ພິທີເປີດ-ປິດງານແຂ່ງຂັນກິລາ ນັກຮຽນມັດທະຍົມສຶກສາທົ່ວນະຄອນ ໄກສອນ ພົມວິຫານ ແຂວງ ສະຫວັນນະເຂດ ຄັ້ງທີ ll ເປີດແລະໄດ້ປິດລົງຢ່າງເປັນໃທາງການ ໃນຕອນແລງຂອງວັນທີ5 ກຸມພາ2021 ນີ້,ທີ່ເດີ່ນສະໜາມກິລາຫຍ້າທຽມສະຫັວນເຊັນເຕີ້ ໂດຍໃຫ້ກຽດເຂົ້າຮ່ວມພິທີເປີດ-ປິດຂອງ ທ່ານ ປອ ແສງທອງ ວັງແກ້ວມະນີ ເຈົ້ານະຄອນ ໄກສອນ ພົມວິຫານ ມີພະແນກສຶກທິການແລະກິລາແຂວງ, ທ່ານ ນາງ ພອນ ໄຊ ຊະນະວົງ ຫົວໜ້າຫ້ອງການ ສຶກສາທິການ ແລະ ກິລານະຄອນ, ມີບັນດາທ່ານ ຄະນະອຳນວຍການຈາກໂຮງຮຽນ ພະນັກງານຄູອາຈານ ແລະ ແຂກຖືກເຊີນ ຕະຫຼອດຮອດ ນັກກິລາ, ນັກຮຽນ ທີ່ເປັນຕົວແທນໃຫ້ແກ່ໂຮງຮຽນ ໃນທົ່ວນະຄອນ ເຂົ້າຮ່ວມ.

ທ່ານ ໄຊຊະນະ ທອງມີໄຊ ຮອງຫົວໜ້າຫ້ອງການສຶກສາທິການແລະກິລານະຄອນ ກໍ່ໄດ້ຂື້ນກ່າວລາຍງານແຂ່ງຂັນກິລານັກງຮຽນມັດທະຍົມສຶກສາທົ່ວນະຄອນ ຄັ້ງທີll ເຊິ່ງແມ່ນໄດ້ຫ້າງຫາກະກຽມມາແຕ່ວັນ 25 ມັງກອນ ຫາວັນທີ 5 ກຸມພາ 2021ນີ້,ແມ່ນງານແຂ່ງຂັນກິລານັກຮຽນ ມໍຕົ້ນ ໂດຍມີການແຂ່ງຂັນຄັດເລືອກ ແລະ ເຕົ້າໂຮມເອົານັກກິລາປະເພດຕ່າງ ເຊິ່ງໄດ້ຕ່າງໜ້າໃຫ້ແກ່ໂຮງຮຽນແຫ່ງຕ່າງໆ ທົ່ວນະຄອນ ເພື່ອສ້າງກິດຈະກຳການແຂ່ງຂັນກິລາ ໂດຍແນ່ໃສ່ເຮັດໃຫ້ຂະບວນການດັ່ງກ່າວຕິດພັນກັບການສ້າງຄວາມສາມັກຄີ,ມິດຕະພາບ ທັງນີ້ກໍ່ເພື່ອເປັນການສ້າງຂະບວນການຂ່ຳນັບຮັບຕ້ອນວັນເລືອກຕັ້ງສະມາຊິກ ສສຊ ຊຸດທີ9 ແລະ ສສຂ ຊຸດທີ2 ທີ່ຈະມາຮອດນີ້,

