ຕອນເຊົ້າ ວັນທີ 11 ກຸມພາ 2021 ຜູ້ສະໝັກຮັບເລືອກຕັ້ງ ເປັນສະມາຊິກສະພາປະຊາຊົນແຂວງ ຊຸດທີ ll ປະຈໍາເຂດເລືອກຕັ້ງທີ 4 ເມືອງວຽງພູຄາ ແຂວງຫຼວງນໍ້າທາ ຈໍານວນ 06 ທ່ານ,ຍິງ 02 ທ່ານ ໄດ້ລົງເຄື່ອນໄຫວໂຄສະນາຫາສຽງຢ່າງເປັນທາງການ ຢູ່ທີ່ເດີນໂຮງຮຽນປະຖົມບ້ານນໍ້າເງິນ ເມືອງວຽງພູຄາ ແຂວງຫຼວງນໍ້າທາ ໃຫ້ກຽດເຂົ້າຮ່ວມໂດຍ ທ່ານ ນາງ ເຮືອຍ ສົມຫວັງ ກໍາມະການປະຈໍາພັກເມືອງ ຮອງເຈົ້າເມືອງໆວຽງພູຄາ ມີຄະນະຮັບຜິດຊອບກະກຽມການເລືອກຕັ້ງຂັ້ນເມືອງ, ອົງການຈັດຕັ້ງບ້ານ ແລະ ປະຊາຊົນພາຍໃນ ບ້ານນໍ້າເງິນ ເຂົ້າຮ່ວມ.

ການລົງເຄື່ອນໄຫວໂຄສະນາຫາສຽງຂອງຜູ້ຮັບສະຫມັກເລຶອກຕັ້ງເປັນສະມາຊິກສະພາປະຊາຊົນແຂວງຄັ້ງນີ້ ແມ່ນເຫດການໆເມືອງສໍາຄັນທິ່ສຸດຂອງລະບອບປະຊາທິປະໄຕເພຶ່ອໃຫ້ປະຊາຊົນໄດ້ມີໂອກາດໃຊ້ສິດເລຶອກເອົາຜູ້ແທນຂອງຕົນໄປດໍາລົງຕໍາແໜ່ງຢູ່ໃນສະພາ ເປັນອົງການຕົວແທນແຫ່ງສິດ ແລະ ຜົນປະໂຫຍດອັນຊອບທໍາຂອງປະຊາຊົນລາວບັນດາເຜົ່າ ເລຶອກເອົາຜູ້ທິ່ມີຄວາມຮູ້ຄວາມສາມາດ ມີມາດຖານເງຶ່ອນໄຂຄົບຖັວນຢ່າງແທ້ຈິງ ທັງເປັນການສືບຕໍ່ປະຕິບັດພາລະບົດບາດສິດ ແລະ ຫນ້າທິ່ສະພາແຫ່ງຊາດ ແລະ ສະພາປະຊາຊົນແຂວງໃຫ້ມີລັກສະນະຕໍ່ເນື່ອງເພຶ່ອປະກອບສ່ວນເຂົ້າໃນພາລະກິດປ່ຽນແປງໃໝ່ຂອງພັກ, ຢູ່ໃນໄລຍະການປົກປັກຮັກສາ ແລະ ສ້າງສາພັດທະນາປະເທດຊາດໃຫ້ມີຄວາມຈະເລີນຮຸ່ງເຮືອງ.

