ທ່ານ ພົງສະຫວັດ ສິງຫາລາດ ຜູ້ສະໝັກໝາຍເລກ 3 ສະມາຊິກສະພາປະຊາຊົນແຂວງ (ສສຂ) ຊຸດທີ II ເຂດເລືອກຕັ້ງເມືອງທ່າແຕງ ແຂວງເຊກອງ ໃນໂອກາດລົງເຄື່ອນໄຫວພົບປະໂຄສະນາ ຫາສຽງສະໜັບສະໜູນຈາກປະຊາຊົນວ່າ: ຂ້າພະເຈົ້າມີຄວາມດີໃຈພາກພູມໃຈ ແລະ ຮູ້ບຸນຄຸນຢ່າງຍິ່ງ ທີ່ຄະນະປະຈໍາສະພາປະຊາຊົນແຂວງ, ຄະນະພັກ-ອໍານາດການປົກຄອງແຂວງ ໄວ້ເນື້ອເຊື່ອໃຈໃຫ້ໂອກາດລົງສະໝັກຮັບເລືອກຕັ້ງສະມາຊິກສະພາປະຊາຊົນແຂວງເຊກອງ ຊຸດທີ II ປະຈໍາເຂດເລືອກຕັ້ງ ເມືອງທ່າແຕງ.

ໂດຍເຂດເລືອກຕັ້ງເມືອງທ່າແຕງ ມີຜູ້ລົງສະໝັກຮັບເລືອກຕັ້ງ 7 ທ່ານ ຍິງ 2 ທ່ານ, ເລືອກເອົາ 5 ທ່ານ ໃນນັ້ນຕົວແທນຈາກແຂວງ 3 ທ່ານ ຍິງ 1 ທ່ານ ໄດ້ເລີ່ມລົງເຄື່ອນໄຫວພົບປະໂຄສະ ນາຫາສຽງສະໜັບສະໜູນຈາກພໍ່ແມ່ປະຊາຊົນເມືອງທ່າແຕງ ຕັ້ງແຕ່ວັນທີ 9 ກຸມພາຜ່ານມາ ໂດຍໃນ ແຕ່ລະຈຸດກໍໄດ້ຮັບການຕ້ອນຮັບຢ່າງອົບອຸ່ນ, ສາມັກຄີຮັກແພງແບບພີ່ແບບນ້ອງຈາກປະຊາຊົນ. ສສຂ ມີພາລະບົດບາດ ແລະ ໜ້າທີ່ສໍາຄັນຫຼາຍຢ່າງໃນການຄົ້ນຄວ້າພິຈາລະນາ ແລະ ຮັບຮອງເອົາບັນຫາສໍາ ຄັນຂອງທ້ອງຖິ່ນເປັນຕົ້ນພິຈາລະນາຮັບເອົາແຜນພັດທະນາເສດຖະກິດ – ສັງຄົມ, ແຜນງົບປະມານແຫ່ງ ລັດ ແລະ ການແກ້ໄຂຄວາມທຸກຍາກຂອງປະຊາຊົນ, ນອກນີ້ ຍັງມີໜ້າທີ່ໃນການຕິດຕາມກວດກາການ ປະຕິບັດກົດໝາຍ, ນິຕິກໍາລຸ່ມກົດໝາຍຂອງບັນດາຂະແໜງການຂັ້ນແຂວງ ແລະ ທ້ອງຖິ່ນ.

ແນວໃດກໍດີທ່ານ ພົງສະຫວັດ ສິງຫາລາດ ໄດ້ກ່າວຕື່ມອີກວ່າ: ຖ້າຂ້າພະເຈົ້າ ພ້ອມດ້ວຍໝູ່ຄະ ນະໄດ້ຮັບຄວາມໄວ້ເນື້ອເຊື່ອໃຈຈາກພໍ່ແມ່ປະຊາຊົນໄດ້ຮັບເລືອກເປັນ ສສຂ ແລ້ວ, ຂ້າພະເຈົ້າ ພ້ອມດ້ວຍໝູ່ຄະນະຈະນໍາເອົາມະຕິກອງປະຊຸມສະພາ, ແນວທາງແຜນນະໂຍບາຍຂອງພັກ, ລະບຽບກົດ ໝາຍ ແລະ ແຜນພັດທະນາເສດຖະກິດ – ສັງຄົມ ຂອງລັດວາງອອກໃນແຕ່ລະໄລຍະລົງໂຄສະນາເຜີຍ ແຜ່ ເພື່ອໃຫ້ປະຊາຊົນຮັບຮູ້, ເຂົ້າໃຈເຂົ້າຮ່ວມ ແລະ ໃຫ້ການຮ່ວມມືໃນການຈັດຕັ້ງປະຕິບັດໃຫ້ໄດ້ຮັບ ຜົນສໍາເລັດ.

ພ້ອມດຽວກັນນັ້ນ ກໍຈະລົງໃກ້ຊິດຕິດແທດກັບປະຊາຊົນຢູ່ຮາກຖານບ້ານ ເພື່ອເຫັນໄດ້ການ ດໍາລົງຊີວິດຕົວຈິງຂອງປະຊາຊົນຢູ່ຮາກຖານວ່າເປັນແນວໃດ ແລະ ນໍາເອົາເນື້ອໃນຈິດໃຈຄໍາສະເໜີຂອງ ປະຊາຊົນ, ນໍາສະເໜີຕໍ່ກອງປະຊຸມ ເພື່ອພ້ອມກັນຄົ້ນຄວ້ານໍາສະເໜີຕໍ່ການຈັດຕັ້ງຂັ້ນເທິງຫາແນວທາງ ໃນການແກ້ໄຂ ແລະ ພັດທະນາໃຫ້ດີຂຶ້ນ.

Medialaos MMD (ແຫຼ່ງຂໍ້ມູນຈາກ: ໜັງສືພິມປະຊາຊົນ)