ຜະລິດຕະພັນໂຄສະນາຜິວຂາວຕ່າງໆ ບາງຜະລິດຕະພັນບໍ່ສາມາດໄດ້ຮັບຜົນ 100% ເນື່ອງຈາກວ່າຜິວຂອງແຕ່ລະຄົນຕ່າງກັນ ແລະ ບໍ່ສາມາດຕອບສະໜອງຜະລິດຕະພັນນັ້ນໄດ້ 100% ແຕ່ວິຕາມິນຕ່າງໆ ທີ່ມີຢູ່ໃນທຳມະຊາດສາມາດແກ້ບັນຫາຜິວດຳ ຊ່ວຍໃຫ້ຜິວກະຈ່າງໃສ ແລະ ຍັງເໝາະກັບທຸກປະເພດຜິວ ບໍ່ວ່າທ່ານຈະມີຜິວມັນ ຜິວແຫ້ງ ຫຼື ຜິວປະສົມ ແຕ່ຕອ້ງເລືອກໃຫ້ເໝາະກັບສະພາບຜິວຂອງຕົນເອງ ບົດຄວາມນີ້ເຮົາຈະນຳສະເໜີ 5 ວິຕາມິນເຮັດໃຫ້ໜ້າຂາວໃສເປັນທຳມະຊາດໄປເບີ່ງນຳກັນເລີຍ!

ວິຕາມິນ A

ວິຕາມິນ A ສາມາດເຮັດໃຫ້ຟື້ນຟູສະພາບຜິວ ປ້ອງກັນບໍ່ໃຫ້ຜິວແຫ້ງເສຍ ຊ່ວຍໃຫ້ຜິວຊຸ່ມຊື່ນ ມີນໍ້າມີນວນ ແຕ່ເຮົາຄວນກິນວິຕາມິນ A ໃນປະລິມານທີ່ເໝາະສົມ ຄືກິນໜ້ອຍ ເພາະວິຕາມິນ A ເປັນວິຕາມິນທີ່ລະລາຍໃນໄຂມັນ ຖ້າກິນຫຼາຍເກີນໄປວິຕາມິນ A ຈະໄປສະສົມຢູ່ຕັບໃນປະລິມານທີ່ຫຼາຍ ເຮັດໃຫ້ເປັນອັນຕະລາຍຕໍ່ຮ່າງກາຍ ວິຕາມິນ A ມັກຢູ່ໃນໄຂ່ ນໍ້າມັນປາ ແລະ ຍັງເຫັນໄດ້ໃນຜັກຕ່າງໆ ເຊັ່ນ: ດອກຜັກກາດຂຽວ ຜັກຫົມ ແຄຣ໋ອດ.

  • ຄວນກິນແຄຣ໋ອດຂະໜາດປະມານ 6-7 ນີ້ວ ທ່ານຈະໄດ້ຮັບວິຕາມິນ A ປະມານ 400 (µg) ໄມໂຄກຼາມ ແລະ ບໍ່ຄວນກິນເກີນ 3000 (µg) ໂມໂຄກຼາມ/ມື້.

ວິຕາມິນ B

ວິຕາມິນ B ຈະຊ່ວຍປັບສະພາບສີຜິວໃຫ້ສະໝໍ່າສະເໝີ ແລະ ຍັງຊ່ວຍບຳລຸງຜົມນຳອີກ ວິຕາມິນ B ເປັນວິຕາມິນທີ່ສາມາດລະລາຍໃນນໍ້າໄດ້ ສາມາດກິນໄດ້ທຸກມື້ ວິຕາມິນ B ອາດຈະເຮັດໃຫ້ຜິວໜັງຫົວຜະລິດນໍ້າມັນເພີ່ມຂື້ນ ຫາກກິນຫຼາຍອາດຈະເກີດລັງແຄໄດ້ ວິຕາມິນ B ມັກພົບໃນຜັກສີຂຽວ ສາລີ ແປ້ງເຂົ້າຈີ່ ຖົ່ວ ໂຍເກີດ ຂະນົມປັງ ສາມາດຊ່ວຍເຮັດໃຫ້ຜິວຂອງທ່ານເປັ່ງປັງມີນໍ້າມີນວນຂື້ນ.

ຄວນກິນວິຕາມິນ B ແຕ່ລະມື້ໃນປະລິມານຕໍ່ໄປນີ້:

  • ວິຕາມິນ B12 ຄວນກິນມື້ລະ 2,4 (µg) ໄມໂຄຣກຼາມ.
  • ວິຕາມິນ B6 ຄວນກິນມື້ລະ 1,3 (mg) ມິລິກຼາມ ແລະ ບໍ່ຄວນກິນວິຕາມິນ  B6 ຫຼາຍກ່ວາ 100 (mg) ມິລິກຼາມ/ມື້.

