ໃນວັນທີ 9 ກຸມພາ 2021 ນີ້, ບັນດາຜູ້ແທນຮັບສະໝັກເປັນສະມາຊິກ ສະພາແຫ່ງຊາດ ຊຸດທີ IX ແລະ ສະມາຊິກຊະພາປະຊາຊົນຂັ້ນ ແຂວງ ຊຸດທີ II ປະຈຳເຂດເລືອກຕັ້ງທີ 13 ຂອງແຂວງ ສະຫວັນນະເຂດ, ໄດ້ ລົງພົບປະໂຄສະນາຫາສຽງກກັບຜູ້ມີສິດເລືອກຕັ້ງ ຢູ່ທີ່ກອງພົນທະຫານຮາບທີ 4, ເຊິ່ງນຳໂດຍ ທ່ານ ປອ ນາງ ສູນທອນ ໄຊຍະຈັກ, ເລຂາທິການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກ ແລະ ຜູ້ທີ່ຮັບສະໝັກເລືອກຕັ້ງ ສະມາຊິກຊະພາແຫ່ງຊາດ ແຂວງ ສະຫວັນນະເຂດ 25 ສະຫາຍ ຍິງ 7 ສະຫາຍ, ສະມາຊິກສະພາແຫ່ງຊາດ, ສະມາຊິກຊະພາ ປະຊາຊົນຂັ້ນແຂວງ ຊຸດທີ 2 ປະຈຳເຂດເລືອກຕັ້ງເມືອງ ອຸທຸມພອນ ຈຳນວນ 5 ທ່ານ, ຍິງ 1 ສະຫາຍ ໂດຍໃຫ້ກຽດຕ້ອນຮັບຂອງ ສະຫາຍ ພັນເອກ ສົມຈິດ ກິດຕິຍະລາດ ເລຂາຄະນະພັກກອງພົນ, ຫົວໜ້າການເມືອງກອງພົນທີ 4, ມີຄະນະພັກ – ຄະນະບັນຊາກອງພົນທີ 4, ຄະນະພັກ – ຄະນະບັນຊາ ກອງພັນໃຫຍ່ 644, ສາງອໍ 4, ໂຮງງານປະສານເຫຼົ່າພາກກາງ, ສາງນ້ຳມັນເລກ 9 ແລະ ໂຮງໝໍບໍລິເວນ 109, ຕະຫຼອດຮອດພະນັກງານ – ນັກຮົບທົ່ວກອງພົນທີ 4 ເຂົ້າຮ່ວມຮັບຕ້ອນຢ່າງພ້ອມພຽງ.

ໂອກາດນີ້ ສະຫາຍ ພັນເອກ ສົມຈິດ ກິດຕິຍະລາດ ເລຂາຄະນະພັກກອງພົນ, ຫົວໜ້າການເມືອງກອງພົນທີ 4 ໄດ້ຂື້ນລາຍງານຫຍໍ້ກ່ຽວກັບການຈັດຕັ້ງປະຕິບັດ ໜ້າທີ່ວຽກງານການເຄື່ອນໄຫວໃນໄລຍະສຸມປີຜ່ານ, ກອງພົນຂອງພວກເຮົາເຮັດໜ້າທີ່ຮັບຜິດຊອບ 3 ແຂວງ ພາກກາງຂອງລາວຄື: ແຂວງ ສະຫວັນນະເຂດ, ຄຳມ່ວນ, ແລະ ບໍລິຄຳໄຊ, ສົມທົບກັບກຳລັງທ້ອງຖິ່ນ ແລະ ອຳນາດການປົກຄອງຂັ້ນທ້ອງຖິ່ນຂັ້ນຕ່າງໆ,ເພື່ອນຮັບປະກັນໃຫ້ຂອບເຂດຮັບຜິດຊອບສະຫງົບປອດໄຟໂດຍຟື້ນຖານ, ໃນນີ້ກົມກອງພວກເຮົາໄດ້ກຽມຄວາມພ້ອມໃຫ້ແກ່ການເລືອກຕັ້ງ ສສຊ ຊຸດທີ X ແລະ ສສຂຊຸດທີ II, ທົ່ວກອງພົນທີ 4 ມີໜ່ວຍປ່ອນບັດທັງໝົດ 15 ໜ່ວຍ, ມາຮອດປັດຈຸບັນ ແມ່ນມີຄວາມພ້ອມ ເກືອບ 100 % ໃຫ້ແກ່ບັ້ນເລືອກຕັ້ງດັ່ງກ່າວເຊິ່ງຈະໄດ້ປ່ອນບັດໃນຄັ້ງວັນທີ 13 ກຸມພາ 2021 ທີ່ໃກ້ຈະມາເຖິງນີ້.
