ເພື່ອເປັນການຕ້ອນຮັບການເລືອກຕັ້ງສະມາຊິກສະພາ (ສສຊ) ຊຸດທີ IX, ສະມາຊິກສະພາປະຊາ ຊົນແຂວງ (ສສຂ) ແລະ ນະຄອນຫຼວງວຽງຈັນ ຊຸດທີ II ຊຶ່ງຈະໄດ້ຈັດຂຶ້ນໃນມໍ່ໆນີ້.

ໃນຕົ້ນເດືອນກຸມພາ ຜ່ານມານີ້, 3 ອົງການຈັດຕັ້ງມະຫາຊົນຂອງກົມມໍລະດົກ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ໄດ້ສົມທົບກັບອໍານາດການປົກຄອງທ້ອງຖິ່ນແຂວງໄຊສົມບູນ ເພື່ອເຄື່ອນໄຫວກິດ ຈະກໍາວຽກງານຊ່ວຍເຫຼືອສັງຄົມ ພາຍໃຕ້ຫົວຂໍ້ “ມໍລະດົກລາວ ມໍລະດົກໂລກ” ດ້ວຍການມອບ ເຄື່ອງນຸ່ງຫົ່ມ ແລະ ອຸປະກອນການສຶກສາຈໍານວນໜຶ່ງໃຫ້ກັບນັກຮຽນ, ພໍ່ແມ່ປະຊາຊົນ ທີ່ຢູ່ຫ່າງ ໄກສອກຫຼີກ ບ້ານຜາສະຫງົບ ເມືອງອະນຸວົງ ແຂວງໄຊສົມບູນ ນໍາໂດຍ ທ່ານ ພະຂັນໄຊ ສີຄັນໄຊ ຄະນະພັກກະຊວງ ຖວທ ເລຂາໜ່ວຍພັກກົມມໍລະດົກ ພ້ອມດ້ວຍຄະນະ ຊຶ່ງໄດ້ຮັບການຕ້ອນຮັບຈາກ ຜູ້ຕາງໜ້າພະແນກ ຖວທ ແຂວງ, ເມືອງ, ຫ້ອງການແຮງງານ ແລະ ສະຫວັດດີການສັງຄົມເມືອງ, ຄະນະອໍານວຍການໂຮງຮຽນປະຖົມຂີ້ຊ້າງ, ເລຂາພັກບ້ານໆຜາສະຫງົບ ພ້ອມດ້ວຍປະຊາຊົນຈໍານວນ ໜຶ່ງເຂົ້າຮ່ວມໃນກິດຈະກໍາຄັ້ງນີ້.

ເຄື່ອງທີ່ນໍາມາມອບໃນຄັ້ງນີ້, ແມ່ນໄດ້ມາຈາກການປະກອບສ່ວນຂອງອ້າຍເອື້ອຍນ້ອງພະນັກ ງານພາຍໃນກົມມໍລະດົກ ແລະ ຍັງໄດ້ມີການລະດົມຂົນຂວາຍເຄື່ອງຈາກພາກສ່ວນຕ່າງໆຈາກພາຍ ນອກຕື່ມອີກຈໍານວນໜຶ່ງ.

Medialaos MMD (ແຫຼ່ງຂໍ້ມູນຈາກ: ໜັງສືພິມປະຊາຊົນ)