ໃນຕອນເຊົ້າຂອງວັນທີ 15 ກຸມພາ 2021 ນີ້ ທີມງານຜູ້ສະໝັກ ສສຂ ຊຸດທີ ll ເຂດເລືອກຕັ້ງເມືອງພີນ ໄດ້ສືບຕໍ່ເຄື່ອນໄຫວພົບປະໂອ້ລົມຫາສຽງກັບປະຊາຊົນຜູ້ມີສິດປ່ອນບັດເລືອກຕັ້ງຢູ່ 2 ຈຸດ: ຈຸດທີ1 ຢູ່ທີ່ວັດ ບ້ານ ນາທະລັງ ເຂດກຸ່ມບ້ານທີ3 ແລະ ຈຸດທີ2 ຢູ່ທີ່ໂຮງຮຽງ ບ້ານ ຫິນສະໂງມ ເຂດກຸ່ມບ້ານທີ4. ໂດຍການນຳພາຂອງ ທ່ານ ຄຳຮູ້ ສຸລິສິດ ຄະນະປະຈຳພັກເມືອງ ຮອງເຈົ້າເມືອງໆພີນພ້ອມທີມງານກອງເລຂາ ແລະ ຜູ້ສະໝັກເລືອກຕັ້ງ ນ້ຳເບີ1 ທ່ານ ແກ້ວວິໄສ ອິນທິລາດ ຮອງເລຂາພັກເມືອງ ປະທານກວດກາພັກ-ລັດເມືອງພີນ, ນ້ຳເບີ2 ທ່ານ ນາງ ອ່ອນຕາ ບຸດຕະໂຄດ ຫົວໜ້າຂະແໜງເຕັກໂນໂລຊີການສື່ສານຂໍ້ມູນຂ່າວສານ ຮັບຜິດຊອບວຽກງານບໍລິຫານລັດດ້ວຍເອເລັກໂຕນິກ, ນ້ຳເບີ3 ທ່ານ ນາງ ຄຳຫຼ້າ ສະຫວັນໄຊ ກຳມະການພັກເມືອງ ປະທານສະຫະພັນແມ່ຍິງເມືອງພີນ, ນ້ຳເບີ4 ທ່ານ ພັທ ເພັດ ໄຊສົງຄາມ ຄະນະປະຈຳພັກເມືອງ ຫົວໜ້າກອງບັນຊາການປ້ອງກັນຄວາມສະຫງົບເມືອງພີນ ແລະ ນ້ຳເບີ5 ທ່ານ ນາງ ພາສຸກ ໂຄດສີເມືອງ ຮອງຫົວໜ້າຫ້ອງການສຶກສາທິການ ແລະ ກິລາເມືອງພີນ.

ເປັນກຽດຕ້ອນຮັບຂອງບັນດາທ່ານເລຂາ-ຮອງເລຂາພັກຮາກຖານ,ເລຂາພັກບ້ານ-ນາຍບ້າຍຕະຫຼອດຮອດ ປະຊາຊົນຜູ້ມີສິດປ່ອນບັດເລືອກຕັ້ງໃຫ້ການຕ້ອນຮັບຢ່າງອົບອຸ່ນ. ຈາກນັ້ນ ຜູ້ສະໝັກສະມາຊິກສະພາປະຊາຊົນແຂວງຊຸດທີ ll ເຂດເລືອກຕັ້ງເມືອງພີນກໍ່ໄດ້ຜັດປ່ຽນກັນແນະນຳຕົນເອງພ້ອມໂອ້ລົມຫາສຽງຕໍ່ບັນດາຜູ້ມີສິດປ່ອນບັດເລືອກຕັ້ງໃນຊຸດນີ້ອີກດ້ວຍ.