ້ຽງມາຕາມທຳມະຊາດໄດ້ 3 ປີແລ້ວຍັງຫລາຍໜອງທີ່ຍັງສືບຕໍ່ລ້ຽງເຄິ່ງທຳມະຊາດໃຫ້ແຜ່ຜາຍຂະຫຍາຍຕົວໃນອະນາຄົດ.


ອັນສຳຄັນປະເທດລາວ ມີດິນດອນແມ່ນໍ້າລໍາເຊອຸດົມສົມບູນຖ້າຫາກດຸໝັ່ນຂະຫຍັນພຽນແນ່ແມ່ນສາມາດລ້ຽງກຸ້ມຕົນເອງໄດ້ຢ່າງມີຄວາມສຸກໂດຍທີ່ບໍ່ໄປງໍ່ງ່ຽງຫຍັງກັບໂຄວິດ-19 ອີກເພາະພວກເຮົາມີທ່າແຮງໃນການປູກການລ້ຽງຢ່າງບໍ່ບົກແຫ້ງເປັນຈັກເທື່ອຂະແນມວ່າດຸໝັ່ນຂະຫຍັນພຽນພຽງພໍກໍ່ສາມາດຢູ່ໄດ້ແລ້ວ.

ພາບ-ຂ່າວ: ສີພາ ນົງລາດ