ໃນຕອນບ່າຍຂອງວັນທີ 4 ກຸມພາ 2021ທີ່ຜ່ານມາ ມະຫາວິທະຍາໄລ ສະຫວັນນະເຂດ ຈັດກອງປະຊຸມສຳມະນາ ທາງດ້ານການສຶກສາ ຢູ່ທີ່ ຫ້ອງປະຊຸມ ຫ້ອງວ່າການປົກຄອງເມືອງນອງ ໂດຍການໃຫ້ກຽດເປັນປະທານ ຂອງ ທ່ານ ຮສ ປອ ຄູນສັກ ບົວວົງ ຮອງອະທິການບໍດີ ມະຫາວິທະຍາໄລ ສະຫວັນນະເຂດ, ທ່ານ ລຳແກ້ວ ແສງໜູທອງ ກຳມະການພັກແຂວງ ເລຂາພັກເມືອງເຈົ້າເມືອງໆນອງ, ມີບັນດາຫົວໜ້າຫ້ອງການ, ຄະນະຫ້ອງການ, ຄູ ອຈານເຂົ້າຮ່ວມ.

ໃນການຈັດກອງປະຊຸມຄັ້ງນີ້ກໍ່ເພື່ອ: ໃຫ້ຜູ້ເຂົ້າຮ່ວມໄດ້ຮັບຮູ້ ແລະເຂົ້າໃຈກ່ຽວກັບການພັດທະນາການສຶກສາ ແລະທັງເປັນການປຶກສາຫາລືວາງແຜນການເຂົ້າເຖິງທາງດ້ານການສຶກສາຊັ້ນສູງຂອງນັກຮຽນທີ່ຮຽນຈົບ ມໍປາຍທີ່ນັບມື້ນັບເພີ່ມຂຶ້ນ.ຈາກນັ້ນ ທ່ານ ລຳແກ້ວ ແສງໜູທອງ ເຈົ້າເມືອງໆນອງກໍ່ໄດ້ລາຍງານໃຫ້ຮູ່ວ່າ:ໃນທົ່ວເມືອງມີໂຮງ ຮຽນປະ ຖົມທັງໝົດ 76 ແຫ່ງ, ປະຖົມສົມບູນ 72 ແຫ່ງ, ມີຈຳນວນຫ້ອງຮຽນຊັ້ນປະຖົມທັງໝົດ 175ຫ້ອງ, ຫ້ອງດ່ຽວ 33ຫ້ອງ, ຫ້ອງຄວບ 142 ຫ້ອງ ກວມເອົາ 81,1%, ມີຄູສອນທັງໝົດ 176 ຄົນ, ຍິງ 72 ຄົນ, ຄູອາສາສະໝັກ 36 ຄົນ, ຍິງ 19 ຄົນ, ອັດຕາເດັກເຂົ້າຮຽນໃນເກນອາຍຸ 5 ປີປະຕິບັດໄດ້ 48,8%, ທຽບໃສ່ປີຜ່ານມາ ປະຕິບັດໄດ້2,4% ຄາດໝາຍສູ້ຊົນໃນປີ 2021ແມ່ນ 51%,ຈຳນວນນັກຮຽນປະຖົມທັງໝົດ 4.936ຄົນ, ຍິງ 2.113 ຄົນທຽບ ໃສ່ຕົ້ນສົກຮຽນຜ່ານມາຫຼຸດລົງ 176ຄົນ, ຈຳນວນນັກຮຽນ ມັດທະຍົມຕົ້ນທັງໝົດ 977ຄົນ, 380ຄົນ, ທຽບໃສ່ປີ ຜ່ານມາຫຼຸດລົງ 37ຄົນ, ນັກຮຽນຊັ້ນມັດທະຍົມຕອນປາຍມີ 312ຄົນ, ຍິງ125ຄົນ, ທຽບໃສ່ປີຜ່ານມາຫຼຸດລົງ 42ຄົນ.

