ເພື່ອເປັນການຊ່ວຍເຫຼືອສັງຄົມ ກໍ່ຄືການຊ່ວຍເຫຼືອ ນ້ອງນັກຮຽນໃຫ້ມີບ່ອນຮຽນໜັງສືທີ່ດີຂື້ນກວ່າເກົ່າ. ໃນວັນທີ 17 ກຸມພາ 2021ນີ້. ທາງຄອບຄົວຂອງ ພັນເອກ ວຽງແກ້ວ ສີສຸລາດ ຫົວໜ້າ ການເມືອງກອງພົນທີ 2 ໄດ້ນໍາເອົາເຄື່ອງວັດຖຸກໍ່ສ້າງຈຳນວນໜື່ງມາມອບຊ່ວຍເຫຼືອໃຫ້ໂຮງຮຽນປະຖົມ ບ້ານໂພນໄຊ (ຫຼັກ18) ເຊິ່ງເຄື່ອງກໍ່ສ້າງທີ່ໄດ້ນຳມາມອບໃນຄັ້ງນີ້ ປະກອບມີ ສັງກະສີ ຈຳນວນ 100 ແຜ່ນ ແລະ ເຫຼັກຕະປູ ຈຳນວນ 50 ກັບ ກ່າວມອບໂດຍ ທ່ານ ນາງ ບຸນມີ ສີສຸລາດ ແລະ ຕ່າງໜ້າກ່າວຮັບ ຂອງທ່ານ ສົມດີ ສີວິໄລ ອຳນວຍການໂຮງຮຽນປະຖົມ ບ້ານໂພນໄຊ ພ້ອມດ້ວຍອຳນາດການປົກຄອງບ້ານໂພນໄຊ ແລະ ຄູອາຈານເຂົ້າຮວມເປັນສັກຂີພິຍານ
ໃນໂອກາດນີ້ ທ່ານ ສົມດີ ສີວິໄລ ອໍານວຍການໂຮງຮຽນປະຖົມ ບ້ານໂພນໄຊ ກໍ່ໄດ້ກ່າວຄໍາສະແດງຂອບໃຈ ແລະ ຮູ້ບຸນຢ່າງລົ້ນເຫຼືອ ນຳຄອບຄົວຂອງ ພັນເອກ ວຽງແກ້ວ ສີສຸລາດ ທີມີຄວາມເປັນຫ່ວງເປັນໃຍ ແລະ ຊ່ວຍເຫຼືອໂຮງຮຽນຂອງພວກເຮົາໃນເທື່ອນີ້ ແລະ ໃຫ້ຄຳໝັ້ນສະຍາວ່າ ຈະນໍາວັດຖຸທີ່ໄດ້ຈາກຊ່ວຍເຫຼືອຂອງທ່ານໃນເທື່ອນີ້ ໄປນໍາໃຊ້ເຂົ້າໃນການພັດທະນາໂຮງຮຽນໃຫ້ດີຂຶ້ນກວ່າເກົ່າ.