ໃນວັນທີ 9 ກຸມພາ 2021 ນິ້.ກອງພົນທີ2 ໄດ້ເປີດອົບຮົມ-ຫັດແອບ ການເມືອງ , ການທະຫານ, ພະລາທິການ-ເຕັກນິກ ແລະ ເປີດເນື້ອໃນແຜນການແຂ່ງຂັນສ້າງຜົນງານປະຈຳປີ 2021 ຂື້ນຢູ່ທີເດີ່ນກິລາຂອງກົມກອງ ໂດຍການເປັນປະທານຂອງ ສະຫາຍ ພັນໂທ ສົມສະຄິດ ຄຳຊົມພູ ຮອງຫົວໜ້າຫ້ອງເສນາທິການກອງພົນທີ 2, ໂດຍການເປັນກຽດເຂົ້າຮ່ວມ ຂອງ ພັນເອກ ວຽງແກ້ວ ສີສຸລາດ ຫົວໜ້າການເມືອງກອງພົນທີ 2 ແລະ ສະຫາຍ ພັນເອກ ຄໍາດີ ໄຊຍະວົງ ຫົວໜ້າການທະຫານກອງພົນທີ 2 ມີບັນດາສະຫາຍຄະນະພັກ-ຄະນະບັນຊາກອງພົນ ຄະນະຫ້ອງ, ພະແນກການ, ຄະນະພັກ-ຄະນະບັນຊາ ກົມກອງຮາກຖານ ຕະຫຼອດຮອດນາຍ ແລະ ພົນທະຫານ ທົ່ວກອງພົນທີ2 ເຂົ້າຮ່ວມ.
ໃນພິທີສະຫາຍ ພັນຕີ ສົມລົດ ວິລະວົງ ຫົວໜ້າພະແນກອົບຮົມ ຫ້ອງເສນາທິການກອງພົນທີ2 ໄດ້ຂື້ນຜ່ານແຜນການອົບຮົມ-ຫັດແອບ ການເມືອງ , ການທະຫານ, ພະລາທິການ ແລະ ເຕັກນິກ ປະຈໍາປີ 2021. ໂດຍອີງຕາມຄຳສັ່ງຂອງກົມໃຫຍ່ເສນາທີການກອງທັບ ວ່າດ້ວຍການອົບຮົມ-ຫັດແອບ , ການເມືອງ ການທະຫານ,ພະລາທິການ ແລະ ເຕັກນິກ ໃຫ້ບັນດາກຳລັງຫລວງ, ກຳລັງທ້ອງຖີ່ນ ໃນທົ່ວກອງທັບ ສະບັບເລກທີ 2462/ກສນ ລົງວັນທີ 11 ທັນວາ 2020, ອີງຕາມຄຳສັ່ງແນະນຳຂອງກົມອົບຮົມ ວ່າດ້ວຍການອົບຮົບ-ຫັດແອບ,ປັບປຸງລະບຽບແບບແຜນ, ຝືກຝົນກຳລັງແຮງກາຍປະຈຳປີ 2021 ແລະ ອີງຕາມການລົງກວດກາ ຊຸກຍູ້,ຊີ້ນໍາ ແລະ ສັງເກດຕີລາຄາຜົນໄດ້ຮັບ ຂອງອົງການ ກົມກອງ ໃນທົ່ວກອງພົນທະຫານຮາບທີ 2 ໃນປີ 2020 ທີ່ຜ່ານມາ ແລະ ເພື່ອຈັດຕັ້ງຜັນຂະຫຍາຍຄຳສັ່ງແນະນຳອົບຮົມຫັດແອບ ປະຈຳປີ 2021 ຂອງກົມອັບຮົມວາງອອກໃຫ້ເປັນຮູບປະທຳ ນຳເອົາເນື້ອໃນຈິດໃຈຂອງຄຳສັ່ງເຂົ້າສູ້ການປະຕິບັດຕົວຈີງ ໃຫ້ຖືກຕ້ອງ ຄົບຖ້ວນ ແລະ ມີຄຸນນະພາບສູງ ທັງເປັນການຍົກລະດັບ ຄວາມຮູ້ ຄວາມສາມາດດ້ານສີນລະປະຢຸດ ຢຸດທະວິທີ ໃຫ້ນາຍ ແລະ ພົນທະຫານມີຄວາມສຳນິ ສຳນານ ມີພິກໄຫວຄ່ອງແຄ້ວສາມາດຮັບປະກັນໃຫ້ແກ້ການກຽມພ້ອມສູ້ຮົບ ແລະ ແກ້ໄຂທຸກກໍລະນີທີ່ເກີດຂື້ນໃຫ້ທັນເວລາ ການອົບຮົມ-ຫັດແອບ ການເມືອງ , ການທະຫານ, ພະລາທິການ ແລະ ເຕັກນິກ ໃນຄັ້ັ້ງນິ້ກໍານົດເວລາທັງໝົດ: 160 ວັນ.ໃນນັ້ນອົບຮົມວິຊາລະບຽບຮູບແຖວ ແລະ ຂໍ້ກໍານົດ 15 ວັນ,ອົບຮົມກິລາການທະຫານ 10 ວັນ,ອົບຮົມສິນລະປະຍຸດທະຫານຮາບ, ເຫຼົ່າຮົບ 6 ວັນ, ອົບຮົມຍຸດທະວິທີທະຫານຮາບ, ເຫຼົ່າຮົບ 8 ວັນ, ອົບຮົມຄວາມຮູ້ຟຶ້ນຖານກ່ຽວກັບເຫຼົ່າຮົບ ຫຼື ເຫຼົ່າທັບ 1 ວັນ , ອົບຮົມການເມືອງຮັບໃຊ້ສູ້ຮົບ 10 ວັນ,ອົບຮົມພະລາທິການຮັບໃຊ້ສູ້ຮົບ 5 ວັນ , ອົບຮົມເຕັກນິກຮັບໃຊ້ສູ້ຮົບ 5 ວັນ ແລະ ອົບຮົມວິຊາສະເພາະໃຜມັນ 100 ວັນ. ຈາກນັ້ນສະຫາຍ ພັນໂທ ສີບຸນເຮືອງ ທອງປະເສີດ ຫົວໜ້າພະແນກໂຄສະນາອົບຮົມຫ້ອງການເມືອງກອງພົນທີ 2 ກໍ່ໄດ້ຂື້ນຜ່ານເນື້ອໃນຂໍ້ແຂງຂັນສ້າງຜົນງານປະຈໍາປີ 2021 ຈາກນັ້ນຄະນະພັກ-ຄະນະບັນຊາກອງພົນ ແລະ ພະແນກການ, ກົມກອງ ກໍ່ໄດ້ຂື້ນສໍາພັດມືແຂ່ງຂັນກັນສ້າງຂະບວນການ ແລະ ຜົນງານຮອບດ້ານໄວ້ເພື່ອຂໍ່ານັບຮັບຕ້ອນວັນປະຫວັດສາດສຳຄັນຂອງຊາດ ຂອງພັກ ຂອງກອງທັບ ທີ່ຈະມາເຖິ່ງນິ້ໃຫ້ປະກົດຜົນເປັນຈິງ.
ໃນຕອນທ້າຍພິທີ ສະຫາຍ ພັນໂທ ສົມສະຄິດ ຄໍາຊົມພູ ຮອງຫົວໜ້າຫ້ອງເສນາທິການກອງພົນທີ 2 ກໍ່ໄດ້ມີຄຳເຫັນເນັ້ນໜັກ ໃຫ້ຄະນະພັກ ຄະນະບັນຊາແຕ່ລະຂັ້ນ ຈົ່ງເອົາໃຈໃສ່ສືກສາອົບຮົມການເມືອງນໍາພາແນວຄິດໃຫ້ພະນັກງານ ສະມາຊິກພັກ ນັກຮົບ ມີແນວຄິດການເມືອງໜັກແໜ້ນ ມີຄວາມຕື່ນຕົວປະກອບສ່ວນເຂົ້າໃນການອົບຮົມ-ຫັດແອບ ແລະ ຂະບວນການຕ່າງໆ ເອົາໃຈໃສ່ປັບປຸງລະບຽບແບບແຜນຂອງກົມກອງເປັນຕົ້ນ ແມ່ນຂໍ້ກຳນົດ 7 ລະບອບ 18 ວຽກຂອງກອງທັບ ,ຄຳປະຕິຍ້ານ 8 ຂໍ້ ,ວິໄນ 8 ຂໍ້ ແລະ ລະບຽບ 12 ຂໍ້ຕໍ່ປະຊົນ ພ້ອມກັນນັ້ນຕ້ອງເອົາໃຈໃສ່ຝືກຝົນຫຼໍ່ຫຼອມກຳລັງແຮງກາຍ ໃຫ້ມີສຸຂະພາບແຂງແຮງທົນທານໜ່ຽວແໜ້ນເປັນຕົ້ນ ຫັດແອບກິລາການທະຫານ ແລະ ກິລາມວນຊົນສະໝັກຫຼີ້້ນ ເພື່ອສ້າງຂະບວນການດ້ານຕ່າງໆ ຕິດພັນກັບມາດຖານເງື່ອນໄຂການສ້າງກອງຮາກຖານ ປອດໃສ, ເຂັ້ມແຂງ, ໜັກແໜ້ນ ດ້ານການເມືອງ, ແນວຄິດ, ການຈັດຕັ້ງ ແລະ ກົມກອງວັດທະນະທຳ, ການກໍ່ສ້າງນັກຮົບວັດທະນະທຳ ໄປພ້ອມຂະບວນການ 4 ປູກ 4 ລ້ຽງ, ຂະບວນການ 4 ບຸກຂອງຊາວໜຸ່ມ ແລະ ຂະບວນການ 3 ດີ 4 ພັດທະນາ ຂອງສະຫະພັນແມ່ຍີງໃຫ້ມີບັນຍາກາດຟົດຟື້ນ ເພີ້ມທະວີຄວາມສາມັກຄີ ລະຫວ່າງພະນັກງານ-ນັກຮົບພາຍໃນກົມກອງ,ອຳນາດການປົກຄອງທ້ອງຖີ່ນ ແລະ ປະຊາຊົນບັນດາເຜົ່າໃຫ້ແໜ້ນແຟ້ນ ພ້ອມກັນຈັດຕັ້ງປະຕິບັດແຜນການອົບຮົມ-ຫັດແອບປະຈຳປີ 2021 ໃຫ້ໄດ້ຮັບຜົນສູງ ແລະ ໄດ້ຮັບຄວາມປອດໄພ 100%.