ລະຫວ່າງວັນທີ 3-5 ກຸມພາ 2021 ໂຄງການ “ແບ່ງປັນນ້ຳໃຈຕ້ານໄພໜາວ” ຢູ່ນີເທວແຂວງຊຽງຂວາງ ໄດ້ສົມທົບກັບການນໍາເມືອງໝອກ ແຂວງຊຽງຂວາງ ລົງມອບເຄື່ອງຊ່ວຍເຫຼືອໃຫ້ປະຊາຊົນ 3 ບ້ານຄື: ບ້ານນ້ຳເກັງ, ບ້ານພູມອນ ແລະ ບ້ານນໍ້າຈັດ ເມືອງໝອກ ແຂວງຊຽງຂວາງ. ເຄື່ອງທີ່ນຳໄປມອບໃນຄັ້ງນີ້ມີ: ເຄື່ອງນູ່ງຫົມ, ອຸປະກອນການຮຽນ, ອາຫານແຫ້ງ ແລະ ເຄື່ອງກິລາມີບານເຕະ ແລະ ກະຕໍ້ ລວມມູນຄ່າທັງໝົດ 11.900.000 ກີບ.

ກ່າວມອບເຄື່ອງໃນຄັ້ງນີ້ໂດຍແມ່ນທ່ານ ສຸກແກ້ວລາ ອິນທະວົງ ອຳນວຍການບໍລິສັດສະຕາໂທລະຄົມ ສາຂາແຂວງຊຽງຂວາງ ແລະ ກ່າວຮັບໂດຍແມ່ນຄະນະພັກບ້ານ ນາຍບ້ານ ທັງ 3 ບ້ານຕາງໜ້າໃຫ້ປະຊາຊົນຂື້ນຮັບ ຈຸດປະສົງໃນການມອບເຄື່ອງໃນຄັ້ງນີ້ກໍ່ເພື່ອເປັນການບິແບ່ງນ້ຳໃຈ ຄວາມຫ່ວງໃຍເພື່ອບັນເທົາທຸກ ແລະຕ້ານໄພໜາວໃຫ້ປະຊາຊົນ ແລະ ນ້ອງນ້ອຍນັກຮຽນ 3 ບ້ານດັ່ງກ່າວ.