ຕອນຄໍ່າຂອງວັນທີ 12 ກຸມພາ 2021 ສູນວັດທະນະທໍາຈີນ ປະຈໍາ ສປປ ລາວ ໄດ້ຈັດງານມະໂຫລານ ເທດສະການບຸນກຸດຈີນອອນລາຍ ຊຶ່ງເປັນໜຶ່ງໃນກິດຈະກໍາສໍາ ຄັນ ຂອງປີ 2021, ໂດຍມີການ ຖ່າຍທອດສົດ (ໄລຟ໌ສົດ) ງານບຸນກຸດຈີນ ຊຶ່ງໃນງານໄດ້ມີການແຈກໂຊກໃຫ້ຜູ້ຊົມໄດ້ລຸ້ນຮັບລາງວັນຫຼາກຫຼາຍບໍ່ວ່າຈະ ເປັນ: ໂທລະທັດ, ໂທລະສັບ, ລຳໂພງ ຫູຟັງໄຮ້ສາຍ, ອັງເປົ່າ, ຜົນງານສິລະປະຂອງຈີນ, ຕຸກກະຕາງົວ ແລະ ອື່ນໆ, ໃຫ້ຜູ້ຊົມໄດ້ຮ່ວມມ່ວນຊື່ນໃນການລຸ້ນຮັບຂອງລາງວັນໃນໄລຍະໂຄວິດ-19 ນີ້.

ງານກິດຈະກຳບຸນມະໂຫລານກຸດຈີນໃນຄັ້ງນີ້ສູນວັດທະນະທຳຈີນ ປະຈຳ ສປປ ລາວ ໄດ້ເລືອກເອົາຜົນງານທີ່ໂດດເດັ່ນຈາກປະເທດຈີນ ແລະ ສູນວັດທະນະທຳ ຈີນສ້າງຂຶ້ນເອງມາເຜີຍແຜ່ລົງເຟສບຸກຂອງສູນເຊັ່ນ: ງານວາງສະແດງເໝືອນຈິງ ຫົວຂໍ້ “ບຸນກຸດຈີນ”, ງານດົນຕີຊິມໂຟນີບຸນກຸດຈີນ “ຂອດເພງປີ ໃໝ່ທີ່ອຸດົມສົມບູນ”, “ຕົ້ນກໍາ ເນີດຂອງແມ່ນໍ້າ” ລະຄອນ ພື້ນເມືອງ, ເລື່ອງເລົ່າປີໃໝ່ ຈາກອານິເມຊັ້ນ ແລະ ອື່ນໆອີກ ຫຼາຍຢ່າງ.

ປີ 2021 ເປັນປີມິດຕະ ພາບລາວ-ຈີນ, ງານມະໂຫ ລານເທດສະການບຸນກຸດຈີນ ອອນລາຍ ກໍເປັນໜຶ່ງໃນກິດ ຈະກຳປີມິດຕະພາບລາວ-ຈີນ ຊຶ່ງຈະໄດ້ຈັດຈົນເຖິງວັນທີ 26 ກຸມພາ 2021. ທຸກທ່ານສາມາດກົດຕິດ ຕາມເຟສບຸກຂອງສູນໄດ້ທີ່ຊື່ China Cultural Center in Laos ເພື່ອເຂົ້າຮ່ວມທຸກກິດ ຈະກໍາຂອງພວກເຮົາ.

Medialaos MMD (ແຫຼ່ງຂໍ້ມູນຈາກ: ໜັງສືພິມປະຊາຊົນ)