ພໍ່ແມ່ປະຊາຊົນບ້ານດາກຈຶງ ເມືອງດາກຈຶງ ແຂວງເຊກອງ ໄດ້ສ້າງຂະບວນການອອກແຮງງານ ອະນາໄມເກັບຂີ້ເຫຍື້ອລຽບຕາມເສັ້ນທາງຂອບເຂດຄວາມຮັບຜິດຊອບຂອງຕົນ ໃຫ້ມີຄວາມສະອາດ ຈົບງາມ, ປາສະຈາກມຸນລະພິດ, ເປັນການສ້າງຂະບວນການ ຂໍ່ານັບຮັບຕ້ອນ ບັ້ນເລືອຕັ້ງ ສະມາຊິກສະພາປະຊາຊົນແຂວງ ແລະ ສະມາຊິກສະພາປະຊາຊົນແຫ່ງຊາດ ທີ່ຈະມີຂື້ນ ໃນມໍ່ໆນີ້ ຢ່າງເປັນຂະບວນຟົດຟື້ນ.

ຂະບວນການອອກແຮງງານອະນາໄມລວມດັ່ງກ່າວ ໄດ້ມີຂື້ນໃນຕອນແລງຂອງວັນພຸດທີ 17 ກຸມພາ 2021 ນີ້, ເຊິ່ງ ນຳພາໂດຍ ທ່ານ ດວງວິໄລ ຄຸນນະທາມ ເລຂາໜ່ວຍພັກ ນາຍບ້ານໆດາກຈຶງ, ມີບັນດາ ປະຊາຊົນພາຍໃນບ້ານເຂົ້າຮ່ວມຢ່າງພ້ອມພຽງ,ການອອກແຮງງານລວມໝູ່ຄັ້ງນີ້ ໄດ້ມີການ ປັດກວາດຂີ້ເຫຍື່ອ, ໃບໄມ້, ສິ່ງເສດເຫລືອຕ່າງໆ ແລະ ຊວ້ນດິນອອກຈາກຂອບທາງ,ພ້ອມນຳດິນ ແລະ ຂີ້ເຫຍື່ອ ສິ່ງເສດເຫຼືອ ໄປທຳລາຍຖີ້ມຕາມຈຸດທີ່ໄດ້ກຳນົດໄວ້ ເພື່ອຄວາມເປັນລະບຽບ ຈົບງາມ ແລະ ບໍ່ໃຫ້ເປັນມົນລະພິດຕໍ່ສະພາບແວດລ້ອມ ກໍ່ຄືຕໍ່ສັງຄົມ.

ໃນໂອກາດດັ່ງກ່າວ ທ່ານ ດວງວິໄລ ຄຸນນະທາມ ໄດ້ກ່າວວ່າ: ການອອກແຮງງານອະນາໄມລວມໝູ່ ຂອງບ້ານດາກຈຶງໃນຄັ້ງນີ້ ສຸດທີ່ມີຄວາມໝາຍຄວາມສຳຄັນ ຂອງປະຊາຊົນກໍ່ຄື ສັງຄົມ ເພາະ ເປັນການສ້າງຂະບວນການ ຂໍ່ານັບຮັບຕ້ອນ ບັ້ນເລືອກຕັ້ງ ເອົາຜູ້ແທນສະມາຊິກສາພາປະຊາຊົນແຂວງ ຄັ້ງທີII ແລະ ສະມາຊິກສະພາແຫ່ງຊາດ ຄັ້ງທີ IX ພ້ອມນີ້ ທ່ານຍັງໄດ້ຮຽກຮ້ອງໃຫ້ທຸກຄົນ, ທຸກພາກສ່ວນໃນສັງຄົມ ຈົ່ງໄດ້ເອົາໃຈໃສ່ ແລະ ເປັນເຈົ້າການນນຳກັນ ໃນການອະນາໄມສະພາບແວດລ້ອມ ເພື່ອເປັນແບບຢ່າງທີ່ດີ, ປູກຈິດສຳນຶກໃຫ້ແກ່ລູກຫລານນັກຮຽນ ອະນຸຊົນຄົນຮຸ່ນຫລັງຈະໄດ້ປະຕິບັດສືບຕໍ່ໄປ.