ວັນທີ 16 ກຸມພາ 2021 ສະມາຄົມທຸລະກິດການທ່ອງທ່ຽວແຂວງສາລະວັນ ໄດ້ນໍາເອົາອຸປະກອນກິລາ, ອຸປະກອນການຮຽນ ແລະ ເຄື່ອງດື່ມຈໍານວນໜຶ່ງ ມອບໃຫ້ໂຮງຮຽນມັດທະຍົມຕອນຕົ້ນສາທິດ ໂຮງຮຽນວິທະຍາໄລຄູແຂວງສາລະວັນ

ທ່ານ ພິນິດ ຄຸນນະວົງສາ ກໍ່ໄດ້ກ່າວເຖິງຈຸດປະສົງທີ່ໄດ້ນໍາເຄື່ອງມາມອບໃນຄັ້ງນີ້ກໍ່ເພື່ອຮັບໃຊ້ເຂົ້າໃນການເຄື່ອນໄຫວສ້າງຂະບວນການກິລາ, ສິລະປະ ແລະການຮຽນການສອນຂອງໂຮງຮຽນມັດທະຍົມຕອນຕົ້ນສາທິດ ເຊິ່ງອຸປະກອນທີ່ນໍາມາມອບໃນຄັ້ງນີ້ລວມມີຊຸດກິລາ 21 ຊຸດ, ບານເຕະ 2 ໜ່ວຍ, ບານສົ່ງ 2 ໜ່ວຍ, ກະຕໍ້ 2 ໜ່ວຍ, ໝາກຫວີດ 1 ໜ່ວຍ, ປຶ້ມຂຽນ 100ໜ້າ 10 ຕັບ, ບິກຂຽນ 1 ແກັດ ແລະເຄື່ອງດື່ມຈຳນວນໜຶ່ງ ລວມມູນຄ່າ 3 ລ້ານກ່ວາກີບ ມອບໂດຍ ທ່ານ ຄໍາອຸ້ຍ ທອງແກ້ວ ປະທານສະມາຄົມທຸລະກິດທ່ອງທ່ຽວແຂວງສາລະວັນ ພ້ອມດ້ວຍທີມງານ ແລະ ຮັບໂດຍ ທ່ານ ສົມບູນ ສີລິສົງຄາມ ຮອງຜູ້ອໍານວຍການວິທະຍາໄລຄູສາລະວັນ, ທ່ານນາງເຂັມພອນ ບັນດາວົງ ວ່າການຜູ້ອໍານວຍການໂຮງຮຽນມັດທະຍົມຕອນຕົ້ນສາທິດ, ຄູອາຈານ ພ້ອມດ້ວຍນ້ອງນ້ອຍນັກຮຽນເຂົ້າຮ່ວມເປັນສັກຂີພິຍານ.