ໃນຕອນເຊົ້າວັນທີ 10 ກຸມພາ 2021 ນີ້ ບັນດາທ່ານຜູ້ຮັບສະໝັກເລືອກຕັ້ງເປັນສະມາຊິກສະພາປະຊາຊົນແຂວງຊຸດທີ Il ປະຈຳເຂດເລືອກຕັ້ງນະຄອນ ໄກສອນພົມວິຫານແຂວງສະຫວັນນະເຂດ ຈຳນວນ 5 ທ່ານ ຍິງ1ທ່ານ ໄດ້ສືບຕໍ່ລົງພົບປະໂຄສະນາຫາສຽງກັບຜູ້ມີສິດເລືອກຕັ້ງ ທີ່ຢູ່ໃນເທດລະບານກຸ່ມບ້ານພັດທະນາທີ03ບ້ານໂພໄຊແລະກຸ່ມບ້ານພັດທະນາທີ04ບ້ານອຸດົມວິໄລ ເຊິ່ງນຳໂດຍ ທ່ານ ພູທອນ ພຸດທະຂັນຕິ ຮອງເລຂາທິການສະພາປະຊາຊົນແຂວງ ແລະທ່ານ ສີທາ ສົງວິໄລ ຮອງເລຂາພັກ ປະທານກວດພັກ-ລັດນະຄອນ ພ້ອມດ້ວຍຜູ້ຮັບສະໝັກ 3,4,5 ໃຫ້ກຽດຕ້ອນຜູ້ຮັບສະໝັກເປັນ ສະມາຊິກສະພາປະຊາຊົນແຂວງໃນຄັ້ງນີ້ ໂດຍແມ່ນທ່ານ ເລຂາພັກບ້ານ-ນາຍບ້ານ ພ້ອມດ້ວຍຜູ້ມີສິດເລືອກຕັ້ງພາຍໃນສອງກຸ່ມບ້ານພັດທະນາໄດ້ໃຫ້ການຕ້ອນຮັບຢ່າງຄັບຄາໜາແໜ້ນ.

ຈາກນັ້ນທ່ານ ບຸນຍໍ ວໍລະສັກສິດ,ທ່ານ ນາງ ແສງດາວີ ແລະ ທ່ານ ບຸນທະວີ ກໍ່ໄດ້ຜັດປ່ຽນກັນ ນຳສະເໜີລາຍຊື່ ແລະ ປະຫວັດການເຄື່ອນໄຫວຂອງຜູ້ສະໝັກເປັນສະມາຊິກສະພາແຫ່ງຊາດປະຈຳເຂດເລືອກຕັ້ງທີ13 ແຂວງສະຫັວນນະເຂດຈຳນວນ25ທ່ານ,ຍິງ7ທ່ານແລະ ຜູ້ສະໝັກເປັນສະມາຊິກສະພາປະຊາຊົນແຂວງປະຈຳເຂດເລືອກຕັ້ງນະຄອນ ໄກສອນ ພົມວິຫານຈຳນວນ 5 ທ່ານ,ຍິງ 1 ໃຫ້ກັບຜູ້ມີສິດເລືອກຕັ້ງໄດ້ຮັບຮູ້. ພ້ອມທັງແນະນຳວິທີການເລືອກເອົາ ແລະ ຂີດອອກ ສຳລັບສະມາຊິກສະພາແຫ່ງຊາດແມ່ນໃຫ້ເລືອກເອົາ 20 ທ່ານ,ຂີດອອກ 5 ທ່ານ,ສະມາຊິກສະພາປະຊາຊົນແຂວງປະຈຳເຂດເລືອກຕັ້ງນະຄອນ ໄກສອນ ພົມວິຫານໃຫ້ເລືອກເອົາ 3 ທ່ານ,ຂີດອອກ 2ທ່ານ.

ໂອກາດລົງພົບປະກັບຜູ້ມີສິດເລືອກຕັ້ງຄັ້ງນີ້ ຜູ້ຮັບສະໝັກເລືອກຕັ້ງເປັນສະມາຊິກສະພາປະຊາຊົນແຂວງ ທັງ5 ທ່ານກໍ່ໄດ້ຜັດປ່ຽນກັນມີຄຳເຫັນວ່າ: ການລົງໂຄສະນາຫາສຽງຂອງ ຜູ້ສະໝັກສະມາຊິກສະພາປະຊາຊົນ ຊຸດທີ 2 ຄັ້ງນີ້,ກໍ່ເພື່ອເປັນການສືບຕໍ່ປະຕິບັດພາລະບົດບາດສິດ ແລະ ໜ້າທີ່ຂອງ ສະພາປະຊາຊົນແຂວງ ໃຫ້ມີລັກສະນະຕໍ່ເນື່ອງ ເພື່ອປະກອບສ່ວນເຂົ້າໃນພາລະກິດປ່ຽນແປງໃໝ່ຂອງພັກຢູ່ໃນໄລຍະການປົກປັກຮັກສາ ແລະ ສ້າງສາພັດທະນາປະເທດຊາດໃຫ້ຈະເລີນເຂັ້ມແຂງຂຶ້ນເລື້ອຍໆ,ການລົງມາໂຄສະນາຫາສຽງຂອງຜູ້ແທນຮັບສະໝັກຮັບເລຶອກຕັ້ງເປັນ ສະມາຊິກສະພາປະຊາຊົນແຂວງ ຊຸດທີII ຄັ້ງນີ້ ແມ່ນເຫດການ-ການເມືອງ,ເຫດການປະຫວັດສາດທີ່ສຳຄັນທິ່ສຸດຂອງລະບອບປະຊາທິປະໄຕ ເພື່ອໃຫ້ປະຊາຊົນໄດ້ມີໂອກາດໃຊ້ສິດປະຊາທິປະໄຕຢ່າງເຕັມສ່ວນເລືອກເອົາຜູ້ແທນຂອງຕົນໄປດຳລົງຕຳແໜ່ງຢູ່ໃນສະພາ ເປັນອົງການຕົວແທນແຫ່ງສິດແລະຜົນປະໂຫຍດອັນຊອບທຳຂອງປະຊາຊົນລາວບັນດາເຜົ່າ,ເປັນຜູ້ຕັດສິນບັນຫາສຳຄັນຂອງຊາດ,ເປັນຕົວແທນໃຫ້ປະຊາຊົນໃນການຮັບຮອງເອົາລັດຖະທຳມະນູນ ແລະ ກົດໝາຍ,ບັນດານິຕິກຳທີ່ສຳຄັນ ລວມທັງຮັບຮອງເອົາການແຕ່ງຕັ້ງຜູ້ນຳສູງສຸດລະດັບຊາດນຳອີກ. ສະນັ້ນພົນລະເມືອງລາວທຸກຄົນຈົ່ງພ້ອມກັນເຊີດຊູນ້ຳໃຈຮັກຊາດພ້ອມກັນອອກໄປໃຊ້ສິດໃນວັນເລືອກຕັ້ງໃຫ້ໄດ້ 100