ເພື່ອເຮັດໃຫ້ການປ່ອນບັດເລືອກຕັ້ງສະມະຊິກສະພາແຫ່ງຊາດ ຊຸດທີ 9 ແລະສະພາປະຊາຊົນຂັ້ນແຂວງຊຸດທີ 2 ກາຍເປັນບຸນປາງໃຫຍ່ໃນທົ່ວພັກ, ທົ່ວລັດ, ທົ່ວປວງຊົນລາວທັງຊາດເວົ້າລວມ ເວົ້າສະເພາະກໍ່ຄືຊາວ ເມືອງນອງ ຕ້ອງຮັບປະ ກັນໃຫ້ໄດ້ 300% ໃນວັນທີ 21 ກຸມພາ 2021 ທີ່ຈະມາຮອດອີກບໍ່ພໍເທົ່າໃດມື້ນີ້ ດັ່ງນັ້ນໃນລະຫວ່າງວັນທີ 16-17 ກຸມພາ 2021 ຜູ້ສະໝັກເລືອກຕັ້ງສະມາຊິກສະພາປະຊາຊົນຂັ້ນແຂວງຊຸດທີ 2 ປະຈຳເຂດເລືອກຕັ້ງ ເມືອງນອງຈຳ ນວນ 5 ທ່ານ, ຍິງ 1ທ່ານຄື: ເບີ1 ທ່ານ ຜາສຸກ ບຸດທະວົງ ຮອງເລຂາພັກເມືອງ ປະທານກວດກາລັດເມືອງ, ເບີ 2 ທ່ານ ທິດຕະ ພອນ ໂກດວົງສີ ຫົວໜ້າຂະແໜງນຳເຂົ້າ-ສົ່ງອອກ ພະແນກອຸດສາຫະກຳ ແລະການຄ້າແຂວງສະ ຫວັນນະເຂດ, ເບີ3 ທ່ານ ແພງມາ ຈັນທິລະນອງ ກຳມະການພັກເມືອງ ຫົວໜ້າຫ້ອງວ່າການປົກຄອງເມືອງນອງ, ເບີ 4 ທ່ານ ນາງ ຂັນໂຈມ ໂພທິລາດ ຮອງປະທານສະຫະພັນແມ່ຍິງເມືອງ, ເບີ 5 ທ່ານ ສີວິໄລ ສໍເຊລະນອງ ຫົວໜ້າຈຸດສຸມແກ້ງລີ້ນ ເມືອງນອງ ໄດ້ລົງເຄື່ອນໄຫວສະເໜີຕົວພ້ອມທັງພົບປະໂອ້ລົມຕໍ່ຜູ້ມີສິດປ່ອນບັດເລືອກຕັ້ງມີ 4ຈຸດຄື: ຢູ່ທີ່ໂຮງຮຽນມັດທະ ຍົມຕົ້ນ ແດນວິໄລ ເຂດຈຸດສຸມ ປະເລາະ-ອາສີງ ເມືອງນອງ ແຂວງສະຫວັນນະເຂດ ເຊິ່ງມີ ຜູ້ເຂົ້າຮ່ວມຈຳ ນວນ 184 ຄົນ,ຍິງ 56 ຄົົນ, ເຂດກຸ່ມບ້ານອາສີງສະແນະມີຈຳນວນ 118 ຄົນ, ຍິງ 36 ຄົນ, ເຂດຕຳລວງມີ 321 ຄົນ, ຍິງ 72 ຄົນ ແລະ ເຂດບ້ານ ດົງນາສານ ຈຳນວນ 409ຄົນ, ຍິງ 203 ຄົນ, ຈາກນັ້ນທາງຫົວໜ້າຈຸດສຸມ, ຫົວໜ້າກຸ່ມ, ຫົວໜ້າເຂດກໍ່ໄດ້ລາຍງານສະພາບລວມຂອງແຕ່ລະເຂດໃຫ້ຮູ້ໂດຍຫຍໍ້ໃຫ້ຮູ້ວ່າ: