ວັນທີ 9 ກຸມພາ 2021 ນີ້ ທີ່ ຮຮ ມຕ ບ້ານກອກຫວານ ທ່ານ ວຽງທອງ ຫັດສະຈັນ ກໍາມະການປະຈໍາພັກແຂວງ ເລຂາພັກ ເຈົ້ານະຄອນຫຼວງພະບາງໄດ້ລົງຢ້ຽມຢາມພົບປະໂອ້ລົມກັບປະຊາຊົນຊາວ 3 ໝູ່ບ້ານໃນກຸ່ມກອກຫວານ ມີບັນດາຫົວໜ້າກຸ່ມ ພະນັກງານຫຼັກແຫຼ່ງ ອົງການຈັດຕັ້ງບ້ານພ້ອມດວຍປະຊາຊົນບັນດາເຜົ່າເຂົ້າຮ່ວມ

ການພົບປະໂອ້ລົມຂອງທ່ານ ວຽງທອງ ຫັດສະຈັນ ເຈົ້ານະຄອນ-ຫຼວງພະບາງ ໄດ້ໂອ້ລົມຕໍ່ປະຊາຊົນ ເພື່ອໃຫ້ຮັບຮູ້ ແລະເຂົ້າໃຈແຈ້ງກ່ຽວກັບຄວາມສໍາຄັນໃນການເລືອກຕັ້ງ ສະມາຊິກສະພາແຫ່ງຊາດຊຸດທີ IX ແລະ ສະພາປະຊາຊົນແຂວງຊຸດທີ II ; ການເຊື່ອມຊຶມ ແລະ ເຜີຍແຜ່ເອກະສານມູນເຊື້ອຂອງພັກ ແລະເອກະສານວຽກສະພາ ນອກນັ້ນທ່ານຍັງໄດ້ໃຫ້ທິດນໍາຕໍ່ການພັດທະນາເສດຖະກິດຄອບຄົວ, ການປູກ-ການລ້ຽງ ໃຫ້ມີການຂະຫຍາຍຕົວສູງຂື້ນດ້ວຍຄວາມສາມາດ ແລະມູນເຊື້ອອັນດຸໝັ່ນ ເອົາໃຈໃສ່ຕິດຕາມຂ່າວສານບ້ານເມືອງ ໂດຍສະເພາະກໍ່ຄືສະພາບການຂອງໂລກໃນປັດຈຸບັນກໍ່ຄືການແຜ່ລະບາດຂອງເຊື້ອຈຸລະໂຣກ ໂຄວິດ-19 ເພື່ອຕອບຕ້ານກັບພະຍາດດັ່ງກ່າວບໍ່ໃຫ້ມີການລຸກລາມ.