ຕອນເຊົ້າວັນທີ 15-19 ກຸມພາ 2021ນີ້ ບັນດາທ່ານຜູ້ສະໝັກຮັບເລືອກຕັ້ງເປັນສະມາຊິກສະພາປະຊາຊົນແຂວງ ຊຸດທີ II ປະຈຳເຂດເລືອກເມືອງໄຊພູທອງແຂວງ ສະຫວັນນະເຂດ ຈຳນວນ 4 ທ່ານ,ຍິງ 1 ທ່ານ ໄດ້ລົງສະເໜີຕົວ ແລະ ພົບປະຜູ້ມີສິດປ່ອນບັດເລືອກຕັ້ງຈໍານວນ 8 ຈຸດຄື: ເຂດກຸ່ມບ້ານທີ 1 ສະໂມສອນຫ້ອງວ່າການເມືອງ.ເຂດກຸ່ມບ້ານທີ 8 ເຮືອນຫີນ,ເຂດກຸ່ມບ້ານທີ 7 ບ້ານນາບໍ່,ເຂດກຸ່ມບ້ານທີ 3 ນາໝາກເກືອ. ເຂດກຸ່ມບ້ານທີ 5 ນໍ້າພຸ-ດົງໝາກໄຟ,ເຂດກຸ່ມບ້ານທີ2 ຫົວຫາດ.ນໍາພາຂະບວນຂອງນຳພາໂດຍທ່ານ ຫ່ວນ ຮັງບົວ ຮອງເລຂາພັກເມືອງ ຜູ້ນໍາວຽກງານແນວຄິດ-ພັກ-ພະນັກງານ, ທັງເປັນຄະນະກໍາມະການເລືອກຕັ້ງຂັ້ນເມືອງ ພ້ອມດ້ວຍຜູ້ສະໝັກເລືອກຕັ້ງປະຈຳເມືອງໄຊພູທອງ, ມີບັນດາອານຸກຳມະການເລືອກຕັ້ງ, ອົງການປົກຄອງບ້ານ ພ້ອມດ້ວຍຂະແໜງການຂອງບ້ານ ແລະ ຕະຫຼອດຮອດປະຊາຊົນ ຜູ້ມີສິດປ່ອນບັດເລືອກຕັ້ງພາຍໃນບ້ານເຂົ້າຮ່ວມຈໍານວນຫຼາຍ.

ຈຸດປະສົງຂອງການລົງສະເໜີຕົວ ແລະ ພົບປະຜູ້ມີສິດປ່ອນບັດເລືອກຕັ້ງຄັ້ງນີ້, ກໍ່ເພື່ອເຮັດໃຫ້ຜູ້ມີສິດປ່ອນບັດເລືອກຕັ້ງ ໄດ້ເພີ່ມຄວາມຮັບຮູ້, ຄວາມເຂົ້າໃຈ ຕໍ່ຄວາມໝາຍ, ຄວາມສຳຄັນ ແລະ ຈຸດປະສົງຂອງການເລືອກຕັ້ງ ລວມເຖິງໂຄງປະກອບບຸກຄະລາກອນ ຜູ້ສະຫມັກສະມາຊິກສະພາແຫ່ງຊາດ ຊຸດ IX ໃນຂອບເຂດທົ່ວປະເທດ ແລະ ເຂດເລືອກຕັ້ງທີ 13 ແຂວງຫວັນນະເຂດ , ບຸກຄະລາກອນຜູ້ສະໝັກເລືອກຕັ້ງສະມາຊິກສະພາປະຊາຊົນແຂວງ ຊຸດທີ II, ເພຶ່ອເຮັດໃຫ້ຜູ້ມີສິດປ່ອນບັດເລືອກຕັ້ງໄດ້ມີໂອກາດພົບພໍ້ ໄດ້ຍິນສຽງຕົວຈິງຂອງຜູ້ສະຫມັກເລືອກຕັ້ງ ໃນຈຳນວນ 4 ທ່ານ ຍິງ 1 ທ່ານ ເຮັດໃຫ້ການເລືອກຕັ້ງໃນຄັ້ງນີ້ບັນລຸຜົນສຳເລັດຕາມລະດັບຄາດໝາຍທີ່ວາງໄວ້ ປະຊາຊົນນັບແຕ່ອາຍຸ 18 ປີຂຶ້ນໄປ ສາມາດໄປໃຊ້ສິດຂອງຕົນເລືອກເອົາຜູ້ແທນເພື່ອເປັນຕົວແທນໃຫ້ແກ່ປະຊາຊົນບັນດາເຜົ່າປະຕິບັດໜ້າທີ່ຢູ່ໃນສະພາ, ສໍາລັບເຂດກຸ່ມບ້ານທີ 8 ມີ 6 ໜ່ວຍເລືອກຕັ້ງມີຈໍານວນ ພົນທັງໝົດ 5,553 ຄົນ,ຍິງ2,769 ຄົນ,ຜູ້ມີສິດເລືອກຕັ້ງອາຍຸ18 ປີມີ3,627 ຄົນ,ຍິງ1,873 ຄົນ,ຜູ້ມີສິດເລືອກຕັ້ງມີໜ້າຕົວຈິງ 2,523 ຄົນ,ຍິງ1,317 ຄົນ
ຕອນບ່າຍຂອງວັນດຽວກັນນີ້, ຄະນະຜູ້ແທນສະມາຊິກສະພາປະຊາຊົນແຂວງ ຊຸດທີ II ກໍ່ໄດ້ເຄືອນໄຫວລົງສະເໜີຕົວຢູ່ເຂດເລືອກຕັ້ງເຂດ 7 ບ້ານ ນາບໍ່ ເມືອງໄຊພູທອງ ເຊິ່ງຢູ່ເຂດກຸ່ມບ້ານທີ 7 ບ້ານ ນາບໍ່ ມີ 4 ໜ່ວຍເລືອກຕັ້ງ,ມີ ຈໍານວນພົນທັງໝົດ5,905 ຄົນ,ຍິງ2,914 ຄົນ,ອາຍຸ 18 ປີ ມີ 4,104 ຄົນ,ຍິງ 2,090 ຄົນ,ຜູ້ມີສິດເລືອກຕັ້ງທັງໝົດມີ 2,841 ຄົນ,ຍິງ1,487 ຄົນ.