ໃນວັນທີ 28 ມັງກອນ 2021, ຄະນະພົວພັນຕ່າງປະເທດສູນກາງພັກ ໄດ້ເຜີຍແຜ່ເອ ກະສານການເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະມາຊິກສະພາປະຊາຊົນຂັ້ນແຂວງ, ນະຄອນຫລວງ ຊຸດທີ II ແລະ ມູນເຊື້ອວັນສ້າງຕັ້ງກອງທັບປະຊາຊົນ ຄົບຮອບ 72 ປີ, ໂດຍໃຫ້ກຽດປາຖະກະຖາ ໂດຍ ສະຫາຍ ອານຸພາບ ຕຸນາລົມ ເລຂາທິການສູນກາງພັກ, ຮອງເລຂາຄະນະພັກ ນະຄອນຫລວງວຽງຈັນ, ປະທານສະພາປະຊາຊົນ ນະຄອນຫລວງວຽງຈັນ, ຮອງປະທານຄະນະກໍາມະການເລືອກຕັ້ງ ຂັ້ນນະຄອນຫລວງ ແລະ ສະຫາຍ ນາງ ສູນທອນ ໄຊຍະຈັກ ເລຂາທິ ການສູນກາງພັກ, ເລຂາຄະນະພັກ, ຫົວໜ້າຄະນະພົວພັນຕ່າງປະເທດສູນກາງພັກ, ໂດຍມີບັນດາສະ ຫາຍ ໃນຄະນະບໍລິຫານງານພັກ ແລະ ພະນັກງານຫລັກແຫລ່ງ ທົ່ວຄະນະພົວພັນຕ່າງປະເທດສູນກາງພັກ ເຂົ້າຮ່ວມ.

ສະຫາຍ ອານຸພາບ ຕຸນາລົມ ໄດ້ຍົກໃຫ້ເຫັນການເສີມຂະຫຍາຍສິດເປັນເຈົ້າ ຂອງປະຊາຊົນລາວ ເຂົ້າໃນການເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະມາຊິກສະພາປະຊາຊົນ ຂັ້ນແຂວງ ຊຸດທີ II, ໄດ້ຊີ້ໃຫ້ເຫັນລະບຽບການ, ຂັ້ນຕອນໃນການເລືອກຕັ້ງສະມາຊິກພັກສະພາໃນຄັ້ງນີ້ ໃຫ້ບັນລຸຕາມຈຸດປະສົງ, ຄາດໝາຍທີ່ວາງໄວ້ ແນ່ໃສ່ຮັບປະກັນການເລືອກຕັ້ງສະມາຊິກສະພາແຫ່ງຊາດ ແລະ ສະມາຊິກສະພາປະຊົນຂັ້ນແຂວງ ໃຫ້ໄດ້ຕາມຈຳນວນທີ່ກຳນົດໄວ້.

ຫລັງຈາກນັ້ນ, ສະຫາຍ ນາງ ສູນທອນ ໄຊຍະຈັກ ໄດ້ສືບຕໍ່ເຜີຍແຜ່ມູນເຊື້ອວັນສ້າງຕັ້ງກອງທັບປະຊາຊົນລາວ, ໂດຍໄດ້ຍົກໃຫ້ເຫັນການເຕີບໃຫຍ່ຂະຫຍາຍຕົວ ຂອງກອງທັບປະຊາຊົນລາວ ພາຍໃຕ້ການຊີ້ນຳໆພາຂອງພັກ ປປ ລາວ ຍົກໃຫ້ເຫັນມູນເຊື້ອພິລະອາດຫານ ຂອງບັນພະບູລຸດລາວບົນເສັ້ນທາງແຫ່ງການສູ້ຮົບມີໄຊ ໃນບັ້ນຮົບຕ່າງໆ ຕ້ານການຮຸກຮານຂອງພວກລ່າເມືອງຂຶ້ນແບບເກົ່າ ແຕ່ປີ 1945-1954 ແລະ ຕໍ່ສູ້ຕ້ານການຮຸກຮານຂອງພວກລ່າເມືອງຂຶ້ນແບບໃໝ່ ແຕ່ປີ 1954 – 1975 ຈົນສາມາດຍາດໄດ້ໄຊຊະນະສຸດທ້າຍ, ສາມາດປົດປ່ອຍປະເທດຊາດ, ສືບຕໍ່ປົກປັກຮັກສາ, ສ້າງສາພັດທະນາປະເທດຊາດ ສົມກັບ ຄໍາຂວັນທີ່ວ່າ “ກອງທັບຂອງຊາດລາວວິລະຊົນ, ຄົນລາວພິລາດອາດຫານ ”.

ການຈັດເຜີຍແຜ່ໃນຄັ້ງນີ້, ເຮັດໃຫ້ສະມາຊິກພັກ-ພະນັກງານ ຄະນະພົວພັນຕ່າງ ປະເທດສູນກາງພັກ ໄດ້ຮັບຮູ້ເຂົ້າໃຈຢ່າງເລິກເຊິ່ງ ເຖິງມູນເຊື້ອປະຫວັດສາດແຫ່ງການກໍາເນີດ ແລະ ເຕີບໃຫຍ່ຂະຫຍາຍຕົວ ຂອງກອງທັບປະຊາຊົນລາວ ໃນການສ້າງສາພັດທະນາປະເທດຊາດ ຕະ ຫລອດ 72 ປີ ຜ່ານມາ ແລະ ກໍາໄດ້ຄວາມໝາຍຄວາມສໍາຄັນ, ມີຄວາມເຂົ້າໃຈຢ່າງເລິກເຊິ່ງກວ່າເກົ່າ ໃນການນໍາໃຊ້ສິດເປັນເຈົ້າຂອງຕົນ ເຂົ້າໃນການເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະມາຊິກສະພາປະຊາຊົນ ຂັ້ນແຂວງ, ນະຄອນຫລວງ ຊຸດທີ II ທີ່ຈະມາເຖິງ.

Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)