ໃນໂອກາດໄປຮ່ວມພິທີຍົກຍອດຄຳພະທາດຫລວງແປດລ່ຽມ ມິ່ງຂວັນເມືອງພວນ ແຂວງຊຽງຂວາງ ໃນວັນທີ 28 ມັງກອນ 2021 ນີ້ ທີມງານນັກຂ່າວພວກເຮົາ ໄດ້ສວຍໂອກາດຍາດເວລາໄປກາບໄຫວ້ພະອົງຫລວງ ທີ່ວັດທົ່ງໄຫຫີນໄຊຍະຣາມ ທີ່ບ້ານທົ່ງມີໄຊ ເມືອງແປກ ຫ່າງຈາກທົ່ງໄຫຫີນມໍລະດົກໂລກປະມານ 1,5 ກິໂລແມັດ ເປັນບ່ອນສັກກະລາບູຊາ ບ່ອນນັ່ງສະມາທິ ແລະ ເຮັດບຸນທຳທານ

ທັງເປັນສະຖານທີ່ທ່ອງທ່ຽວທາງດ້ານວັດທະນະທໍາ ວັດວາສາສະໜາແຫ່ງໃໝ່ຂອງແຂວງ ທີ່ສາມາດຊົມວິວທິວທັດທັດສະນີຍະພາບທີ່ສວຍສົດງົດງາມຂອງໂພນສະຫວັນ ເທດສະບານເມືອງແປກ ແຂວງຊຽງຂວາງ

ເຊິ່ງລໍຄອຍ ແລະ ຍິນດີຕ້ອນຮັບຜູ້ຄົນພາຍໃນແຂວງ ແລະ ຈາກສາລະທິດທີ່ຈະມາຢ້ຽມຢາມໃນອະນາຄົດຕາມອັດຕະຍາໄສຂອງຕົນ ຈຶ່ງຂໍເຊີນຊວນບັນດາທ່ານພາກັນໄປຮອດຈອດເຖິງໄດ້ແລ້ວ.

ພາບ-ຂ່າວ: ສີພາ ນົງລາດ