ໂອກາດດັ່ງກ່າວ ຜູ້ສະໜັກແຕ່ລະທ່ານ ກໍ່ໄດ້ຂື້ນສະເໜີຕົວ, ປະຫວັດ, ການເຄື່ອນໄຫວຂອງຕົນໃນໄລຍະຜ່ານມາ ເພື່ອເຮັດໃຫ້ຜູ້ມີສິດເລືອກຕັ້ງໄດ້ຮັບຮູ້, ເຂົ້າໃຈຢ່າງເລິກເຊິ່ງ ແລະ ນໍາໄປພິຈາລະນາສຸມຈິດສຸມໃຈໃຊ້ສິດຂອງຕົນປ່ອນບັດຄັດເລືອກເອົາບຸກຄົນຜູ້ທີ່ມີມາດຖານ ເງຶ່ອນໄຂ ແລະ ສາມາດເປັນຕົວແທນຂອງປະຊາຊົນບັນດາເຜົ່າ ປົກປ້ອງສິດ,ຜົນປະໂຫຍດຂອງປະຊາຊົນໂດຍປະຊາຊົນ ແລະ ເພື່ອປະຊາຊົນຢ່າງແທ້ຈິງ ພ້ອມກັນນັ້ນ ຜູ້ສະໜັກ ຍັງໄດ້ໃຫ້ຄໍາຢຶນຢັນ ແລະ ປະຕິຍານຕົນ ຢ່າງໜັກແໜ້ນ ຕໍ່ຜູ້ມີສິດເລືອກຕັ້ງຕື່ມວ່າ: ຈະທຸ່ມເທເຫື່ອແຮງ ແລະ ສຸມສະຕິປັນຍາຂອງຕົນ ເຂົ້າໃນການຮັບໃຊ້ຊາດ, ຮັບໃຊ້ປະຊາຊົນຢ່າງສຸດຄວາມສາມາດ ເພື່ອຜົນປະໂຫຍດລວມຂອງຊາດ, ຂອງປະຊາຊົນ ໂດຍສະເພາະ ຮັບໃຊ້ປະຊາຊົນຊາວແຂວງຫຼວງນໍ້າທາ ກໍ່ຄືເມືອງວຽງພູຄາ ຢ່າງສຸດໃຈ.

ສໍາລັບ ຜູ້ສະໝັກຮັບເລືອກຕັ້ງເປັນສະມາຊິກສະພາປະຊາຊົນແຂວງ ຊຸດທີ 2 ປະຈໍາເຂດເລືອກຕັ້ງທີ 4 ເມືອງວຽງພູຄາ ແຂວງຫຼວງນໍ້າທາ, ມີ 6 ທ່ານ,ຍິງ 2 ທ່ານ ຈະຄັດເລືອກເອົາ 4 ທ່ານ ເພື່ອເປັນຜູ້ແທນຂອງປະຊາຊົນຢູ່ໃນສະພາປະຊາຊົນແຂວງ. ດັ່ງນັ້ນເພື່ອໃຫ້ການເລືອກຕັ້ງ ບັນລຸຕາມລະດັບ ຄາດໝາຍທີ່ວາງໄວ້ ຂໍເຊີນຊວນໃຫ້ປະຊາຊົນລາວ ບັນດາເຜົ່າໃນທົ່ວປະເທດ ໂດຍສະເພາະຢູ່ເມືອງວຽງພູຄາ ຜູ້ທີ່ມີອາຍຸແຕ່ 18 ປີຂຶ້ນໄປຈົ່ງພ້ອມພຽງກັນໄປໃຊ້ສິດຂອງ ຕົນປ່ອນບັດເອົາ ຜູ້ແທນທີ່ໄດ້ມາດຖານ ແລະ ເງື່ອນໄຂຄົບຖ້ວນ ເພື່ອໄປເຮັດໜ້າທີ່ ໃນການປົກປ້ອງສິດ ແລະ ຜົນປະໂຫຍດ ຂອງປະຊາຊົນ ຢູ່ໃນສະພາ ແລະ ເອົາໃຈໃສ່ ເຮັດໃຫ້ ການເລືອກຕັ້ງໃນຄັ້ງນີ້ບັນລຸຕາມລະດັບຄາດໝາຍ ສາມຮ້ອຍສ່ວນຮ້ອຍ ແລະ ມີຜົນສຳເລັດຢ່າງຈົບງາມ. ຈາກນັ້ນຜູ້ສະໝັກຮັບເລືອກຕັ້ງ ເປັນສະມາຊິກສະພາປະຊາຊົນແຂວງ ຊຸດທີ ll ປະຈໍາເຂດເລືອກຕັ້ງທີ 4 ເມືອງວຽງພູຄາ ແຂວງຫຼວງນໍ້ທາ ຍັງຈະໄດ້ສືບຕໍ່ລົງເຄື່ອນໄຫວໂຄສະນາຫາສຽງ ແຕ່ວັນທີ 11 – 19 ກຸມພາ 2021 ຈິ່ງສໍາເລັດ.