ພິທີເຮັດບຸນທຳທານໃສ່ບາດຍາດນໍ້າ ແລະ ຖະຫວາຍສັງຄະທານ ແລະ ປັດໄຈໄຊຍະທານຕ່າງໆ ເນື່ອງໃນໂອກາດຕໍ່ຍອດຄໍາພະທາດຫລວງແປດຫລ່ຽມ ມິ່ງຂວັນເມືອງພວນ ໄດ້ຈັດຂຶ້ນໃນຕອນເຊົ້າມື້ນີ້ທີ 28/1/2021 ທີ່ວັດບ້ານນາໄຊ

ໂດຍມີທ່ານ ບຸນຈັນ ສີວົງພັນ ກຳມະການສູນກາງພັກ, ເລຂາຄະນະພັກແຂວງຊຽງຂວາງ, ທ່ານ ບົວສອນ ສີນວນທອງ ຮອງເຈົ້າແຂວງໆ ຊຽງຂວາງ, ທ່ານ ວຽງພອນ ເມືອງຈະເຣີນ ເລຂາພັກເມືອງ, ເຈົ້າເມືອງໆຄູນ, ຄະນະນຳພັກລັດ, ແນວໂຮມ, ອອກຕົນຍາດໂຍມມາໃສ່ບາດຢ່າງຄັບຄາໜາແໜ້ນ ໂດຍມີພະສົງສຳມະເນນປະມານ 200 ອົງມາບິນທະບາດ ແລະ ມີບາດ 45 ໜ່ວຍ

ຫລັງຈາກໃສ່ບາດຢາດນໍ້າແລ້ວກໍ່ໄດ້ມີການຖະຫວາຍສັງຄະທານ ແລະ ກະກຽມການເອົາຍອດທາດຂຶ້ນໃນຕອນບ່າຍ ເຊິ່ງຈະມີການນໍາຂັ້ນສູງຈາກພັກລັດຂັ້ນເທິງ ແລະ ຊາວພຸດຈຳນວນຫລວງຫລາຍເຂົ້າຮ່ວມຢ່າງພ້ອມພຽງ.

ພາບ-ຂ່າວ: ສີພາ ນົງລາດ