ຕອນເຊົ້າ ວັນທີ 9 ກຸມພາ 2021 ນີ້, ຜູ້ສະໜັກເລືອກຕັ້ງເປັນສະມາຊິກສະພາແຫ່ງຊາດ ຊຸດທີ IX ແລະ ສະພາປະ ຊາຊົນຂັ້ນແຂວງ ຊຸດທີ II ໄດ້ລົງໂຄສະນາຫາສຽງ ຈຸດເທດສະບານເມືອງຊໍາເໜືອ ຢູ່ທີຫໍວັດທະທຳ ຂອງແຂວງ ເຊິ່ງນຳໂດຍທ່ານ ນ. ອຳໄພວອນ ລ້ອມບຸນແພງ ກຳມະການສຳຮອງສູນກາງພັກ ຮອງເລຂາພັກແຂວງ ຜູ້ສະໜັກເລືອກຕັ້ງເປັນສະມາ ຊິກສະພາແຫ່ງຊາດໝາຍເລກ1 ພ້ອມດ້ວຍຜູ້ຮັບສະໝັກເລືອກຕັ້ງ ສສຊ ຊຸດທີ IX ຈຳນວນ 10 ທ່ານ, ຍິງ 2 ທ່ານ ແລະ ສະພາປະຊາຊົນຂັ້ນແຂວງ ຊຸດທີ II ປະຈຳເຂດເລືອກຕັ້ງ ເມືອງຊຳເໜືອ ຈຳນວນ 5 ທ່ານ, ຍິງ 1 ທ່ານ, ໂດຍບັນດາທ່ານການນຳຂັ້ນແຂວງ, ການນຳເມືອງຊຳເໜືອ, ພະນັກງານບຳນານ, ຫົວໜ້າ, ຮອງຫົວໜ້າພະແນກການອ້ອມຂ້າງແຂວງ,ທະຫານ,ຕຳຫຼວດ,ພະນັກງານລັດຖະກອນແລະປະຊາຊົນພາຍໃນເທດສະບານ ເມືອງຊຳເໜືອເຂົ້າ ຮ່ວມ.

ການລົງໂຄສະນາຫາສຽງໃນຄັ້ງນີ້ໄດ້ເຜີຍແຜ່ ພາລະບົດບາດຂອງສະມາຊິກສະພາແຫ່ງຊາດ ແລະ ສະພາປະ ຊາຊົນຂັ້ນແຂວງ, ໂຄງປະກອບ, ມາດຖານເງື່ອນໄຂຂອງຜູ້ສະໜັກເລືອກຕັ້ງເປັນສະມາຊິກສະພາແຫ່ງຊາດ ແລະ ສະພາປະ ຊາຊົນຂັ້ນແຂວງ. ທັດສະນະຊີ້ນຳຂອງກົມການເມືອງສູນກາງພັກ ເນື້ອໃນຈິດໃຈ ມະຕິ 118/ກມສພ ວ່າດ້ວຍການເພີ່ມທະວີ, ການຊີ້ນໍາໆພາຂອງຄະນະພັກຕໍ່ບັ້ນເລືອກຕັ້ງ ສສຊ ຊຸດທີ IX ສສຂ ຊຸດທີ II,

ຕາມ 3 ທັດສະນະໃຫຍ່ຄື: 1.ການເລືອກຕັ້ງຊຸດນີ້ ເປັນການສືບຕໍ່ປັບປຸງ, ບູລະນະລະບອບປະຊາທິປະໄຕ ປະຊາຊົນ, ຈາກປະຊາຊົນ ໂດຍປະຊາຊົນ ແລະ ເພື່ອຜົນໂຫຍດຂອງປະຊາຊົນ; 2.ການເລືອກຕັ້ງ ເປັນພາກສ່ວນໜຶ່ງໃນການປັບປຸງບູລະນະການຈັດຕັ້ງ ແລະ ບຸກຄະລາກອນຂອງລະບົບການເມືອງຢູ່ສູນກາງ ແລະ ທ້ອງຖີ່ນ ເປັນການເລືອກເຟັ້ນ ແລະ ຊັບຊ້ອນພະນັກງານຮັບຜິດຊອບໃນວຽກງານຕ່າງໆ; 3.ການເລືອກຕັ້ງ ເປັນຄວາມຮັບຜິດຊອບຂອງຄະນະພັກທຸກຂັ້ນ ແລະ ຂອງທົ່ວປວງຊົນ ທັງເລືອກໄດ້ຜູ້ທີ່ມີມາດຖານ, ເງື່ອນໄຂຄົບຖ້ວນ ນັບທັງສູນກາງ, ທ້ອງຖີ່ນ, ເພດເຜົ່າ, ຜູ້ເກົ່າ ແລະ ຜູ້ໃໝ່. ພ້ອມມນີ້ບັນດາທ່ານຜູ້ສະໜັກເລືອກຕັ້ງເປັນ ສສຊ ຊຸດທີ IX ແລະ ສສຂ ຊຸດທີ II ກໍໄດ້ຂຶ້ນແນະນຳປະຫັວດຫຍໍ້ ແລະ ຜົນງານການເຄື່ອນໄຫວຂອງຕົນເອງໃນໄລຍະຜ່ານມາຕໍ່ມວນຊົນຕາມລຳດັບ.