ໃນວັນທີ 9 ຫາ 17 ກຸມພາທີ່ຜ່ານມາ ທາງຄະນະການນໍາເມືອງຈໍາພອນ ແລະ ຜູ້ສະໝັກເລືອກຕັ້ງສະມາຊິກສະພາປະຊາຊົນແຂວງຊຸດທີ II ເຂດເລຶືອກຕັ້ງທີ 9 ເມືອງຈໍາພອນໄດ້ ເຄື່ອນໄຫວພົບປະໂຄສະນາຫາສຽງກັບຜູ້ມີສິດເລືອກຕັ້ງຢູ່ກຸ່ມບ້ານຕ່າງໆພາຍໃນ ເມືອງຈໍາພອນ.
ທົ່ວເມືອງຈໍາພອນ,ໃນເມືອງຈໍາພອນມີ 86 ຈຸດປ່ອນບັດເລືອກຕັ້ງ ມີຜົນລະເມືອງທັງໝົດ 118.708 ຄົນ.ຍີງ 60.031 ຄົນ ແລະ ຜູ້ມີສິດປ່ອນບັດເລືອກຕັ້ງທີ່ມີໝ້າຕົວຈິງ 53.807 ຄົນ ຍິງ 27.717 ຄົນ.ໃນການລົງເຄື່ອນໄຫວຫາສຽງຄັ້ງນີ້້ແມ່ນໄດ້ແບ່ງເປັນ 07 ວັນ.ພາຍໃນ14 ກຸ່ມບ້ານ. ໃນການລົງໂຄສະນາຫາສຽງຄັ້ງນີ້ ທາງອະນຸກໍາມະການເລຂານຸການເລືອກຕັ້ງກໍ່ໄດ້ຜ່ານ ຊີວະປະຫັວດຫຍໍ້ຂອງຜູ້ສະໝັກເລືອກຕັ້ງສະມາຊິກສະພາແຫ່ງຊາດ ຊຸດທີ IX ຈໍານວນ 25 ທ່ານ.

ໃຫ້ປະຊາຊົນຮັບຮູ້ ແລະ ເຂົ້າໃຈພາຍໃນ 14 ກຸ່ມບ້ານ ທີ່ໄດ້ລົງໂຄສະນາຫາສຽງ.ສ່ວນຜູ້ສະໝັກສະມາຊິກສະພາປະຊາຊົນແຂວງ ຊຸດທີ II ແມ່ນໄດ້ຜ່ານຊີວະປະຫັວດຫໍ້ຍດ້ວຍຕົນເອງ ເຊິ່ງນໍາໂດຍທ່ານ ນາງ ພູທອນ ແກ້ວພູວົງ ຮອງປະທານ ສະພາປະຊາຊົນແຂວງ ຜູ້ສະໝັກນໍ້າເບີ1, ທ່ານ ດວງຈັນ ວຽງວິໄລ ຮອງເລຂາ ປະທານກວດກາພັກລັດເມືອງ ຜູ້ສະໝັກນໍ້າເບີ2 , ທ່ານ ລໍາດວນ ເມືອງມະນີ ກໍາມະການພັກເມືອງ ຫົວໝ້າຫ້ອງການ ກໍາມະບານເມືອງຜູ້ສະໝັກນໍ້າເບີ 03, ນາງ ພອນປານີ ສີສະໝຸດ ກໍາມະການພັກເມືອງ ປະທານສະຫະພັນ ແມ່ຍີງເມືອງຈໍາພອນຜູ້ສະໝັກນໍ້າເບີ 04 ແລະ ທ່ານ ສົມຈິດ ພອນເທວາ ກໍາມະການພັກເມືອງ ເລຂາພັກຮາກຖານກຸ່ມທີ 7ຜູ້ສະໝັກນໍ້າເບີ 05 ເປັນກຽດຕ້ອນຮັບຂອງບັນດາທ່ານເລຂາ-ຮອງເລຂາພັກຮາກຖານ, ເລຂາພັກບ້ານ-ນາຍບ້ານແລະຕະຫຼອດຮອດພໍ່ແມ່ປະຊາຊົນຜູ້ມີສິດປ່ອນບັດເລືອກຕັ້ງໃຫ້ການຕ້ອນຮັບຢ່າງອົບອຸ່ນ.ຈາກນັ້ນຜູ້ສະໝັກສະມາຊິກສະພາປະຊາຊົນແຂວງຊຸດທີ II ເຂດເລືອກຕັ້ງເມືອງຈໍາພອນກໍ່ໄດ້ຜັນປ່ຽນກັນຂື້ນໂອລົມຕໍ່ປະຊາຊົນ ໃນການປ່ອນບັດຄັ້ງນີ້ທາງສະມາຊິກສະພາປະຊາຊົນແຂວງກໍ່ໄດ້ເນັ້ນໃຫ້ໄປເລືອກຕັ້ງແມ່ນໃຫ້ໄດ້ບັນລຸ 300% ຄື: ຜູ້ມີສິດເລືອກຕັ້ງໄປປ່ອນບັດລົງຄະແນນຄົບຖ້ວນ100% , ຮັບປະກັນບໍ່ໃຫ້ມີບັດຕາຍ100%, ຮັບປະກັນ ຄວາມສະຫງົບໃນວັນເລືອກຕັ້ງໃຫ້ໄດ້ 100 %.