ໂອກາດນີ້ ທ່ານ ປອ ພູວົງ ພົມມະລັງສີກໍ່ໄດ້ອະທິບາຍກ່ຽວກັບສະພາບລວມຂອງມະຫາວິທະຍາໄລ ສະຫວັນນະເຂດເຊິ່ງ ມຂ ສ້າງຕັ້ງແຕ່ປີ 2009, ມະຫາວິທະຍາໄລສະຫວັນນະເຂດມີ2ວິທະຍາເຂດຄື: ວິທະຍາເຂດນາເຊັງມີເນື້ອທີ່ 13 ເຮັກ ຕາ ແລະວິທະນາເຂດໜອງຜືມີເນື້ອທີ່ 305ເຮັກຕາ, ມີພະນັກງານນ-ຄູອາຈານ 334 ຄົນ, ຍິງ145ຄົນ ນັກສຶກສາມີ 4.043ຄົນ,ຍິງ 2.697 ຄົນ ມີ8ຄະນະວິຊາ, ມີ 42 ສາຂາຮຽນ ນອນນັ້ນຍັງຍົກໃຫ້ເຫັນເຖິງນັກຮຽນທີ່ຮຽນຈົບ ມໍປາຍແລ້ວບໍ່ໄດ້ໄປປຮຽນຕໍ່ເຊິ່ງໃນໄລຍະ 10ປີຜ່ານມາໂດຍສະເລ່ຍທົ່ວແຂວງສະຫວັນນະເຂດ ເມືອງນອງມີພຽງແຕ່41 ຄົນໃນສົກ2020-2021ສະເລ່ຍເມືອງນອງມີພຽງ3%ເທົ່ານັ້ນທີ່ໄດ້ເຂົ້າຮຽນ ມຂ ເຮັດໃຫ້ອັດຕາການເຂົ້າຮຽນວິຊາຊີບນັບມື້ຫຼຸດໜ້ອຍຖອຍລົງກອງປະຊຸມໄດ້ເປີດໂອກາດໃຫ້ຜູ້ທີ່ເຂົ້າຮ່ວມປຶກສາຫາລືປະກອບຄຳຄິດຄຳເຫັນໄປພ້ອມໆກັນໂດຍມີການແຈກຢາຍແບບຟອມໃຫ້ມີຄຳເຫັນ ໃນຫົວຂໍ້ຄື: ບັນຫາການພັດທະນາຊັບພະຍາກອນມະນຸດພາຍໃນເມືອງ ແລະບົດຮຽນຕ່າງໆ, ບັນຫາ ແລະອຸປະສັກໃນການເຂົ້າເຖິງການສຶກສາຊັ້ນສູງ, ແນວທາງໃນການແກ້ໄຂບັນຫາໃນຕໍ່ໜ້າບົນພື້ນຖານທ່າແຮງບົ່ມຊ້ອນຂອງທ້ອງຖິ່ນໂອກາດສຸດທ້າຍ ທ່ານ ລຳແກ້ວ ແສງໜູທອງ ເຈົ້າເມືອງນອງຍັງໄດ້ຮຽກຮ້ອງໃຫ້ທາງອຳນາດການປົກຄອງກໍ່ຄືພໍ່ແມ່ຈົ່ງໄດ້ຊ່ວຍຊຸກຍູ້, ປຸກລະດົມໃຫ້ລູກຫຼານໄດ້ເຂົ້າໂຮງຮຽນ ຮຽນໃຫ້ໄດ້ຄວາມຮູ້ເພື່ອນຳໄປປະກອບອາຊີບສ່ວນຕົວໃນຕໍ່ໜ້າ ແລະ ໃຫ້ທາງ ມຂ ລົງເຜີຍແຜ່ຕົວຈິງໃນການຕໍ່ວິທີທາງໃນການເຂົ້າເຖິງການສຶກສາເພື່ອປູກຈິດສຳນຶກໃຫ້ນັກຮຽນ ຮຽນຮູ້ໄປໃນສິ່ງທີ່ຖືກຕ້ອງ ແລະເໝາະສົມ.