ວັນທີ​ 16 ກຸມພາ​ 2021 ນີ້ຫ້ອງການ-ການເງີນເມືອງບາຈຽງ​ຈະເລີນ​ສຸກ​ ແຂວງ​ຈຳ​ປາ​ສັກ​ ໄດ້ຈັດກອງປະຊຸມເຜີຍແຜ່ແນະນຳຂໍ້ມູນຂ່າວສານຄຸ້ມຄອງເກັບລາຍຮັບສ່ວຍສາອາກອນການນຳໃຊ້ລະບົບແທັກຣິດ (Tax Ris) ຢູ່​ທີ່ຮ້ານອາຫານທູເດ ຄີວລົດຫຼັກ8ໃຕ້ກຸ່ມ V ບ້ານຫົວແຊ ໂດຍໃຫ້ກຽດເປັນປະທານຮ່ວມຂອງທ່ານ​ ຄຳມ່ວນ ຊາພິຈິດ ຮອງເຈົ້າເມືອງ ຜູ້ຊິ້ນຳເສດຖະກິດ, ​ທ່ານ ບຸນຈັນ ສາຍໂສພາ ຄະນະສ່ວຍສາອາກອນປະຈຳແຂວງ ,ຄະນະພະແນກການເງິນແຂວງຈຳປາສັກ, ທ່ານ ສີວິໄລ ວົງພະຈັນ ຫົວໜ້າຫ້ອງການ-ການເງິນ​ເມືອງ,ມີຫົວໜ້າຫ້ອງການ,ຮອງຫົວໜ້າຫ້ອງການທີ່ມີລາຍຮັບ-ງົບປະມານຕາມເລກທີ03/ປປທ,​ພະນັກງານວິຊາການພະແນກການເງິນ​ແຂວງ-ເມືອງແລະຫົວໜ່ວຍ​ທຸລະກິດ​ພາຍໃນເມືອງເຂົ້າຮວ່ມ.

ໃນພິທີຄັ້ງນີ້ໄດ້ຮັບຟັງການອະທິບາຍກ່ຽວກັບການນຳໃຊ້ລະບົບແທັກຣີດ( TaxRis​ ) ພ້ອມນັ້ນບັນດາທ່ານຍັງໄດ້ມີຄຳເຫັນແລກປ່ຽນເຊິ່ງກັນ ແລະ​ ກັນເພຶ່ອເປັນການນຳ​ໃຊ້ລະບົບດັ່ງກ່າວນຳໃຊ້ເຂົ້າໃນການ​ ຄຸ້ມຄອງ​ລາຍຮັບສ່ວຍສາອາກອນທີ່ທັນສະໄໝ, ມີຄວາມໂປ່ງໃສ, ວ່ອງໄວແລະສາມາດກວດສອບໄດ້

ທ່ານ ບຸນຈັນ ສາຍໂສພາ ຄະນະສ່ວຍສາອາກອນປະຈຳແຂວງ,ຄະນະພະແນກການເງິນແຂວງຈຳປາສັກຍັງໃຫ້ຮູ້ອິກວ່າ: ເຊີ່ງລະບົບ Tax​Ris​ ໄດ້ນຳໃຊ້ແລ້ວ ປະຈຸບັນມີ 4 ຕົວເມືອງ​1ນະຄອນທີ່ໄດ້ນຳໃຊ້ລະບົບແທັກຣີດ( TaxRis​ ) ຄື:ເມືອງໂຂງ,​ໂພນທອງ,​ປາກຊ່ອງ,​ບາຈຽງ​ຈະເລີນສຸກ ແລະ​ ນະຄອນປາກເຊ ແລະ ມີ 3​ ທະນາຄານ​ຄູ່ຮ່ວມນຳໃຊ້ເຊັ່ນ:ທະນາຄານການຄ້າຕ່າງປະເທດ,ທະນາຄານພັດທະນາລາວແລະທະນາຄານລາວ-ຫວຽດເຮັດໃຫ້ຜູ້ປະກອບການຕ່າງໆສາມາດເສຍພາສີອາກອນດ້ວຍຕົນຜ່ານລະບົບອອນລາຍ.

ສື່ມວນຊົນແຂວງຈຳປາສັກ
ຂ່າວໂດຍ:ນາງ ບຸນມີ​ ສີລະຈັນທາ
ພາບ:ນາງ ທິບປະສົງ ນັກຂ່າວເມືອງ