ໃນຕອນເຊົ້າ ຂອງວັນທີ 2 ກຸມພາ 2021 ເມືອງນານ ແຂວງຫຼວງພະບາງ ໄດ້ຈັດກອງປະຊຸມວຽກງານຮອບດ້ານປະຈຳເດືອນ 1 ປີ 2021 ຂື້ນທີ່ສະໂມສອນໃຫຍ່ຂອງເມືອງ ໂດຍການເປັນປະທານຂອງທ່ານ ຄຳເກັ່ງ ຈັນທະວີສຸກ ເຈົ້າເມືອງ-ເມືອງນານ ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າ-ຮອງຫົວໜ້າຫ້ອງການ, ນາຍ ແລະ ພົນທະຫານ, ນາຍ ແລະ ພົນຕຳຫຼວດ, ພ້ອມດ້ວພະນັກງານ ແລະ ອົງການປົກຄອງບ້ານໃນກຸ່ມເທດສະບານເມືອງເຂົ້າຮ່ວມ.

ທ່ານ ກາວີ ຕົ່ງລີ່ວື່ ຫົວໜ້າຫ້ອງວ່າການປົກຄອງເມືອງນານ ໄດ້ຂຶ້ນລາຍງານການຈັດຕັ້ງປະຕິບັດວຽກງານຮອບດ້ານ ປະຈຳເດືອນ ມັງກອນ 2021 ຜ່ານມາ ໄດ້ຍົກໃຫ້ເຫັນຂົງເຂດປ້ອງກັນຊາດ-ປ້ອງກັນຄວາມສະຫງົບ, ຂົງເຂດເສດຖະກິດ, ວຽກງານພະລັງງານ-ບໍ່ແຮ່, ວຽກງານອຸດສາຫະກຳ-ການຄ້າ, ວຽກງານກະສິກຳ-ປ່າໄມ້, ວຽກງານໂຍທາທິການ-ຂົນສົ່ງ ແລະ ນໍ້າປະປາສາຂາເມືອງນານ,ວຽກງານແຜນການ ແລະ ການລົງທຶນ,ວຽກງານການເງິນ ແລະ ທະນາຄານ, ວຽກງານຊັບພະຍາກອນທຳມະຊາດ ແລະ ສິ່ງແວດລ້ອມ,ວຽກງານໄປສະນີ, ໂທລະຄົມມະນາຄົມ ແລະ ການສື່ສານ, ວຽກງານວິທະຍາສາດ ແລະ ເຕັກໂນໂລຊີ. ຂົງເຂດວັດທະນະທຳ-ສັງຄົມ,ວຽກງານສຶກສາທິການ ແລະ ກິລາ, . ວຽກງານແຮງງານ-ສະຫວັດດີການສັງຄົມ, ວຽກງານຖະແຫຼງຂ່າວ-ວັດທະນະທຳ ແລະ ທ່ອງທ່ຽວ, ວຽກງານສາທາລະນະສຸກ. ຂົງເຂດລະບົບການເມືອງ, ວຽກງານຫ້ອງວ່າການ, . ວຽກງານແນວລາວສ້າງຊາດ, ສະຫະພັນນັກຮົບເກົ່າ ແລະ ອົງການຈັດຕັ້ງມະຫາຊົນ, ວຽກງານພາຍໃນ,ວຽກງານໂຄສະນາອົບຮົມ, ວຽກງານອົງການກວດກາລັດ, ວຽກງານອົງການປົກປ້ອງກົດໝາຍ,ວຽກງານຈັດຕັ້ງ.ຈາກນັ້ນ ທ່ານ ຄຳເກັ່ງ ຈັນທະວີສຸກ ໄດ້ສະເໜີໃຫ້ແຕ່ລະພາກສ່ວນມີຄຳເຫັນສະເໜີຕໍ່ທີ່ປະຊຸມເພື່ອປະກອບສ່ວນເຮັດໃຫ້ກອງປະຊຸມມີຄວາມໜັກແໜ້ນ.

ໃນຕອນທ້າຍກອງປະຊຸມ ທ່ານ ຄຳເກັ່ງ ຈັນທະວີສຸກ ກຳມະການພັກແຂວງ ເລຂາຄະນະບໍລິຫານງານພັກເມືອງ ກໍ່ໄດ້ມີຄຳເຫັນ ໄດ້ໂອລົມຕໍ່ພິທີເຊິ່ງທ່ານໄດ້ຊີ້ນຳຫຼາຍບັນຫາເພື່ອເຮັດໃຫ້ກອງປະຊຸມໃນຄັ້ງນີ້ໄດ້ຮັບຜົນສຳເລັດໃນລະດັບຄາດໝາຍ. ເປັນຕົ້ນແມ່ນວຽກງານ ຂົງເຂດ ປ້ອງກັນຊາດ-ປ້ອງກັນຄວາມສະຫງົບ, ຂົງເຂດເສດຖະກິດ, ຂົງເຂດວັດທະນະທຳ-ສັງຄົມ,ຂົງເຂດແນວລາວສ້າງຊາດ ແລະ ຂົງເຂດພັກ – ພະນັກງານ ແລະຂົງເຂດອື່ນໆ ເພື່ອຍົກໃຫ້ເຫັນບັນຫາທີ່ພົ້ນເດັ່ນ ແລະ ຂໍ້ຄົງຄ້າງໃນການປະຕິບັດໜ້າທີ່ວຽກງານທີ່ ພັກ-ລັດ ມອບໝາຍໃຫ້ປະຕິບັດຜ່ານມາໃຫ້ມີຄວາມສັດເຈນຖືກຕ້ອງສອດຄ່ອງກັບຕົວຈິງ.