ໃນວັນທີ 12 ກຸມພາ 2021 ນີ້ ຫ້ອງການໆເງິນ​ເມືອງປະທຸມພອນ ແຂວງຈໍາປາສັກ ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານການເງິນປະຈໍາປີ 2020 ນີ້ ທີ່ສະ ໂມສອນຂອງເມືອງ ໂດຍການເປັນປະທານ ຂອງທ່ານ ກິ່ງແກ້ວ ນະວະພົມ ຄະນະປະຈໍາພັກເມືອງ ຮອງເຈົ້າເມືອງໆປະທຸມພອນ ທັງເປັນຜູ້ຊີ້ນໍາວຽກງານເສດຖະກິດຂັ້ນເມືອງ, ມີບັນດາທ່ານຈາກພະແນກຊ່ວຍສາອາກອນແຂວງ, ພະແນກການເງິນແຂວງ, ກໍາມະການພັກເມືອງ, ຫົວໜ້າຫ້ອງການ, ເລຂາຄະນະຮາກຖານກຸ່ມບ້ານ, ນາຍບ້ານ ແລະ ການເງິນບ້ານ ຕະຫຼອດຮອດພະນັກງານ ວິຊາການທີ່ກ່ຽວຂ້ອງອ້ອມຂ້າງເມືອງເຂົ້າຮ່ວມ.

ໃນກອງປະຊຸມ ທ່ານ ໄຊຍະສິດ ອັກຄະວົງ ກໍາມະການພັກເມືອງ ຫົວໜ້າຫ້ອງການ-ການເງິນເມືອງ ໄດ້ຂຶ້ນຜ່ານບົດລາຍງານການຈັດຕັ້ງປະຕິບັດວຽກງານການເງິນ ສົກປີ 2020 ພ້ອມກໍານົດທິດທາງແຜນການປີ 2021 ເຊິ່ງໃນນັ້ນ; ການຈັດເກັບລາຍຮັບທັງໝົດສົກປີ ບັນລຸໄດ້ 9.748 ຕື້ກິບ, ທຽບໃສແຜນປີປະຕິລບັດໄດ້ 102% ; ສ່ວຍສາອາກອນປະຕິບັດໄດ້ 7.535 ຕື້ກີບ, ເທົ່າກັບ 93% ຂອງແຜນປີ, ທຽບໃສ່ປີ2019ໄດ້ 103,28% ໃນນັ້ນ: ອາກອນປົກກະຕິບັດໄດ້ 5.861 ຕື້ກີບ, ເທົ່າກັບ 96% ຂອງແຜນປີ, ທຽບໃສ່ໄລຍະດຽວກັນເທົ່າກັບ 92.97%; ພາສີທີ່ດິນປະຕິບັດໄດ້ 1.140 ຕື້ກີບ, ເທົ່າກັບ 87% ຂອງແຜນປີ, ທຽບໃສ່ປີ 2019ໄດ້ 95%; ຄ່າທໍານຽມຕ່າງໆປະຕິບັດໄດ້ 380 ລ້ານກີບ, ເທົ່າກັບ 79% ຂອງແຜນປີ, ຄ່າລາຍຮັບວິຊາການປະຕິບັດໄດ້ 152 ລ້ານກີບ, ທຽບໃສ່ແຜນປີ 76%, ຄຸ້ມຄອງຊັບສິນປະຕິລບັດໄດ້ 2.213 ຕື້ກີບ ເທົ່າກັບ 156% ຂອງແຜນປີ, ທຽບໃສ່ປີ 2019 ໄດ້ 172% , ຊັບສິນປົກກະຕິປະຕິບັດໄດ້ 1.703 ຕື້ກີບ, ເທົ່າກັບ 217%, ຂອງແຜນປີ , ຄ່າເຊົ່າ-ສໍາປະທານ-ຫັນສິດ 509 ລ້ານກີບ, ເທົ່າກັບ 81%. ຄຽງຄູ່ກັນນັ້ນ: ໃນກອງປະຊຸມ ບັນດາພະແນກການ ແລະ ຫ້ອງການທີ່ກ່ຽວຂ້ອງຂອງແຂວງ ແລະ ເມືອງ ກໍ່ໄດ້ຜັດປ່ຽນກັນປະກອບຄໍາຄິດຄໍາເຫັນ ແລກປ່ຽນບົດຮຽນ ເພື່ອເປັນທິດທາງໃນການຈັດເກັບລາຍຮັບເຂົ້າງົບປະມານ ໃຫ້ມີຄວາມຖືກຕ້ອງຊັດເຈນ ແລະ ມີປະສິດທິຜົນສູງຂຶ້ນເທື່ອລະກ້າວ ໂດຍສະເພາະ ກ່ຽວກັບການເກັບກໍາຂໍ້ມູນຖານລາຍຮັບຢູ່ບັນດາຮາກຖານກຸ່ມບ້ານ, ບໍລິສັດຫ້າງຮ້ານ ແລະ ຫົວໜ່ວຍທຸລະກິດ ຜູ້ປະກອບການພາຍໃນເມືອງ.

ທ່ານ ກິ່ງແກ້ວ ນະວະພົມ ຄະນະປະຈໍາພັກເມືອງ ຮອງເຈົ້າເມືອງປະທຸມພອນ ກໍ່ໄດ້ຮຽກຮ້ອງມາຍັງບັນດາສະຫາຍແຕ່ລະກົມກອງຫ້ອງການ ສູ້ຊົນ ຕົວເລກຈັດເກັບລາຍຮັບ ສົກປີ 2021 ໃຫ້ບັນລຸຕາມແຜນການທີ່ວາງໄວ້, ສຸມໃສ່ການແກ້ໄຂແຫຼ່ງລາຍຮັບທີ່ບໍ່ທັນໄດ້ປະຕິບັດ ຫຼື ປະຕິບັດແລ້ວ ແຕ່ຍັງບໍ່ທັນໄດ້ຕາມຄາດໝາຍ ໃຫ້ໄດ້ຖືກຈັດຕັ້ງປະຕິບັດຢ່າງເຂັ້ມງວດ ແລະ ມອບຄວາມຮັບ ຜິດຊອບໃຫ້ແກ່ທ້ອງຖິ່ນຮາກຖານກຸ່ມບ້ານ, ກົມກອງ ຫ້ອງການ ມີຄວາມຮັບຜິດຊອບໂດຍກົງ ໃນການຊີ້ນໍາ-ນໍາພາຊຸກຍູ້ຕິດຕາມກວດກາການປະຕິບັດແຜນເກັບລາຍຮັບ ຄຸ້ມຄອງລາຍຈ່າຍ ໃນຂົງເຂດຄວາມຮັບຜິດ ຊອບຂອງຕົນ ແຕ່ລະໜ່ວຍງານ ໃຫ້ບັນລຸຕາມຄາດໝາຍ