ຈາກນັ້ນ, ທ່ານ ຈີນດາວັນ ບຸດດາສີ, ທ່ານ ສຸດໃຈ ໄຊຍະວົງ, ທ່ານພູຄຳ ອານັນທະວົງ ແລະ ທ່ານ ບົວລົມ ອີນທະວົງ ໄດ້ພັດປ່ຽນກັນຂື້ນນຳສະເໜີລາຍຊື່ ແລະ ປະຫວັດການເຄື່ອນໄຫວຂອງຜູ້ສະໝັກເປັນສະມາຊິກ ສະພາແຫ່ງຊາດ ປະຈຳເຂດເລືອກຕັ້ງທີ 13 ຈຳນວນ 25 ທ່ານ ແລະ ຜູ້ທີ່ສະມັກເປັນສະມາຊິກສະພາ ປະຊາຊົນ ຂັ້ນແຂວງ ປະຈຳເຂດເລືອກຕັ້ງເມືອງ ອຸທຸມພອນ ຈຳນວນ 5 ທ່ານ.


ໂອກາດລົງພົບປະໂຄສະນາຢູ່ ກອງພົນທີ 4 ນີ້, ທ່ານ ປອ ທ່ານ ສູນທອນ ໄຊຍະຈັກ ເລຂາທິການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງ, ຜູ້ທີ່ສະມັກຮັບເລືອກຕັ້ງ ສະມາຊິກສະພາແຫ່ງຊາດ ໄດ້ກ່າວທັດສະນະຊີ້ນຳຂອງກົມການເມືອງ ສູນກາງພັກ ໂດຍສະເພາະເນື້ອໃນຈິດໃຈມະຕິ 118/ກມສພ ວ່າດ້ວຍການເພີ່ມທະວີ, ການຊີ້ນຳ – ນໍາພາຂອງ ຄະນະພັກ ຕໍ່ບັ້ນເລືອກຕັ້ງສະພາແຫ່ງຊາດ ແລະ ສະມາຊິກສະພາປະຊາຊົນຂັ້ນແຂວງ, ໃນ 3 ທັດຊະນະໃຫຍ່: 1. ການຈັດຕັ້ງຊຸດນີ້ເປັນການສືບຕໍ່ບູລະນະ ປະຊາທິປະໄຕ ປະຊາຊົນ, 2. ການເລືອກຕັ້ງເປັນພາກສ່ວນໜຶ່ງໃນການປັບປຸງບູລະນະການຈັດຕັ້ງ ແລະ ບຸກຄະລາກອນຂອງລະບົບການເມືອງຢູ່ຂັ້ນສູນກາງ ແລະ ທອງຖິ່ນ, ເປັນການເລືອກເຟັ້ນ ແລະ ຊັບຊ້ອນ ພະນັກງານຮັບຜິດຊອບໃນວຽກງານຕ່າງໆ , 3 ການເລືອກຕັ້ງຄັ້ງນີ້ເປັນຄວາມຮັບຜິດຊອບຂອງ ຄະນະພັກທຸກຂັ້ນ ແລະ ຂອງທົ່ວປວງຊົນ, ທັງເລືອກໄດ້ຜູ້ທີ່ມີມາດຖານ, ເງື່ອນໄຂຄົບຖ້ວນ, ທັງສູນກາງ, ທ້ອງຖີ່ນ, ເຂດ, ເຜົ່າ, ຜູ້ເກົ່າ ແລະ ຜູ້ໃໝ່ ເພື່ອປະຕິບັດຕາມຄຳຂວັນຂອງກອງປະຊຸມໃຫຍ່ຄັ້ງທີ IX ຂອງອົງຄະນະພັກແຂວງ ສະຫວັນນະເຂດວາງອອກ ເພີ່ມທະວີໃນການຄຸ້ມຄອງສິດ, ໃນການຄຸ້ມຄອງລັດ – ຄຸ້ມຄອງສັງຄົມດ້ວຍກົດໝາຍ, ສ້າງໃຫ້ມີການຫັນປ່ຽນ ຢ່າງແຂງແຮງເລິກເຊິ່ງ ແລະ ຮອບດ້ານ ຕາມ 4 ເນື້ອັ້ໃນ 4 ຄາດໝາຍ, ເສີມຂະຫຍາຍມູນເຊື້ອວັດທະນະທຳອັນດີງາມ, ຄວາມສາມັກຄີປອງດອງບັນດາເຜົ່າ, ດຸໝັ່ນອາດຫານ ແລະ ກ້າວໜ້າໃນບາດກ້າວໃໝ່.