ພະຍາກອນອາກາດ ປະຈໍາວັນທີ 01 ກຸມພາ 2021 ມວນອາກາດເຢັນທີ່ມີກຳລັງປານກາງຍັງສືບຕໍ່ປົກຄຸມຢູ່ທົ່ວທຸກພາກຂອງປະເທດລາວ, ສົມທົບກັບກະແສລົມຕາເວັນອອກພັດປົກຄຸມ, ຊຶ່ງຈະເຮັດໃຫ້ອາກາດໜາວເຢັນຢູ່ໃນແຂວງພາກເໜືອ, ແຂວງໄຊສົມບູນ ແລະ ເຂດພູພຽງບໍລະເວນ ແລະ ຍັງຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນ.

ລາຍງານຂໍ້ມູນອຸຕຸກະເສດ: ສຳລັບພະຍາດແມງໄມ້ ແມ່ນ ແຂວງສະຫວັນນະເຂດ ແມ່ນມີຄວາມສ່ຽງໃນລະດັບປານກາງ ແລະ ຂໍ້ມູນສຳລັບ ເຂົ້ານາແຊງ ແມ່ນໃຫ້ເອົາໃຈໃສ່ຕິດຕາມເຝົ້າລະວັງ ສະພາບອາກາດໜາວເຢັນທີ່ມີຄວາມສ່ຽງໃນລະດັບປານກາງ ພ້ອມກັນນັ້ນກໍ່ໃຫ້ເພີ່ມລະດັບນ້ຳໃນນາເພື່ອຫລຸດຜ່ອນຄວາມເສຍຫາຍຈາກອາກາດໜາວເຢັນ.

Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)