ວັນທີ 09 ກຸມພາ 2021 ຢູ່ສະໂມສອນເມືອງເຊໂປນ ແຂວງສະຫວັນນະເຂດໄດ້ຈັດກອງປະຊຸມສໍາມະນາກ່ຽວກັບການປ່ອນບັດເລືອກຕັ້ງ ສສຊ ຊຸດທີ IX ສສຂ ຊຸດທີ II ຂື້ນຢ່າງເປັນທາງການໂດຍການໃຫ້ກຽດເປັນປະທານຂອງທ່ານ ວົງສະຫວັນ ວຽງມະນີ ກຳມະການພັກແຂວງ ເລຂາຄະນະບໍລິຫານງານພັກເມືອງ ເຈົ້າເມືອງໆເຊໂປນ, ມີບັນດາອານຸກຳມະການກອງເລຂາ, ຄະນະຮັບຜິດຊອບໜ່ວຍປ່ອນບັດເລືອກຕັ້ງໃນ 64 ໜ່ວຍ ໃນຈໍານວນຜູ້ເຂົ້າຮ່ວມທັງໝົດ 200 ຄົນ, ຍິງ 38 .
10/2/21ໃນກອງປະຊຸມທ່ານ ວົງສະຫວັນ ວຽງມະນີ ກຳມະການພັກແຂວງ ເລຂາຄະນະບໍລິຫານງານພັກເມືອງ ເຈົ້າເມືອງໆເຊໂປນໄດ້ໃຫ້ກຽດມີຄຳເຫັນ ແລະ ກ່າວເປີດກອງປະຊຸມຢ່າງເປັນທາງການ, ຫຼງຈາກນັ້ນທ່ານ ຄູນພະຈັນ ສົມເພັດ ກຳມະການພັກເມືອງ ຫົວໜ້າຫ້ອງວ່າການປົກຄອງເມືອງໄດ້ຂື້ນຜ່ານຄຳແນະນຳຂອງຄະນະກຳມະການເລືອກຕັ້ງຂັ້ນແຂວງ ເລກທີ 22/ຄລຂ.ສຂ, ລົງວັນທີ 18 ທັນວາ 2020 ກ່ຽວກັບການເລືອກຕັ້ງ ສພຊ ຊຸດທີ 9 ແລະ ສສຂ ຊຸດທີ 2 ແລະ ຜູ້ຮັບຜິດຊອບກໍ່ໄດ້ພັດປ່ຽນກັນຂື້ນແນະນໍາວິທີການນັບຄະແນນ ແລະ ການເອົາຕົວເລກເຂົ້າຮ່າງບົດບັນທຶກ.