ໃນລະຫວ່າງວັນທີ 15-16 ກຸມພາ 2021 ບັນດາຜູ້ສະໝັກສະມາຊິກສະພາປະຊາຊົນຂັ້ນແຂວງຊຸດທີ 2 ປະຈຳເຂດເລືອກຕັ້ງ ເມືອງເຊໂປນ ໄດ້ລົງເຄື່ອນໄຫວສະເໜີຕົວຜູ້ມີສິດເລືອກຕັ້ງຢູ່ເຂດຈຸດສຸມ ມີຈຳນວນຜູ້ເຂົ້າຮ່ວມ 192 ຄົນ,ຍິງ 64 ຄົົນ, ກຸ່ມບ້ານສົບມີຈຳນວນ 223 ຄົນ, ຍິງ 71 ຄົນ, ຈຸດສຸມລາດເຊິ່ງມີບ້ານ ( ບ້ານປະງ່າ,ບ້ານສະເວດ, ບ້ານລາດຫໍ້ ) ຈຳນວນ 272 ຄົນ, ຍິງ 103 ຄົນ ແລະ ກຸ່ມບ້ານວັງໄຮ ຈຳນວນ 153 ຄົນ, ຍິງ 57 ຄົນ, ຈຸດປະສົງໃນການລົງໂຄສະນາຫາສຽງຂອງຜູ້ສະໝັກເລືອກຕັ້ງສະມາຊິກສະພາປະຊາຊົນແຂວງຊຸດທີ 2 ປະຈຳເຂດເລືອກຕັ້ງເມືອງເຊໂປນເຊິ່ງຈຳນວນຜູ້ລົງສະໝັກມີ 5 ທ່ານ ຍິງ 2 ທ່ານ: ນໍ້າເບີ 1 ທ່ານບຸນສູງ ໄຊຍະວົງ ຮອງເລຂາພັກເມືອງ ປະທານກວດກາພັກ-ລັດເມືອງ ສະມາຊິກສະພາປະຊາຊົນແຂວງປະຈຳເຂດເລືອກຕັ້ງເມືອງເຊໂປນ, ນໍ້າເບີ 2 ທ່ານ ພັນມະຫາ ສຸລິຍະ ຫົວໜ້າຫ້ອງການບໍລິຫານແນວລາວສ້າງຊາດ, ນໍ້າເບີ 3 ທ່ານ ພຸດທະກອນ ໄຊສຸລຽນ ກຳມະການພັກເມືອງ ຫົວໜ້າຫ້ອງການແຜນການ ແລະ ການລົງທຶນເມືອງ, ນໍ້າເບີ 4 ທ່ານ ນາງ ກອງສະໄໝ ແວງຈະເລີນ ກຳມະການພັກເມືອງ ຫົວໜ້າຄະນະໂຄສະນາ ອົບຮົມເມືອງເຊໂປນ ແລະ ນໍ້າເບີ 5 ທ່ານ ນາງ ເພັດສະໝອນ ພິລາວັນ ກຳມະການພັກເມືອງ ຫົວໜ້າຫ້ອງການພາຍໃນເມືອງ ເຊິ່ງໃນກອງປະຊຸມບັນດາຫົວໜ້າຈຸດສຸ່ມ

ຫົວໜ້າກຸ່ມບ້ານກໍ່ໄດ້ລາຍງານໂດຍຫຍໍ້,ຈາກນັ້ນບັນດາຜູ້ແທນສະໝັກເລືອກຕັ້ງກໍ່ໄດ້ພັດປ່ຽນກັນນຳສະເໜີລາຍຊື່ ແລະ ປະຫວັດການເຄື່ອນໄຫວຂອງຜູ້ລົງສະໝັກເປັນສະມາຊິກສະພາປະຈຳເຂດເລືອກຕັ້ງທີ 13 ແຂວງສະຫວັນນະເຂດ ຈຳນວນ 25 ທ່ານ, ຍິງ 7ທ່ານ ແລະ ຜູ້ສະໝັກເປັນສະມາຊິກສະພາປະຊາຊົນແຂວງປະຈຳເຂດເລືອກຕັ້ງເມືອງເຊໂປນ ຈຳນວນ 5 ທ່ານ , ຍິງ 2 ທ່ານ ໃຫ້ກັບຜູ້ມີສິດເລືອກຕັ້ງໄດ້ຮັບຮູ້, ພ້ອມທັງວິທີການເລືອກເອົາ ແລະ ຂີດອອກ ສຳລັບສະມາຊິກສະພາແຫ່ງຊາດເລືອກເອົາ 20 ທ່ານ , ຂີດອອກ 5 ທ່ານ, ສະມາຊິກສະພາປະຊາຊົນແຂວງປະຈຳເຂດເລືອກຕັ້ງເມືອງເຊໂປນເລືອກເອົາ 3 ທ່ານ, ຂີດອອກ 2 ທ່ານ ແລະ ໂອກາດທີ່ໄດ້ລົງພົບປະໂຄສະນາຫາສຽງກັບຜູ້ມີສິດປ່ອນບັດເລືອກຕັ້ງໃນຄັ້ງນີ້ຜູ້ຮັບສະໝັກເລືອກຕັ້ງເປັນສະມາຊິກສະພາປະຊາຊົນແຂວງທັງ 5 ທ່ານ ກໍ່ໄດ້ພັດປ່ຽນກັນມີຄຳເຫັນວ່າ:ໃນການລົງໂຄສະນາຫາສຽງຂອງຂອງຜູ້ສະໝັກສະມາຊິກສະພາປະຊາຊົນຊຸດທີ 2 ຄັ້ງນີ້, ກໍ່ເພື່ອເປັນການສືບຕໍ່ປະຕິບັດພາລະບົດບາດສິດ ແລະ ໜ້າທີ່ຂອງສະພາປະຊາຊົນແຂວງໃຫ້ມີລັກສະນະຕໍ່ເນື່ອງເພື່ອປະກອບສ່ວນເຂົ້າໃນພາລະກິດປ່ຽນແປງໃໝ່ຂອງຢູ່ໃນໄລຍະການປົກປັກຮັກສາ ແລະ ສ້າງສາພັດທະນາປະເທດຊາດໃຫ້ຈະເລີນເຂັ້ມແຂງຂຶ້ນເລື້ອຍໆ, ການລົງມາໂຄສະນາຫາສຽງຂອງຜູ້ແທນສະຮັບໝັກຮັບເລືອກຕັ້ງເປັນສະມາຊິກສະພາປະຊາຊົນແຂວງຊຸດທີ່ 2 ຄັ້ງນີ້ແມ່ນເຫດການ, ການເມືອງ, ເຫດການປະຫວັດສາດທີ່ສຳຄັນຂອງລະບອບປະຊາທິປະໄຕ ເພື່ອໃຫ້ປະຊາຊົນໄດ້ມີໂອກາດໃຊ້ສິດປະຊາທິປະໄຕຢ່າງເຕັມສ່ວນເລືອກເອົາຜູ້ແທນຂອງຕົນໄປດຳລົງຕຳແໜ່ງຢູ່ໃນສະພາເປັນອົງການຕົວແທນແຫ່ງສິດຜົນປະໂຫຍດອັນຊອບທຳຂອງປະຊາຊົນລາວບັນດາເຜົ່າ,ເປັນຜູ້ຕັດສິນບັນຫາສຳຄັນຂອງຊາດ, ເປັນຕົວແທນໃຫ້ປະປະຊາຊົນໃນການຮັບຮອງເອົາລັດຖະທຳມະນູນ ແລະ ກົດໝາຍ, ບັນດານິຕິກຳທີ່ສຳຄັນນຳອີກດ້ວຍ ສະນັ້ນພົນລະເມືອງລາວຈົ່ງພ້ອມກັນເຊີດຊູຈົ່ງພ້ອມກັນອອກໄປໃຊ້ສິດໃນວັນເລືອກຕັ້ງໃນວັນທີ 21 ກຸມພາ 2021 ທີ່ຈະມາເຖິງນີ້ໃຫ້ໄດ້ 100%.