ປັດຈຸບັນທົ່ວສັງຄົມໄດ້ເປັນເຈົ້າການປ້ອງກັນ ແລະ ສະກັດກັ້ນ ການແຜ່ລະບາດຂອງເຊື້ອພະຍາດ ໂຄວິດ-19 ຫຼາຍຊ່ອງທາງ ໃນວັນທີ 15-16 ກຸມພາ 2021ນີ້ ຄະນະຜູ້ບໍລິຫານ ພ້ອມດ້ວຍທີມງານບໍລິສັດເບຍລາວ ຕາງຫນ້າໂດຍ ທ່ານ ສູນທອນ ພົມມະຈັກ ປະທານບໍລິສັດເບຍລາວ ແລະ ທ່ານ ເຮັກລິກ ເອັນເດີເຊັນ ຜູ້ອໍານວຍການໃຫຍ່ ໄດ້ເດີນທາງເຂົ້າພົບການນໍາຂອງແຂວງພາກໃຕ້ ແລະ ໃນໂອກາດດຽວກັນກໍ່ມອບເງິນຊ່ວຍເຫຼືອເພື່ອຮັບໃຊ້ເຂົ້າໃນວຽກງານປ້ອງກັນ ແລະ ສະກັດກັ້ນ ການແຜ່ລະບາດຂອງເຊື້ອພະຍາດ ໂຄວິດ-19 ໃນຄັ້ງນີ້ ມີ 2 ແຂວງຄື: ຈໍານວນເງີນ 100 ລ້ານກີບ ມອບໃຫ້ແກ່ແຂວງເຊກອງ ເປັນກຽດຮັບມອບໂດຍ ທ່ານ ເຫລັກໄຫລ ສີວິໄລ ກຳມະການສູນກາງພັກ ເລຂາພັກແຂວງ ເຈົ້າແຂວງແຂວງເຊກອງ

ແລະ ມອບເງິນຈໍານວນ 100 ລ້ານກີບ ໃຫ້ແກ່ແຂວງອັດຕະປື ເປັນກຽດຮັບມອບໂດຍ ທ່ານ ບຸນເສີດ ເສດທິລາດ ຮອງເຈົ້າແຂວງແຂວງອັດຕະປື ພ້ອມດຽວກັນການນຳຂອງແຂວງ ກໍ່ໄດ້ກ່າວສະແດງຄວາມຂອບໃຈ ແລະ ຊົມເຊີຍຕໍ່ບໍລິສັດເບຍລາວ ທີ່ໄດ້ນຳເງີນມາມອບໃນຄັ້ງນີ້ ເພື່ອເປັນການປະກອບສ່ວນປ້ອງກັນ ແລະ ສະກັດກັ້ນ ຕ້ານພະຍາດດັ່ງກ່າວ.