ໃນວັນທີ 6-7 ກຸມພາ 2021 ທີ່ຜ່ານມານີ້ ປະຊາຊົນຜູ້ທຸກຍາກ ແລະດ້ອຍໂອກາດ ບ້ານກອນຢົງ,ຕັງໂນງ,ຕັງເຢີຍ,ດາກຢອຍ,ດາກວາຍ ແລະ ບ້ານດາກຢາງ #ເມືອງດາກຈຶງ #ແຂວງເຊກອງ ໄດ້ຮັບເຄື່ອງຊ່ວຍເຫຼືອ ໂດຍການໃຫ້ກຽດມອບຂອງທິມງານ #ມັງກອນທອງຮ່ວມໃຈຕ້ານໄພໜາວ #ແຂວງໄຊສົມບູນ ແລະ #ແຂວງເຊກອງ ຮັບເອົາມີທ່ານເລຂາພັກບ້ານ-ນາຍບ້ານ ແລະຄູອາຈານທັງ 6 ບ້ານ, ໂດຍຊ້ອງໜ້າທ່ານ ຄຳເພັດ ສອນຈະເລີນ ຮອງເຈົ້າເມືອງ #ເມືອງດາກຈຶງ #ແຂວງເຊກອງ,ມີຫົວໜ້າຫ້ອງວ່າການປົກຄອງເມືອງ, ຄະນະຫ້ອງການສຶກສາທິການແລະກິລາ,ຫ້ອງການສາທາລະນະສຸກເມືອງ,ຕະຫຼອດຮອດພໍ່ແມ່ປະຊາຊົນ ແລະ ນ້ອງນັກຮຽນພາຍໃນ 6 ບ້ານເຂົ້າຮ່ວມເປັນສັກຂີພີຍານ.

ເຄື່ອງດັ່ງກ່າວແມ່ນໄດ້ຮັບຈາກ ທິມງານ #ມັງກອນທອງຮ່ວມໃຈຕ້ານໄພໜາວແຂວງໄຊສົມບູນ ແລະ ແຂວງເຊກອງ ມູນຄ່າ 105 ລ້ານກີບ, ເຊິ່ງປະກອບມີ: ເສື້ອກັນໜາວ, ໂສ້ງ, ເກີບ,ຜ້າຫົ່ມ,ນໍ້າດື່ມຫົວເສືອ,ປາກະປ໋ອງ,ເຂົ້າໜົມ,ນົມກ່ອງ,ຢາປົວພະຍາດ,ຜ້າອັດດັງ ແລະອຸປະກອນຫລິ້ນກິລາອື່ນໆ ໃນໂອກາດດຽວກັນ ທ່ານ ຄຳເພັດ ສອນຈະເລີນ ຮອງເຈົ້າເມືອງດາກຈຶງກໍ່ໄດ້ມອບໃບຍ້ອງຍໍໃຫ້ທິມງານມັງກອນທອງເພື່ອຈາລຶກເຖິງຄຸນງາມຄວາມດີ, ພ້ອມທັງກ່າວສະແດງຄວາມຂອບໃຈ ແລະ ຍ້ອງຍໍຊົມເຊີຍທີ່ໄດ້ມີຄວາມພະຍາຍາມນຳເອົາເຄື່ອງດັ່ງກ່າວມາຮອດມາເຖິງປະຊາຊົນ.

•ພາບ-ຂ່າວ: ອິນແປງ ພົມມະນິດ