ໃນຕອນເຊົ້ນວັນທີ 16 ກຸມພາ 2021 ນີ້ ໜ່ວຍພັກກອງຮ້ອຍ 208 ທີ່ຂື້ນກັບທະຫານແຂວງສະຫວັນະເຂດ ໄດ້ຈັດພິທີມອບ-ຮັບບັດສະມາຊິດພັກສົມບູນໃຫ້ພະນັກງານທີ່ຄົບມາດຖານເງື່ອນໄຂຈຳນວນ 8 ສະຫາຍ ໂດຍການເຂົ້າຮ່ວມເປັນປະທານຂອງ ສະຫາຍ ພັນໂທ ແຫຼວຄຳ ໄຊຍະສົມບັດ ຮອງຫົວໜ້າຫ້ອງການເມືອງ ທະຫານແຂວງສະຫວັນະເຂດ, ມີເລຂາໜ່ວຍພັກ, ຮອງເລຂາໜ່ວຍພັກ, ຕະຫຼອດຮອດສະມາຊິກພັກສົມບູນ ແລະ ສຳຮອງເຂົ້າຮ່ວມ.

ສະຫາຍ ພັນຕີ ສອນເພັດ ວົງວິໄຊ ເລຂາໜ່ວຍພັກ ຫົວໜ້າການທະຫານກອງຮ້ອຍ 208 ທີ່ຂຶ້ນກັບທະຫານແຂວງສະຫວັນະເຂດ ຂຶ້ນຜ່ານບົດສະຫຼຸບໃນການຊີ້ນຳ-ນຳພາໃນການຈັດຕັ້ງປະຕິບັດໜ້າທີ່ວຽກງານໄລຍະຜ່ານມາ ເຫັນໄດ້ຜົນງານຫຼາຍດ້ານເປັນຕົ້ນ ໄດ້ເອົາໃຈໃສ່ຊີ້ນຳ-ນຳພາ ພະນັກງານ-ນັກຮົບໃນການປະຕິບັດ 4 ໜ້າທີ່ໃຫ່ຍ 26 ແຜນງານ ຂອງຄະນະພັກກະຊວງປ້ອງກັນປະເທດວາງອອກໄດ້ດີພໍສົມຄວນ, ເອົາໃຈໃສ່ຢ່າງຕັ້ງໜ້າຕໍ່ວຽກງານສືກສາອົບຮົມການເມືອງນຳພາແນວຄິດໃຫ້ພະນັກງານ-ນັກຮົບເປັນປະຈຳ,ໄດ້ຈັດຕັ້ງເຊື່ອມຊຶມເອກະສານ,ມະຕິຄຳສັ່ງແຈ້ງການຕ່າງໆ,ວຽກງານແກ້ໄຂຊິວິດການເປັນຢູ່ແມ່ນໄດ້ປະຕິບັດຕາມຄຳຂວັນ 4 ປູກ 4 ລ້ຽງທີ່ກົມໃຫ່ຍພະລາທິການວາງອອກຕາມທ່າແຮງບົ່ມຊ້ອນຂອງກົມກອງໃນນັ້ນມີງົວ 2 ໂຕ,ແບ້ 11 ໂຕ,ໝູ 2 ໂຕ,ສັດປິກ 112 ໂຕ ລ້ຽງກົບ 1200 ໂຕ,ປາດຸກ 4150 ໂຕ,ປູກຜັກ 70 ໜານ,ລວມລາຍຮັບຈາກການຂາຍຜັກ ແລະ ສັດທຸກຊະນິດ 14776000 ກີບ,ຈາກນັ້ນ ສະຫາຍ ພັນໂທ ແສງສຸລິວັນ ພິທັກສູນທອນ ຫົວໜ້າພະແນກຈັດຕັ້ງພັກກອງບັນຊາການທະຫານແຂວງ ຂຶ້ນຜ່ານມະຕິຕົກລົງຂອງຄະນະພັກກອງບັນຊາການທະຫານແຂວງສະຫວັນະເຂດເລກທີ 25/ຄພທຂ ລົງວັນທີ 10/2/2021 ວ່າດ້ວຍການມອບບັດສະມາຊິກພັກສົມບູນທີ່ໄດ້ຄົບມາດຖານເງື່ອນໄຂຈຳນວນ 8 ສະຫາຍໃນໜ່ວຍພັກກອງຮ້ອຍ 208 ໂດຍເປັນກຽດຂື້ນມອບຂອງສະຫາຍ ພັນໂທ ແຫຼວຄຳ ໄຊຍະສົມບັດ ຮອງຫົວໜ້າຫ້ອງການເມືອງ ຢ່າງສົມກຽດ ໂອກາດນີ້ ສະຫາຍກໍ່ໄດ້ມີຄຳເຫັນໂອ້ລົມຕໍ່ພະນັກງານສະມາຊິກພັກໃນກອງຮ້ອຍດັ່ງກ່າວ ກ່ອນອື່ນ ສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ກົມກອງຍາດມາໄດ້ ແລະ ສະແດງຄຳຍ້ອງຍໍຊົມເຊີຍຕໍ່ຜູ້ທີ່ໄດ້ຮັບບັດສະມາຊິກພັກສົມບູນຄັ້ງນີ້ ພ້ອມທັງຮຽກຮ້ອງໃຫ້ຄະນະພັກ-ຄະນະບັນຊາພະນັກງານສະມາຊິກພັກທຸກສະຫາຍເປັນເຈົ້າການໃນການປະຕິບັດໜ້າທີ່ວຽກງານຂອງຕົນໃຫ້ໄດ້ຮັບໝາກຜົນສຳເລັດເປັນກ້າວໆ,ສືບຕໍ່ຂະຫຍາຍສະມາຊິກພັກໃຫ້ໄດ້ຮັບສະມາຊິກພັກສົມບູນຕາມມາດຖານເງື່ອນໄຂທີ່ພັກວາງອອກ, ຂະຫຍາຍມະຫາຊົນຜູ້ທີ່ມີຄວາມຫ້າວຫັນຕໍ່ໜ້າທີ່ວຽກງານ:ເປັນແບບຢ່າງນຳໜ້າໃນທຸກຂົງເຂດວຽກງານທີ່ການຈັດຕັ້ງມອບໝາຍໃຫ້ສຳເລັດຜົນເປັນຢ່າງດີ.