ໃນວັນທີ 11 ກຸມພາ 2021 ນີ້. ຜູ້ ສະໝັກເລືອກຕັ້ງສະມາຊິກສະພາແຫ່ງຊາດ ຊຸດທີ IX #ເຂດເລືອກຕັ້ງທີ່ 7 ແຂວງໄຊຍະບູລີ ແລະ ສະມາຊິກສະພາປະຊາຊົນແຂວງໄຊຍະບູລີ ຊຸດທີ II ປະຈໍາເຂດເລືອກຕັ້ງເມືອງເງິນ ແຂວງໄຊຍະບູລີ ໄດ້ລົງເຄື່ອນໄຫວສະເໜີຕົວຕໍ່ຜູ້ມີສິດປ່ອນບັດເລືອກຕັ້ງຢູ່ພາຍໃນ ເມືອງເງິນ ໂດຍການໃຫ້ກຽດຕ້ອນຮັບຂອງທ່ານ ຄຳແພງ ຕັດສະຫວັດ ເຈົ້າເມືອງໆເງິນ ພ້ອມດ້ວຍທີມງານຄະນະນໍາຂອງເມືອງ.

ການລົງເຄື່ອນໄຫວຂອງຜູ້ສະໝັກເລືອກຕັ້ງສະມາຊິກສະພາແຫ່ງຊາດ ຊຸດທີ IX ເຂດເລືອກຕັ້ງທີ 7 ແລະ ສະມາຊິກສະພາປະຊາຊົນແຂວງໄຊຍະບູລີ ຊຸດທີ II ຢູ່ເມືອງເງິນໃນຄັ້ງນີ້ ນຳໂດຍ: ແມ່ນ ທ່ານ ພົນໂທ ສຸວອນ ເລືອງບຸນມີ ກຳມະການສູນກາງພັກ ຮອງລັດຖະມົນຕີ ກະຊວງປ້ອງກັນປະເທດ ຜູ້ສະໝັກໝາຍເລກ1 ພ້ອມດ້ວຍຜູ້ສະໝັກຮັບເລືອກຕັ້ງສະມາຊິກສະພາແຫ່ງຊາດ ຊຸດທີ IX ເຂດເລືອກຕັ້ງທີ 7 ແຂວງໄຊຍະບູລີ ແລະ ຜູ້ສະໝັກຮັບເລືອກຕັ້ງສະມາຊິກສະພາປະຊາຊົນແຂວງໄຊຍະບູລີ ຊຸດທີ II ປະຈໍາເຂດເລືອກຕັ້ງເມືອງເງິນ. ເຊີ່ງ ໄດ້ແບ່ງອອກເປັນ 3 ຈຸດຄື: ຈຸດທີ 1 ຢູ່ເດີນກິລາຂອງເມືອງ, ຈຸດທີ 2 ຢູ່ບ້ານເພຍງາມ ແລະ ຈຸດທີ 3 ແມ່ນຢູ່ບ້ານ ທອງ ເຊິ່ງມີບັນດາພະນັກງານ-ນັກຮົບປະຕິວັດອາວຸໂສ, ພະນັກງານບໍານານ, ພະນັກງານຄູ-ອາຈານ ຕະຫຼອດຮອດພໍ່ແມ່ປະຊາຊົນຜູ້ມີສິດເລືອກຕັ້ງພາຍໃນເມືອງເຂົ້າຮ່ວມ ທັງໝົດ 4.832 ຄົນ, ຍິງ 1.985 ຄົນ. ຈາກນັ້ນໃນຕອນບ່າຍຂອງວັນດຽວກັນນີ້.

ຄະນະທິມງານ ຜູ້ສະໝັກເລືອກຕັ້ງ ໄດ້ລົງເຄື່ອນໄຫວພົບປະບັນດາພະນັກງານຫລັກແຫຼ່ງຂອງເມືອງ ຢູ່ທີ່ຫໍປະຊຸມໃຫຍ່ຂອງເມືອງ ຈຸດປະສົງໃນການລົງສະເໜີຕົວຕໍ່ຜູ້ມີສິດປ່ອນບັດເລືອກຕັ້ງຄັ້ງນີ້ ແມ່ນເພື່ອສະເໜີໃຫ້ ບັນດາພະນັກງານ ທະຫານ ຕໍ່າຫຼວດ ຕະຫຼອດຮອດພໍ່ແມ່ປະຊາຊົນບັນດາເຜົ່າ ຜູ້ມີສິດເລືອກຕັ້ງພາຍໃນເມືອງ ໄດ້ຮັບຮູ້ ແລະ ເຂົ້າໃຈເຖິງພາລະບົດບາດ, ສິດ ແລະ ໜ້າທີ່ ຂອງສະມາຊິກສະພາແຫ່ງຊາດ ແລະ ສະພາປະຊາຊົນແຂວງ ພ້ອມທັງນໍາສະເໜີປະຫວັດການເຄື່ອນໄຫວຂອງຕົນ ໃນແຕ່ລະໄລຍະຜ່ານມາຈົນເຖິງປະຈຸບັນ.

ເພື່ອເຮັດໃຫ້ຜູ້ມີສິດເລືອກຕັ້ງໄດ້ນໍາໄປພິຈາລະນາໃນການໃຊ້ສິດຂອງຕົນເຂົ້າໃນການເລືອກຕົວແທນຂອງຕົນເຂົ້າໄປນັ່ງໃນສະພາ ເພາະການເລືອກຕັ້ງຖືເປັນເຫດການເມືອງທີ່ສຳຄັນຂອງພັກຂອງຊາດ, ເປັນໂອກາດທີ່ປະຊາຊົນບັນດາເຜົ່າ ຈະໄດ້ໃຊ້ສິດປະຊາທິປະໄຕເລືອກເອົາຕົວແທນຂອງຕົນ ເພື່ອໄປປົກປ້ອງສິດ ຜົນປະໂຫຍດອັນຊອບທໍາຂອງປະຊາຊົນບັນດາເຜົ່າຢ່າງແທ້ຈີງ. ສະເພາະຢູ່ເຂດເລືອກຕັ້ງທີ່ 7 ແຂວງໄຊຍະບູລີມີຜູ້ສະໝັກຮັບເລືອກຕັ້ງສະມາຊິກສະພາແຫ່ງຊາດ ມີທັງໝົດ 12 ທ່ານ, ຍິງ 2 ທ່ານ ເລືອກເອົາ 9 ທ່ານ ແລະ ສະມາຊິກສະພາປະຊົນແຂວງໄຊຍະບູລີ ຊຸດທີ II ປະຈຳເຂດເລືອກຕັ້ງເມືອງເງິນ ມີທັງໝົດ 5 ທ່ານ, ຍິງ 1 ທ່ານ ເລືອກເອົາ 3 ທ່ານ. ທັ້ງໝົດນີ້ກໍ່ເພື່ອ ຮັບປະກັນ ເຮັດໃຫ້ການເລືອກຕັ້ງຄັ້ງນີ້ໃຫ້ບັນລຸ 400 ສວ່ນຮ້ອຍທີ່ແຂວງວາງອອກໃຫ້ປະກົດຜົນເປັນຈິງ.