ໃນວັນທີ 2 ກຸມພາ 2021 ຜ່ານມານີ້. #ພະແນກກະສິກຳແລະປ່າໄມ້ #ເແຂວງເຊກອງ ໄດ້ສົບທົບ ກັບ #ເຂື່ອນໄຟຟ້າຫ້ວຍລຳພັນໃຫຍ່ ໄດ້ຈັດພິທີ #ຝືກອົບຮົມເຜີຍແຜ່ #ເຕັກນິກການປູກເຫັດນາງຟ້າ-ນາງລົມ ໃຫ້ກັບປະຊາຊົນບ້ານຫ້ວຍດຳໃໝ່ #ເມືອງທ່າແຕງ #ແຂວງເຊກອງ ໂດຍການເປັນປະທານ ຂອງທ່ານ ສຸກັນ ຈັນສີປະເສີດ ກຳມະການພັກເມືອງ ຫົວໜ້າຫ້ອງການກະສີກຳ ແລະ ປ່າໄມ້ເມືອງ, ມີທ່ານ ສັນຕິສຸກ ສີພັນດອນ ຮອງຜູ້ອໍານວຍການເຂື່ອນໄຟຟ້າຫ້ວຍລໍາພັນໃຫຍ່, ທ່ານ ນາງ ສົມເພັດ ສຸກກະເສີມ ຮອງຂະແໜງການປູກຝັງ ພະແນກກະສີກຳ ແລະ ປ່າໄມ້ແຂວງເຊກອງ ,ພະນັກງານວິຊາການຂັ້ນແຂວງ-ຂັ້ນເມືອງພ້ອມອົງການຈັດຕັ້ງບ້ານ ແລະ ພໍ່ແມ່ປະຊາຊົນພາຍໃນບ້ານເຂົ້າຮ່ວມທັງໝົດ 63 ຄົນ ຍິງ 35 ຄົນ.


ທ່ານ ສົມຫວັງ ຈັນທະວິໄລ ຫົວໜ້າໜ່ວຍງານເຕັກນິກວິຊາ ໄດ້ໃຫ້ຮູ້ກ່ຽວກັບສ່ວນປະກອບໃນການປູກເຫັດນາງຟ້າ-ນາງລົມ ແລະ ແນະນຳຫຼັກການ, ວິທີການເຮັດກ້ອນເຊື້ອເຫັດນາງຟ້າ-ນາງລົມ,ການກະກຽມການປູກແລະ ການບົວລະບັດຮັກສາ ເພື່ອໃຫ້ການປູກເຫັດນາງຟ້າ-ນາງລົມ ໄດ້ຮັບຜົນດີ ຈະເລີນເຕີບໂຕ,ມີຄຸນນະພາບ, ສາມາດຕ້ານທານກັບພະຍາດທີ່ມັກເກີດຂຶ້ນ ຈາກນັ້ນ ກໍໄດ້ແນະນໍາ ແລະ ສາທິດຕົວຈີງໂດຍເລີ່ມຈາກການເຮັດກ້ອນເຊື້ອເຫັດນາງຟ້າ-ນາງລົມໃນຖົງຢາງຈົນເຖິງວິທີການປູກ ແລະ ບົວລະບັກຮັກສາ. ເຊິ່ງກ່ອນອື່ນກໍຕ້ອງເລືອກຈາກວັດຖຸຫຼາຍຢ່າງຄື: ຂີ່ເລື່ອຍ,ໄມ້ເນື້ອອອ່ນ, ເຂົ້າເຟືອງ, ປູນຢີບຊຳ,ພູໄມ, ດີເກືອ, ກາກນໍາຕານ,ອີເອັມ, ຮຳ, ເຂົ້າປາຍ, ນ້ຳ ແລະ ອື່ນໆ


ນອກນັ້ນ ຍັງໃຫ້ຮູ້ ກ່ຽວກັບການເກັບຮັກສາ ເພື່ອຫາວິທີປ້ອງກັນ ຫຼີກລຽງດ້ວຍການບໍ່ໃຫ້ເກີດພະຍາດ ບໍ່ຄວນຢູ່ກາງແດດເກີນໄປ ເພາະເຫັດນາງຟ້າ-ນາງລົມ ຕ້ອງການອຸນຫະພູມພຽງແຕ່ 25-30 ອົງສາ ສ່ວນເຮືອນເຫັດ ກໍ່ຕ້ອງໄດ້ອະນາໄມ ແລະ ລະບາຍອາກາດເລື່ອຍໆ. ທັງນີ້ີ ກໍເພື່ອໃຫ້ປະຊາຊົນ ກໍຄືຊາວກະສິກອນຜູ້ຜະລິດ ຮັບຮູ້ເຖິງເຕັກນິກການປູກເຫັນາງຟ້າ-ນາງລົມທີ່ມີຄຸນະພາບ ແລະ ຍືນຍົງ ເຮັດໃຫ້ການຜະລິດມີຄວາມປອດໄພຕໍ່ສຸຂະພາບ ທັງໄດ້ຮັບດອກອອກຜົນແລະສາມາດ ນໍາໄປຈັດຕັ້ງປະຕິບັດໃນຄອບຄົວ ເພື່ອສ້າງອາຊີບໃຫ້ການຜະລິກກາຍເປັນສີນຄ້າ ສ້າງລາຍຮັບເຂົ້າສູ່ຄອບຄົວດີຂື້ນເລື່ອຍໆ.