ໃນວັນທີ 10 ກຸມພາ 2021 ນີ້, ກອງພັນ 14 ຂື້ນກັບກອງພົນທະຫານຮາບທີ 4 ໄດ້ຈັດຕັ້ງເຊື່ອມຊືມກ່ຽວກັບເອກກະສານປ່ອນບັດເລືອກຕັ້ງສະມາຊິກສະພາແຫ່ງຊາດຊຸດທີ IX ແລະ ສະພາປະຊາຊົນຂັ້ນແຂວງຊຸດທີ II ຊຶ່ງຈັດຂື້ນຢູ່ທີ່ສະໂມສອນກອງພັນ14,ໂດຍການເປັນປະທານຂອງ ສະຫາຍ ພັນໂທ ບຸນໜອມ ຈອມພະອິນ ເລຂາຄະນະພັກຮາກຖານ ຫົວໜ້າການເມືອງກອງພັນ14 ພ້ອມທັງຄະນະພັກ – ຄະນະບັນຊາກົມກອງຕະຫຼອດຮອດ, ພະນັກງານ-ນັກຮົບໃນກົມກອງເຂົ້າຮ່ວມຢ່າງພ້ອມພຽງ.

ໂອກາດນີ້,ສະຫາຍ ພັນໂທ ບຸນໜອມ ຈອມພະອິນ ເລຂາຄະນະພັກຮາກຖານ ຫົວໜ້າການເມືອງກອງພັນ 14 ພ້ອມທັງຄະນະ ໄດ້ຜັດປ່ຽນກັນຂື້ນເຜີຍແຜ່ເອກະສານກ່ຽວກັບການປ່ອນບັດເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະພາປະຊາຊົນຂັ້ນແຂງຊຸດທີ II ເຊິ່ງມີເອກະສານຄື: ເອກະສານເສີມຂະຫຍາຍສິດເປັນເຈົ້າຂອງປະຊາຊົນໃນການເລືອກຕັ້ງ ສະມາຊິກສະພາແຫ່ງຊາດ ແລະ ສະພາປະຊາຊົນຂັ້ນແຂວງ, ເອກະສານກ່ຽວກັບຄວາມໝາຍຄວາມສຳຄັນຂອງການເລືອກຕັ້ງສະມາຊິກສະພາແຫ່ງຊາດ ແລະ ສະພາປະຊາຊົນຂັ້ນແຂວງ ແລະ ເອກະສານ ຄຳຖາມ-ຄຳຕອບ ກ່ຽວກັບຄວາມເປັນມາ,ສິດ-ໜ້າທີ່,ທີ່ຕັ້ງ,ພາລະບົດບາດ ແລະ ເອກະສານອື່ນໆ… ຂອງສະພາແຫ່ງຊາດ ແລະ ສະພາປະຊາດຊົນຂັ້ນແຂວງ, ທັງນີ້ກໍ່ເພື່ອຢາກໃຫ້ພະນັກງານ-ນັກຮົບໃນກົມກອງຮັບຮູ້,ເຊື່ອມຊືມ ແລະ ເຂົ້າໃຈແຈ້ງ ກ່ຽວກັບການເລືອກຕັ້ງສະມາຊິກສະພາແຫ່ງຊາດຊຸດທີ IX ແລະ ສະພາປະຊາຊົນຂັ້ນແຂວງ ຊຸດທີ II ພ້ອມທັງໃຊ້ສິດໃນການເລືອກຕັ້ງຂອງຕົນໃຫ້ເຕັມສ່ວນ ເພື່ອເລືອກເອົາຜູ້ແທນທີ່ມີຄວາມຮູ້ – ຄວາມສາມາດກ້າຄິດ – ກ້າທຳ, ມີແບບແຜນດຳລົງຊີວິດຖືກຕ້ອງໂປ່ງໃສຂາວສະອາດ, ມີຄວາມອຸ່ນອ່ຽງ, ທຸ່ນທ່ຽງໄປຢູ່ໃນສະພາ ເພື່ອພ້ອມພາກັນສ້າງສາພັດທະນາປະເທດຊາດໃຫ້ຈະເລີນຮຸ່ງເຮືຶອງໃນຕໍ່ໜ້າ.
ໂອກາດດັ່ງກ່າວ,ສະຫາຍ ພັນໂທ ບຸນໜອມ ຈອມພະອິນ ເລຂາຄະນະພັກ ຫົວຫນ້າການເມືອງກອງພັນ 14 ໄດ້ໂອ້ລົມ ແລະ ເນັ້ນໜັກ ໃຫ້ພະນັກງານ – ນັກຮົບເອົາໃຈໃສ່ ຍົກສູງໜ້າທີ່ການເມືອງຂອງຕົນໃຫ້ສູງຂື້ນກວ່າເກົ່າໃນການໃຊ້ສິດຂອງຕົນເຂົ້າໃນການເລືອກຕັ້ງຢ່າງເຕັມ 100 % ອ່ານເບິ່ງລະອຽດຄັກແນ່ແຕ່ລະໝາຍເລກເພື່ອເລືອກເຟັ້ນເອົາຜູ້ແທນ ຜູ້ທີ່ມີຄວາມຮູ້ ຄວາມສາມາດໄປນັ່ງໃນສະພາລີກລ້ຽງບັັດຕາຍ, ເພື່ອພ້ອມກັນປະກອບສ່ວນໃນບັ້ນເລືອກຕັ້ງ ສສຊ ຊຸດທີ IX ແລະ ສສຂ ຊຸດທີ II ໃຫ້ເກີດປະໂຫຍດສູງສຸດ.