ວັນທີ 16 ກຸມພາ 2021: ທີ່ແຂວງໄຊຍະບູລີ ໄດ້ພິທີເປີດກອງປະຊຸມ ພາຍໃຕ້ຫົວຂໍ້ ວຽກງານການເຜີຍແຜ່ຂໍ້ຕົກລົງຂອງ ລັດຖະມົນຕີ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ສະບັບເລກທີ 961/ຖວທ ວ່າດ້ວຍການຄຸ້ມຄອງອຸປະກອນເຄື່ອງຮັບສັນຍານ ວິທະຍຸ-ໂທລະພາບ ຜ່ານດາວທຽມ ແລະ ຈັດຝຶກອົບຮົມວຽກງານເຕັກນິກຖະແຫຼງຂ່າວ ໃຫ້ບັນດາ ຄະນະພະແນກ ຖວທ ແລະ ວິຊາການ ພ້ອມດ້ວຍແຂກທີ່ເຂົ້າຮ່ວມ ແຕ່ວັນທີ 16-18 ກຸມພາ 2021.

ໂດຍການເປັນທານຂອງທ່ານ ເພັດພິໄຊ ສູນວິໄລ ຄະນະປະຈຳພັກແຂວງ, ຮອງເຈົ້າແຂວງໆໄຊຍະບູລີ, ພ້ອມດ້ວຍ ທ່ານ ສະຫວັນຄອນ ລາຊມຸນຕີ ຮອງລັດຖະມົນຕີ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ທ່ານ ນາງ ບົວຈັນ ພັນທະວົງ ກຳມະການພັກແຂວງ ຫົວໜ້າພະແນກ ຖວທ ແຂວງໄຊຍະບູລີ ແລະ ຫົວໜ້າກົມສື່ມວນຊົນ ກະຊວງ ຖວທ, ຮອງອຳນວຍການໂທລະພາບແຫ່ງຊາດ, ຮອງອຳນວຍການ ບໍລິສັດ ດາວທຽມລາວ ເອເຊຍ-ປາຊີຟິກ, ພະແນກ ຖວທ ແລະ ຫ້ອງການ ຖວທ 11 ເມືອງ ແຂວງໄຊຍະບູລີ.

ກອງປະຊຸມ ພາຍໃຕ້ຫົວຂໍ້ ວຽການເຜີຍແຜ່ຂໍ້ຕົກລົງຂອງ ລັດຖະມົນຕີ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ສະບັບເລກທີ 961/ຖວທ ວ່າດ້ວຍການຄຸ້ມຄອງອຸປະກອນເຄື່ອງຮັບສັນຍານ ວິທະຍຸ-ໂທລະພາບ ຜ່ານດາວທຽມ ແລະ ຈັດຝຶກອົບຮົມວຽກງານເຕັກນິກຖະແຫຼງຂ່າວ ໃນຄັ້ງນີ້ ແມ່ນມີຄວາມສຳຄັນ ແລະ ມີຄວາມພິເສດຄື: ຮອງອຳນວຍການ ບໍລິສັດ ດາວທຽມລາວ ເອເຊຍ-ປາຊີຟິກ ໄດ້ສະໜັບສະໜູນ ມອບຈານດາວທຽມລາວແຊັດ ລະບົບ KU-Band ຈຳນວນ 11 ຊຸດ ເພື່ອມອບໃຫ້ຫ້ອງການ ຖວທ ແຕ່ລະເມືອງ, ມີຈານ C-Band 1 ຊຸດ ມອງໃຫ້ ພະແນກ ຖວທ ແຂວງ ແລະ ກົມສື່ມວນຊົນ ກະຊວງ ຖວທ ໄດ້ມອບເຄື່ອງໂທລະໂຄ່ງ ຈຳນວນ 1 ຊຸດ ແລະ ກ່ອງຮັບສັນຍານດາວທຽມລະບົບ C-Band 5 ກ່ອງ. ອຸປະກອນດັ່ງກ່າວ ແມ່ນເພື່ອຮັບໃຊ້ໃນການຮັບສັນຍານວິທະຍຸ ແລະ ໂທລະພາບ ເພື່ອນຳເອົາຂໍ້ມູນຂ່າວສານຕ່າງໆອອກອາກາດທາງວິທະຍຸ-ໂທລະພາບ ແລະ ກະຈາຍສຽງຜ່ານໂທລະໂຄ່ງ.

Medialaos MMD