ວັນທີ 16 ກຸມພາ 2021 ນີ້ຫ້ອງການສຶກສາທິການ ແລະ ກິລາເມືອງປະທຸມພອນຈັດງານປະກວດສິນລະປະຂຶ້ນຢູ່ທີ່ເດີ່ນຫ້ອງການຂອງເມືອງດັ່ງກ່າວ ພາຍໄຕ້ການເປັນປະທານຂອງທ່ານ ວິທະຍາໜື່ນວິເສດ ຄະນະຫ້ອງການສຶກສາທິການ ແລະ ກິລາເມືອງ, ທ່ານ ນາງມະໂນໄມ ສິງດອນຖານ ຄະນະຫ້ອງການຖະແຫຼງຂ່າວ,ວັດທະນະທໍາ ແລະ ທ່ອງທ່ຽວ, ມີບັນດາຜູ້ບໍລິຫານການສຶກສາ 10 ກຸ່ມການສຶກສາ,ໂຮງຮຽນ ຄູ-ອາຈານ ແລະ ນ້ອງນ້ອຍນັກຮຽນເຂົ້າຮ່ວມຢ່າງຟົດຟື້ນ.

ການຈັດງານແຂ່ງຂັນປະກວດສິນລະປະໃນຄັ້ງນີ້ ແມ່ນເພື່ອເປັນການສ້າງຂະບວນການ -ການຮຽນ-ການສອນ ,ການສະແດງຄວາມຮູ້,ຄວາມສາມາດ ສິນລະປະພອນສະຫວັນຂອງນ້ອງໆນັກຮຽນ ແລະ ເພື່ອຂໍ່ານັບຮັບຕ້ອນວັນສໍາຄັນຕ່າງໆ ເປັນຕົ້ນການເລືອກຕັ້ງສະມະຊິກສະພາແຫ່ງຊາດຊຸດທີ IX ແລະ ສະມະຊິກສະພາປະຊາຊົນແຂວງຊຸດທີ II ທີ່ຈະໄຂຂຶ້້ນໃນວັນທີ 21 ທ້າຍເດືອນກຸມພານີ້ : ການປະກວດສິນລະປະຄັ້ງນີ້ແບ່ງອອກເປັນ 3 ຮຸ່ນ ຄື 1: ກຸ່ມການສຶກສາ ( ນ້ອງນ້ອຍປະຖົມ ) ມີ 10 ກຸ່ມ; 2: ຮຸ່ນມັດທະຍົມຕອນຕົ້ນມີ 4 ໂຮງຮຽນ; 3: ຮຸ່ນມັດທະຍົມຕອນປາຍມີ 8 ໂຮງຮຽນ ຜົນການແຂ່ງຂັນທິມທີ່ໄດ້ຊະນະເລີດໄດ້ແກ່:
ກຸ່ມການສຶກສາ ( ນ້ອງນ້ອຍປະຖົມ ) ໄດ້ອັນອັບ1: ກຸ່ມຫຼັກ40, ອັນດັບ2: ກຸ່ມບ້ານມ່ວງ, ອັນດັບ3: ກຸ່ມສະໂນດ
ມັດທະຍົມຕອນຕົ້ນ: ອັນດັຫບ1: ມຕ ນໍ້າອ້ອມ, ອັນດັບ2: ມຕ ພະລາຍ, ອັນດັບ3: ມຕ ຄອນທູດ.
ມັດທະຍົມຕອນປາຍ: ອັນດັບ1: ມສ ຫຼັກ 40, ອັນດັບ2: ມສ ບ້ານບຸ່ນ, ອັນດັບ3: ມສ ບັງລຽງ.

ພ້ອມນັ້ນຂ່າວຍັງໄດ້ຮູ້ຕື່ມອີກວາ່ທ້າຍອາທິດຜ່ານມາກໍ່ນີ້ກໍ່ໄດ້ມີການສອບເສັງນັກຮຽນເກັ່ງໃນທົ່ວເມືອງ ຂັ້ນປະຖົມ ແລະ ມັດທະຍົມພາຍໄຕ້ການເປັນປະທານ ຂອງ ທ່ານ ບຸນຖອງ ສຸພາວົງກໍາມະການພັກເມືອງ ຮອງເຈົ້າເມືອງໆປະທຸມພອນ, ທ່ານ ສຸບັນ ສຸວັນໄຊ ກໍາມະການພັກເມືອງ ຫົວໜ້າຫ້ອງການສຶກສາທິການ ແລະ ກິລາເມືອງ ເຊິ່ງມີນັກຮຽນເຂົ້າຮ່ວມສອບເສັງທັງໝົດ: 122 ຄົນ, ຍິງ 74 ຄົນ. ຊັ້ນປໍ 5 ລວມມີ 30 ຄົນ, ຍິງ 21 ( ສອບເສັງ 3 ວິຊາ ພາສາລາວ, ໂລກອ້ອມຕົວ,ຄະນິດສາດ ), ຂັ້ນມັດທະຍົມ: ມັດທະຍົມຕົ້ນມີ 60 ຄົນ, ຍິງ 42 ຄົນ , ມັດທະຍົມປາຍ ມີ 32 ຄົນ , ຍິງ 11 ຄົນ (ສອບເສັງ 4 ວິຊາ: ຄະນິດສາດ, ຟິຊິກສາດ, ເຄມີສາດ ແລະ ພາສາລາວ)ຜົນການສອບເສັງນັກຮຽນເກັ່ງ: ຊັ້ນປໍ5: ທີ1: ວິຊາພາສາລາວ ນາງ ວິໄລພອນ ມາຈາກ ຮຮ ປະຖົມຫ້ວຍແມ່ສັງ, ວິຊາໂລກອອ້ມຕົວທີ1: ນາງດາວໃຈ ມາຈາກ ຮຮ ປະຖົມ ນາທົ່ງ, ວິຊາຄິນິດສາດທີ1: ນາງ ພອຍມະນີ ມາຈາກ ຮຮ ປະຖົມ ໜອງແວງ, ສຳລັບຊັ້ນມໍ4: ວິຊາຄະນິດສາດທີ1: ທ້າວດວງເດັ່ນ ມາຈາກ ຮຮ ມສ ດອນແດງ, ວິຊາພາສາລາວທີ1: ນາງນວນ ມາຈາກ ຮຮ ມສ ບ້ານບຸ່ນ, ວີິຊາຟີຊິກສາດທີ 1: ນາງດອກພຸດ ມາຈາກ ຮຮ ມສ ປະທຸມພອນ,ວິຊາເຄມີສາດທີ1: ນາງ ສຸວັນ ມາຈາກ ຮຮ ມສ ດອນແດງ, ຊັ້ນມໍ7: ວິຊາຄະນິດສາດທີ1: ທ້າວ ສົມປອງ ມາຈາກ ຮຮ ມສ ປະທຸມພອນ, ວິຊາພາສາລາວທີ1: ທ້າວ ເພັດພູທອນ ມາຈາກ ຮຮ ມສ ດອນແດງ, ວິຊາຟີຊີກສາດທີ1: ນາງ ພູນຈັນ ມາຈາກ ຮຮ ມສ ສະໂນດ, ວິຊາເຄມີສາດທີ1: ທ້າວ ພອນນີ້ ມາຈາກ ຮຮ ມສ ສະໂນດ . ການສອບເສັງຄັ້ງນີ້ແມ່ນໄດ້ຈັດຂຶ້ນຢູ່ ໂຮງຮຽນ ປະຖົມສົມບູນຫຼັກ 40.