ສຳລັບ ໜ່ວຍຫີບບັດທີ18 ມີແດນວິໄລ, ປະລຽງເກົ່າມີຈຳນວນພົນທັງໝົດ621ຄົນ, ຍິງ 324ຄົນ, ຜູ້ມີສິດປ່ອນບັດນັບແຕ່ອາຍຸ 18ປີຂຶ້ນໄປມີ 92ຄົນ, ຍິງ51ຄົນ,ຜູ້ມີສິດປ່ອນບັດຕົວຈິງ205ຄົນ, ຍິງ113ຄົນ, ໜ່ວຍຫີບບັດທີ13ເຂດອາສີງສະແນະມີຈຳນວນພົນ1.289ຄົນ,ຍິງ646ຄົນ, ຜູມີສິດປ່ອນບັດເລືອກຕັ້ງນັບແຕ່ອາຍຸ 18 ປີຂຶ້ນໄປ 605, ຍິງ 910 ຄົນຜູ້ມີສິດປ່ອນບັດຕົວຈິງມີ 606 ຄົນ, ຍິງ 320 ຄົນ, ເຂດກຸ່ມບ້ານພັດທະນາຕຳລວງໜ່ວຍຫີບບັດທີ21ມີຈຳນວນພົນ 1.605 ຄົນ, ຍິງ 769 ຄົນ ມີໜ້າປ່ອນບັດຕົວຈິງ780ຄົນ, ຍິງ393ຄົນ, ເຂດດົງນາສານໜ່ວຍຫີບບັດທີ 12 ມີຈຳນວນພົນທັງໝົດ781ຄົນ, ຍິງ 390 ຄົນຜູ້ມີສິດປ່ອນບັດຕົວຈິງມີ403ຄົນ, ຍິງ202ຄົນ ສ່ວນຜູ້ຮັບສະໝັກເລືອກຕັ້ງສສຂ ຊຸດທີ2 ທັງ5ທ່ານກໍ່ໄດ້ຜັດປ່ຽນກັນຂຶ້ນລາຍງານ ແລະ ໃຫ້ບັນດາພໍ່ແມ່ປະຊາຊົນ ຫຼື ຜູ້ມີສິດໄດ້ຮູ້ເຖິງຈຸດປະສົງໃນການລົງມາຄັ້ງນີ້ກໍ່ເພື່ອເປັນການສະເໜີຊື່ສຽງ ແລະ ມາດຖານເງື່ອນໄຂຂອງຜູ້ລົງສະໝັກເລືອກຕັ້ງ ສສຂ ຊຸດທີ2 ພ້ອມທັງໄດ້ຜ່ານປະຫວັດຄວາມເປັນມາດ້ານການເຄື່ອນຫວັນຕະຫຼອດໄລຍະຜ່ານມາໃຫ້ພໍ່ແມ່ປະຊາຊົນໄດ້ຮັບຮູ້ ແລະ ເຂົ້າໃຈເຖິງຄວາມໝາຍຄວາມສຳຄັນ ຂອງສະມາຊິກສະພາປະຊາຊົນຂັ້ນແຂວງ

ບັນດາຜູ້ຮັບສະໝັກເລືອກຕັ້ງ ສສຂ ກໍໄດ້ຜັດປ່ຽນກັນຂຶ້ນລາຍງານເຊິ່ງສະມາຊິກສະພາແຫ່ງຊາດກໍ່ຄືສະມາຊິສະພາປະຊາຊົນແຂວງ ແມ່ນອົງການຕົວແທນສິດ ແລະຜົນປະໂຫຍດຂອງປະຊາຊົນ ເປັນອົງການສູງສຸດແຫ່ງອຳນາດລັດ ແລະອົງການນິຕິບັນຍັດ, ສະພາມີພາລະບົດບາດຮັບຮອງເອົາລັດຖະທຳມະ ນູນ ແລະກົດໝາຍຕົກລົງບັນຫາສຳຄັນພື້ນຖານຂອງປະເທດຊາດ ແລະ -ຕິດຕາມກວດກາການເຄົາລົບ, ປະຕິບັດລະບຽບລັດຖະທຳມະນູນກົດໝາຍຂອງບັນດາອົງການລັດ ສ່ວນສິດ ແລະ ໜ້າທີ່ດ້ານນິຕິບັນຍັດແມ່ນ: ພິຈາລະນາຮັບ ຮອງເອົາລັດຖະທຳມະນູນ ແລະກົດໝາຍ, ພິຈາລະນາຮັບຮອງເອົາທິດທາງວຽກງານ5ປີຂອງສະພາ ແລະວຽກງານ ອື່ນໆນອກ ຈາກທີ່ກ່າວມານັ້ນກໍ່ຍັງມີຫຼາຍບັນຫາທີ່ສະພາຍັງໄດ້ແບກຫາບພາລະອັນໃຫຍ່ຫຼວງຂອງຊາດເພື່ອປະຊາ ຊົນ ແລະໂດຍປະຊາຊົນ. ພ້ອມກັນນັ້ນກໍ່ຍັງໄດ້ໃຫ້ພໍ່ແມ່ປະຊາຊົນລາວໂດຍສະເພາະແມ່ນເມືອງນອງຈົ່ງພ້ອມກັນ ປະຕິບັດລະບຽບມາດຕາການການແຜ່ລະບາດຂອງພະຍາດ ໂຄວິດ 19 ໃຫ້ທຸກຄົນເປັນເຈົ້າການ ໂດຍສະເພາະເຂດຈຸດສຸມ ປະເລາະ-ອາສີງ ແມ່ນເປັນເຂດທີ່ມີຊາຍແດນຕິດຈອດກັບ ສສຫວຽດນາມ ຍິ່ງມີຄວາມສ່ຽ່ງສູງດັ່ງນັ້ນ ການຕິດຕາມຄົນເຂົ້າອອກນອກເມືອງຄວນໃຫ້ເຄັ່ງຄັດເຂັ້ມງວດກັນເຂົ້າໄປຕື່ມກວ່າເກົ່າເພື່ອປ້ອງກັນບໍ່ໃຫ້ເກີດມີການແຜ່ລະບາດຂອງພະຍາດດັ່ງກ່າວໂອກາດສຸດທ້າຍຜູ້ສະໝັກເລືອກຕັ້ງ ສສຂ ຊຸດທີ 2 ຍັງໄດ້ເຊີນຊວນອຳນາດການປົກຄອງພໍ່ແມ່ປະຊາຊົນ ຫຼື ຜູ້ມີສິດປ່ອນບັດເລືອກຕັ້ງຈົ່ງພ້ອມພາກັນໄປໃຊ້ສິດຂອງຕົນຢ່າງເຕັມປ່ຽມໃນມື້ເລືອກຕັ້ງເອົາຜູ້ແທນ ສສຊ ແລະສສຂຊຸດ ທີ2ແລະພ້ອມທັງປະຕິບັດ ລະບຽບການທີ່ວາງໄວ້ 300%ຄື: ຮັບປະກັນວຽກງານປ້ອງກັນຊາດ-ປ້ອງກັນຄວາມສະ ຫງົບປອດໄພ100%, ຜູ້ມີສິດປ່ອນບັດແມ່ນໃຫ້ໄປໃຊ້ສິດດ້ວຍຕົນເອງ100% ແລະຮັບປະກັນບໍ່ໃຫ້ມີບັດຕາຍ 100%.ການເຄື່ອນໄຫວໂຄສະນາຫາສຽງແມ່ນເລີ່ມແຕ່ວັນທີ 16 ຫາ 19ຈຶ່ງຈະສຳເລັດລົງ ໃນນັ້ນ ມີຈຸດສຸມ ຕັງອາໄລ, ບ້ານໂລະ, ເຂດ ລະປີດ ແລະຈຸດສຸມແກ້ງລີ້ນ.