ຕົ້ນເດືອນ ກຸມພາ 2021 ຜ່ານມານີ້, ກອງພັນ 617 ທີຂຶ້ນກັບກອງພົນທະຫານຮາບທີ4 ໄດ້ຈັດຕັ້ງພິທີປະກາດການຈັດຕັ້ງບັນຊາຂັ້ນກອງຮ້ອຍ ຢູ່ ທີ່ສະໂມສອນຂອງກົມກອງ ໂດຍເປັນປະທານຂອງ ສະຫາຍພັນໂທ ທອງສາ ວໍອິນລະພົມ ກຳມະການພັກກອງພົນ ຮອງຫົວໜ້າຫ້ອງການເມືອງກອງພົນທະຫານຮາບທີ4, ມີຄະນະພັກ – ຄະນະບັນຊາກອງພັນ 617, ພະແນກການທີ່ກ່ຽວຂ້ອງ, ມີຄະນະກອງຮ້ອຍຕະຫຼອດຮອດພະນັກງານ – ນັກຮົບໃນທົ່ວກົມກອງ ເຂົ້າຮ່ວມຢ່າງພ້ອມພຽງ.

ສະຫາຍ ພັນໂທ ແສງຈັນ ມະນີວອນ ຮອງພະແນກພະນັກງານກອງພົນທີ 4 ໄດ້ຂຶ້ນຜ່ານຂໍ້ຕົກລົງຂອງຄະນະບັນຊາການກອງພົນທະຫານຮາບທີ 4, ສະບັບເລກທີ 972/ກພ4 ລົງວັນທີ 14 ຕຸລາ 2020 ວ່າດ້ວຍການແຕ່ງຕັ້ງຄະນະກອງຮ້ອຍທີ່ຂຶ້ນກັບ ກອງພັນ 617 ກອງພົນທະຫານຮາບທີ4, ອີງຕາມກົດໝາຍກອງທັບປະຊາຊົນລາວ ໝວດທີ III ມາດຕາທີ 10 ແລະ ໝວດທີ IV ມາດຕາທີ 21 ວ່າດ້ວຍການແຕ່ງຕັ້ງ ແລະ ຍົກຍ້າຍນາຍທະຫານດັ່ງນັ້ນຄະນະພັກ – ຄະນະບັນຊາກອງພົນທະຫານຮາບທີ 4 ຕົກລົງແຕ່ງຕັ້ງສະຫາຍ ຮ້ອຍເອກ ຄຳໂກ້ ແກ້ວດຳດີ ເປັນຫົວໜ້າການທະຫານກອງຮ້ອຍທີ 2 ທັງເປັນຮອງເລຂາໜ່ວຍພັກທີ 2, ແຕ່ງຕັ້ງ ສະຫາຍ ຮ້ອຍເອກ ຄອນສະຫວັນ ເຄືອວັນໄຊ ເປັນຫົວໜ້າການເມືອງກອງຮ້ອຍທີ 3 ທັງເປັນເລຂາໜ່ວຍພັກທີ 3, ການແຕ່ງຕັ້ງຄັ້ງນີ້ກໍ່ເພື່ອໃຫ້ສອດຄ່ອງແທດເໝາະກັບໜ້າທີ່ວຽກງານຕົວຈິງຂອງກົມກອງ, ທັງເປັນການປັບປຸງບູລະນະການຈັດຕັ້ງໃຫ້ເຂັ້ມແຂງເຕີບໃຫຍ່ຂື້ນກວ່າເກົ່າເພື່ອໃຫ້ສອດຄ່ອງ ແລະ ຖືກຕ້ອງກັບວຽກງານຕົວຈິງ. ໂອກາດນີ້ ສະຫາຍ ພັນໂທ ທອງສາ ວໍອິນລະພົມ ຮອງຫົວໜ້າຫ້ອງການເມືອງກອງພົນທະຫານຮາບທີ 4 ໄດ້ໃຫ້ກຽດໂອ້ລົມ ແລະ ເນັ້ນໜັກຕໍ່ຜູ້ທີ່ໄດ້ຮັບໜ້າທີ່ໃໝ່ໃນຄັ້ງນີ້ໃຫ້ເອົາໃຈໃສ່ຕໍ່ໜ້າທີ່ການເມືອງຂອງຕົນ, ມີຄວາມຮັບຜິດຊອບສູງ, ປະຕິບັດລວມສູນປະຊາທິປະໄຕ, ເຮັດວຽກເປັນໝູ່ຄະນະ, ແບ່ງວຽກໃຫ້ບຸກຄົນຮັບຜິດຊອບ, ເພີ່ມທະວີຄວາມສາມັກຄີພາຍໃນ – ພາຍນອກໃຫ້ເປັນປຶກແຜ່ນແກ່ນສານ, ເສີມຂະຫຍາຍການພົວພັນວຽກງານກໍ່ສ້າງຮາກຖານກັບປະຊາຊົນອ້ອມຂ້າງກົມກອງ ໃຫ້ມີການຫັນປ່ຽນພົວພັນທີ່ດີຕໍ່ກັນ ໃຫ້ຄືປາກັບນ້ຳ ບໍ່ສາມາດຕັດແບ່ງອອກຈາກກັນໄດ້ ແລະ ອີກຢ່າງໜຶ່ງທັງເປັນການປັບປຸງບູລະນະການຈັດຕັ້ງຂັ້ນກອງຮ້ອຍ ໃຫ້ມີການຫັນປ່ຽນທີ່ດີ, ພ້ອມກັນເຮັດສຳເລັດໜ້າທີ່ການເມືອງທີ່ການຈັດຕັ້ງຂັ້ນເທິງມອບໝາຍໃຫ້