ວິຕາມິນ C

ວິຕາມິນ C ນອກຈາກຈະມີປະໂຫຍດຕໍ່ຜິວແລ້ວ ຍັງມີປະໂຫຍດຕໍ່ດວງຕາ ແລະ ເຫືອກແຂ້ວນຳອີກ ວິຕາມິນ C ຈະຊ່ວຍປ້ອງກັນບໍ່ໃຫ້ຮ່າງກາຍຕິດເຊື້ອພະຍາດ ເປັນສານຕ້ານອະນຸມູນອິດສະລະ ຊ່ວຍຕ້ານຮີ້ວຮອຍກ່ອນໄວ ຊ່ວຍສ້າງຄອລລາເຈນໃຫ້ກັບຜິວ ມັກຢູ່ໃນໝາກໄມ້ທີ່ມີລົດຊາດສົ້ມ ຫຼື ເປັນກົດ ເຊັ່ນ: ໝາກກ້ຽງ ໝາກນາວ ອະງຸ່ນ ໝາກມ່ວງ ສ່ວນຜັກທີ່ມີວິຕາມິນສູງ ເຊັ່ນ: ດອກຜັກກາດຂຽວ ໝາກແຕງ ໝາກເຂືອ ກະລໍ່າປີ ແລະ ຖົ່ວງອກ.

  • ຄວນກິນໃນປະລິມານມື້ລະ 75 (mg) ມິລິກຼາມ ຫຼື ນໍ້າສົ້ມ 1 ແກ້ວ ແລະ ບໍ່ຄວນກິນເກີນ 200 (mg)  ມິລິກຼາມ/ມື້.

ວິຕາມິນ E

ວິຕາມິນ E ເປັນວິຕາມິນທີ່ສຳຄັນສຳລັບຜິວຫຼາຍທີ່ສຸດ ເພາະວິຕາມິນ E ມີຄວາມສາມາດໃນການລົບຮີ້ວຮອຍໄດ້ຢ່າງມີປະສິດທິພາບ ແລະ ຍັງເຮັດໜ້າທີ່ຕໍ່ຕ້ານສານອະນຸມູນອິດສະລະໃນຮ່າງກາຍໄດ້ດີນຳອີກ.

  • ຄວນກິນວິຕາມິນ E 15 (mg) ມິລິກຼາມ/ມື້ ແລະ ຫ້າມກິນເກີນ 1000 (mg) ລິກຼາມ/ມື້ ແລະ ຫ້າມກິນເກີນ 1000 (mg) ມິລິກຼາມ/ມື້ ເພາະອາດຈະເປັນອັນຕະລາຍຕໍ່ຮ່າງກາຍໄດ້.

ວິຕາມິນ K

ວິຕາມິນ K ມີຜົນໃນການຊ່ວຍຫຼຸດຈຸດດ່າງດຳໄດ້ດີ ມັກພົບໃນຜັກຂຽວ ເຊັ່ນ: ດອກຜັກກາດຂຽວ ຜັກຫອມ

  • ປະລິມານທີ່ແນະນຳໃຫ້ກິນ 80-120 (µg) ໄມໂຄກຼາມ/ມື້.

ວິຕາມິນທີ່ແນະນຳຂ້າງເທີງນັ້ນ ເປັນວິຕາມິນທີ່ຂັດມາແລ້ວ ມີຜົນຊ່ວຍໃຫ້ຜິວຂອງທ່ານສາມາດຂາວໃສເປັນທຳມະຊາດໄດ້ ຫາກທ່ານເລືອກກິນຕາມຄຳແນະນຳທີ່ໄດ້ກ່າວໄວ້ ໃນປະລິມານທີ່ເໝາະສົມພຽງພໍໃນແຕ່ລະມື້ ແລະ ອອກກຳລັງກາຍຢ່າງສະໝໍ່າສະເໝີ ແລະ ໃຫ້ຮ່າງກາຍຂັບຖ່າຍຂອງເສຍອອກ ເພື່ອໃຫ້ມີສຸຂະພາບທີ່ດີຈາກພາຍໃນສູ່ພາຍນອກ ພຽງເທົ່ານີ້ຜິວ ແລະ ໃບໜ້າຂອງທ່ານກໍ່ຈະຂາວໃສເປັນທຳມະຊາດແນ່ນອນ.