ວັນທີ 9 ກຸມພາ 2021 ບັນດາທ່ານຜູ້ສະໝັກຮັບເລືອກຕັ້ງເປັນສະມາຊິກສະພາປະຊາຊົນແຂວງ (ສສຂ) ຊຸດທີ II #ປະຈຳເມືອງທົ່ງມີໄຊ #ແຂວງໄຊຍະບູລີ ຈຳນວນ 4 ທ່ານ ໄດ້ລົງສະເໜີຕົວ ແລະ ພົບປະຜູ້ມີສິດປ່ອນບັດເລືອກຕັ້ງ ຢູ່ 4 ໜ່ວຍເລືອກຕັ້ງ ພາຍໃນເມືອງ ປະກອບມີ ກອງພັນ 411, ກອງຮ້ອຍ ຊາຍແດນ 156, ກອງບັນຊາການ ທະຫານເມືອງ ແລະ ກອງບັນຊາການ ປກສ ເມືອງ ນຳພາໂດຍທ່ານ ນາງ ບົວສອນ ອິນທະວົງ ຮອງເລຂາຄະນະບໍລິຫານງານພັກເມືອງ, ປະທານຄະນະກວດກາພັກເມືອງ, ປະທານອົງການກວດກາລັດເມືອງ ສະມາຊິກສະພາປະຊາຊົນແຂວງ ຊຸດທີ I ພ້ອມດ້ວຍຜູ້ສະໝັກເລືອກຕັ້ງປະຈຳເມືອງທົ່ງມີໄຊ, ມີບັນດາຄະນະກຳມະການເລືອກຕັ້ງຂັ້ນເມືອງ, ຄະນະພັກ, ຄະນະບັນຊາ ຕະຫຼອດຮອດຜູ້ມີສິດປ່ອນບັດເລືອກຕັ້ງພາຍໃນແຕ່ລະໜ່ວຍເລືອກຕັ້ງເຂົ້າຮ່ວມ.

ຈຸດປະສົງ ຂອງການລົງສະເໜີຕົວ ແລະ ພົບປະຜູ້ມີສິດປ່ອນບັດເລືອກຕັ້ງຄັ້ງນີ້, ກໍ່ເພື່ອເຮັດໃຫ້ຜູ້ມີສິດປ່ອນບັດເລືອກຕັ້ງ ໄດ້ເພີ່ມຄວາມຮັບຮູ້, ຄວາມເຂົ້າໃຈ ຕໍ່ຄວາມໝາຍ, ຄວາມສຳຄັນ ແລະ ຈຸດປະສົງຂອງການເລືອກຕັ້ງ ລວມເຖິງໂຄງປະກອບບຸກຄະລາກອນ ຜູ້ສະຫມັກສະມາຊິກສະພາແຫ່ງຊາດ ຊຸດ IX ໃນຂອບເຂດທົ່ວປະເທດ ແລະ ເຂດເລືອກຕັ້ງທີ 7 ແຂວງໄຊຍະບູລີ, ບຸກຄະລາກອນຜູ້ສະໝັກເລືອກຕັ້ງສະມາ ຊິກສະພາປະຊາຊົນແຂວງ ຊຸດທີ II, ເພຶ່ອເຮັດໃຫ້ຜູ້ມີສິດປ່ອນບັດເລືອກຕັ້ງໄດ້ມີໂອກາດພົບພໍ້ ໄດ້ຍິນສຽງຕົວຈິງ ຂອງຜູ້ສະຫມັກເລືອກຕັ້ງ ໃນຈຳນວນ 4 ທ່ານ ຍິງ 1 ທ່ານ ສາມາດໄປໃຊ້ສິດ ຂອງຕົນເລືອກເອົາຜູ້ແທນເພື່ອເປັນຕົວແທນໃຫ້ແກ່ປະຊາຊົນບັນດາເຜົ່າປະຕິບັດໜ້າທີ່ຢູ່ໃນສະພາ ເຮັດໃຫ້ການເລືອກຕັ້ງໃນຄັ້ງນີ້ບັນລຸຜົນສຳເລັດຕາມລະດັບຄາດໝາຍທີ່ວາງໄວ້