ນອກນັ້ນກໍ່ຍັງເປັນການຜັນຂະຫຍາຍ ແລະ ປະຕິບັດຕາມແນວທາງປ່ຽນແປງໃໝ່ຂອງພັກ-ລັດວາງອອກ ແລະ ເພື່ອປະຕິບັດໃຫ້ບັນລຸ5ຫລັກມູນຂອງວຽກງານການສຶກສາ ເພື່ອໃຫ້ເດັກນ້ອຍນັກຮຽນຫ່າງໄກຈາກສິ່ງຢາເສບຕິດ ແລະ ຫັນມາຫຼີ້ນກິລາໃຫ້ຫຼາຍຂື້ນເຊິ່ງການຈັດກິດຈະກຳການແຂ່ງຂັນໃນຄັ້ງນີ້ເພື່ອຊຸກຍູ້ດ້ານແນວຄິດ ແລະ ການຮຽນ-ການສອນ ເພື່ອເຕົ່້າໂຮມຄວາມສາມັກຄີຂອງບັນດາຄູ-ອາຈານ ແລະ ນ້ອງນັກຮຽນໃນທົ່ວນະຄອນ ໂດຍມີການເປີດກວ້າງການແຂ່ງຂັນ ແຕ່ວັນ25-29 ມັງກອນ,ເຊິ່ງມີຄະນະນຳ ແລະ ນັກກິລາ ຈາກໂຮງຮຽນແຫ່ງຕ່າງໆພາຍໃນນະຄອນໄດ້ສົ່ງນັກກິລາເຂົ້າຮ່ວມ ເຊິ່ງມີໂຮງຮຽນມໍຕົ້ນເຂົ້າແຂ່ງຂັນທັງໝົດ ມີ 21 ໂຮງຮຽນຄື: ໂຮງນຮຽນ ມໍຕົ້ນສຸນັນທາ, ມໍຕົ້ນ ຈອມແກ້ວ, ມຕ ສອນໄຊ, ມຕ ໄຊຍະມຸງຄຸນ,ມໍຕົ້ນໂພນສະຫວ່າງໃຕ້,ມຕ ໂພນສະຫວ່າງເໜືອ, ມໍຕົ້ນນາເຊັງ,ມໍຕົ້ນ ທິບປັນຍາ, ມໍຕົ້ນມິດຕະພາບລາວ-ຫວຽດ, ມໍຕົ້ນ ສະໜາມໄຊ, ມໍຕົ້ນອິນເຕີ, ມຕ ໄຊສົມບັດ, ມຕ ຂ່ອນແກ່ນ, ມຕ ນາເຕີຍ, ມໍຕົ້ນ ທາດອີງຮັງ, ມໍຕົ້ນ ນາໂພຊອກ, ມໍຕົ້ນ ດົງຄຳຫຼວງ, ມໍຕົ້ນ ສົມສະອາດ, ມໍຕົ້ນນານາຊາດ ປັນຍາທິບ, ມໍຕົ້ນສາທິດ, ມໍຕົ້ນ ຍາງສູງ ແລະ ຊັ້ນ ມໍປາຍ ມີທັງໜົດ 6 ໂຮງຮຽນຄື: ມສ ຊອກ,ມສ ເຂົາກາດ,ມສ ຜັກຂະ,ມສ ທ່າຊະໂນ,ມສ ໂພນສິມ ແລະ ໂຮງຮຽນ ມສ ຈຸງເຕັກ ເຊິ່ງ ການແຂ່ງຂັນກິລາມີ 6 ປະເພດຄື: ກິລາບານເຕະ ຍິງ-ຊາຍ, ບານສົ່ງ ຍິງ-ຊາຍ, ກະຕໍ້ຫວາຍຍິງ-ຊາຍ, ກິລາເປຕັງຍິງ-ຊາຍ, ແລ່ນ-ລານ ຍິງ-ຊາຍ ແລະບານບ້ວງຍິງ-ຊາຍ

ຜ່ານການແຂ່ງຂັນ ຊີງໄຊເອົາຫຼຽນລາງວັນທັງໜົດ 15 ຫຼຽນຄຳ,15 ຫຼຽນເງິນແລະ 15 ຫຽນທອງແດງ ໃນ 6 ປະເພດກິລາແຂ່ງຂັນ ເຊີ່ງໂຮງຮຽນ ທີ່ເປັນເຈົ້າຫຼຽນຄຳ ໃນຄັ້ງນີ້ໄດ້ແກ່ໂຮງຮຽນ ມສ ທ່າຊະໂນ ຍາດ ໄດ້4ຫຼຽນຄຳ,2ຫຼຽນເງິນ ,4ຫຼຽນທອງແດງ ລວມ 10 ຫຼຽນ,ທີ2 ມຕ ສອນໄຊ ຍາດໄດ້ 3 ຫຼຽນຄຳ,1ຫຼຽນເງິນ,2ຫຼຽນທອງແດງ ລວມ 6 ຫຼຽນ ແລະ ທີ 3 ໂຮງຮຽນ ມຕ ໄຊຍະມຸງຄຸນ ຍາດໄດ້ 2 ຫຼຽນຄຳ ລວມ 2 ຫຼຽນ ເຊິ່ງໃນການແຂ່ງຂັນຄັ້ງນີ້ແມ່ນການກະກຽມເພື່ອເປັນການຄັດຕົວນັກກິລາຈຳນວນໜື່ງເພື່ອການເຂົ້າຮ່ວມງານແຂ່ງຂັນກິລານັກຮຽນມັດທະຍົມສຶກສາທົ່ວແຂວງສະຫັວນນະເຂດທີ່ຈະຈັດຂື້ນເມືອງພະລານໄຊ ໃນຄັ້ງທີ 7 ທີ່ຈະໄຂຂື້ນໃນທ້າຍປີ2021ນີ້.ຈາກນັ້ນທ່ານ ນາງ ພອນໄຊ ຊະນະວົງໄຊ ຫົວໜ້າຫ້ອງການສຶກສາທິການແລະກິລານະຄອນ ໄກສອນ ພົມວິຫານ ກໍ່ໄດ້ໃຫ້ກຽດຂື້ນກ່າວປິດງານແຂ່ງຂັນກິລານັກຮຽນມັດທະຍົມສຶກສາທົ່ວນະຄອນ ໄກສອນ ພົມວິຫານ ຄັ້ງທີll ຢ່າງເປັນທາງການ.