ວັນທີ 17 ກຸມພາ 2021 ນີ້,ເປັນມື້ທີ 2 ຜູ້ສະໝັກຮັບເລືອກຕັ້ງເປັນສະມະຊິກສະພາແຫ່ງຊາດ ຊຸດທີ IX ແລະ ສະມາຊິກສະພາປະຊາຊົນແຂວງ ຊຸດທີ II ໄດ້ລົງເຄື່ອນ ໄຫວໂຄສະນາຫາສຽງ ຢູ່ເຂດກຸ່ມບ້ານທີ 3 ບ້ານ ນາໝາກເກືອນໍາໂດຍທ່ານ ຫ່ວນ ຮັງບົວສອນ ຮອງເລຂາພັກເມືອງ ຜູ້ຊີ້ນໍາວຽກງານແນວຄິດພັກ-ພະນັກງານ ເມືອງ ທັງເປັຄະນະກຳມະການເລືອກຕັ້ງຂັ້ນເມືອງ ແລະ ຜູ້ສະໝັກຮັບເລືອກຕັ້ງ ນໍ້າເບີ 1 ທ່ານ ພັທ ສັງວານ ວົງວິໄລ ຄະນະປະຈໍາສະພາປະຊາຊົນແຂວງ, ປະທານຄະນະກຳມະການຍຸຕິທໍາ ແລະ ປ້ອງກັນຊາດ-ປ້ອງກັນຄວາມສະຫງົບ, ນໍ້າເບີ 2 ທ່ານ ແສງ ສະຫວັນ ອະນຸສິນ ຮອງເລຂາພັກເມືອງ, ປະທານກວດກາພັກ-ລັດເມືອ, ນໍ້ເບີ 3 ທ່ານ ພູສະຫວັນ ເທບ ສີທາ ກໍາມະການພັກເມືອ, ຫົວໜ້າຫ້ອງການແຜນການ ແລະ ການລົງທຶນເມືອງ ແລະ ນໍາເບີ 4 ທ່ານ ນາງ ພູເງິນ ເທບພະນົນໄຊ ຄະນະພັກຮາກຖານ, ເລຂາໜ່ວຍພັກບໍລິຫານ,ຮອງຫົວໜ້າຫ້ອງການສຶກສາທິການ ແລະ ກິລາເມືອງ ມີຄະນະກຳມະການຂັ້ນເມືອງ, ພ້ອມດ້ວຍປະຊາຊົນພາຍໃນບ້ານ ເຂົ້າຮ່ວມຈໍານວນຫຼວງຫຼາຍ.
ທ່ານ ພັທ ສັງວານ ວົງວິໄລ ກ່າວວ່າ : ການເລືອກຕັ້ງຊຸດນີ້ ເປັນສ່ວນໜື່ງໃນການປັບປຸງບູລະນະການຈັດຕັ້ງ ແລະ ບຸກຄະລາກອນຂອງລະບົບການເມືອງຢູ່ສູນກາງ ແລະ ທ້ອງຖິ່ນ ເປັນການເລືອກເຟັ້ນ ແລະ ຊັບຊ້ອນພະນັກ ງານຮັບຜິດຊອບໃນວຽກງານຕ່າງໆ, ທັງເປັນຄວາມຮັບຜິດ ຊອບຂອງຄະນະພັກທຸກຂັ້ນ ແລະ ຂອງທົ່ວປວງຊົນລາວ ເພື່ອເລືອກຜູ້ທີ່ມີມາດຖານ, ເງື່ອນໄຂຄົບຖ້ວນ ທັງສູນກາງ, ທ້ອງຖິ່ນ.

ໂອກາດດັ່ງກ່າວ ຜູ້ສະໝັກຮັບເລືອກຕັ້ງສະມາຊິກສະພາແຫ່ງຊາດຊຸດທີIX ຈໍານວນ 25 ທ່ານ,ຍິງ 7 ທ່ານ ເລືອກເອົາ 20 ທ່ານ ແລະ ຜູ້ສະໝັກສະມາຊິກສະພາປະຊາຊົນແຂວງ ຊຸດທີ II ເຂດເລືອກຕັ້ງເມືອງໄຊພູທອງຈໍານວນ 4 ທ່ານ,ຍິງ 1ທ່ານ,ເລືອກເອົາ 2 ທ່ານ , ຈາກນັ້ນກໍ່ໄດ້ນໍາສະເໜີຕົວເພື່ອສ້າງເງື່ອນໄຂໃຫ້ຜູ້ມີສິດປ່ອນບັດເລືອກຕັ້ງ ຮັບຮູ້ເຂົ້າໃຈຢ່າງຖືກຕ້ອງຕໍ່ປະຫວັດຄວາມເປັນມາຜົນງານ ແລະ ວິໄສທັດ ຂອງຕົນ ເຊິ່ງແມ່ນທາດແທ້ລະບອບການເມືອງ ລະບອບປະຊາທິປະໄຕ ປະຊາຊົນ, ທັງມີຄວາມຮັບຮູ້ ແລະ ເຂົ້າໃຈກ່ຽວກັບໂຄງປະກອບການຈັດຕັ້ງ ແລະ ບຸກຄະລາກອນ ຂອງສະພາແຫ່ງຊາດ ຊຸດທີ IX ແລະ ສະມາຊິກສະພາປະຊາຊົນ ຊຸດທີ II ເຫັນໄດ້ສິດ, ໜ້າທີ ແລະ ພັນທະຂອງພົນລະເມືອງ ໃນການໄປໃຊ້ສິດປ່ອນບັດເລືອກຕັ້ງຢ່າງຄົບຖ້ວນ,ຖືກຕ້ອງຕາມກົດໝາຍເພື່ອຮັບປະກັນ300%.

ສໍາລັບເຂດເລືອກຕັ້ງເຂດກຸ່ມບ້ານທີ 3 ມີພົນລະເມືອງທັງໝົດ 4,817ຄົນ,ຍິງ 2,602 ຄົນ, ຜູ້ມີສິດເລືອກຕັ້ງອາຍຸ18 ປີ ມີ 3,429 ຄົນ,ຍິງ 1,778 ຄົນ, ຜູ້ມີສິດປ່ອນບັດເລືອກຕັ້ງທີ່ມີໜ້າຕົວຈິງ 2,452 ຄົນ,ຍິງ 1,306 ຄົນ ມີ 4 ໜ່ວຍປ່ອນບັດ ແລະ ມີ 4 ຫີບບັດ ຈາກນັ້ນໃນຕອນບ່າຍຂອງມື້ດຽວກັນຄະນະຜູ້ແທນທີ່ລົງຮັບສະໝັກເລືອກຕັ້ງສະມາຊິກສະພາປະຊາຊົນແຂວງສະຫວັນນະເຂດ ຊຸດທີ II ເຂດເລືອກຕັ້ງເມືອງໄຊພູທອງ ກໍໄດ້ລົງພົບປະ ແລະ ຫາສຽງກັບປະຊາຊົນເຂດກຸ່ມບ້ານທີ 6 ນາຄໍາຕື່ມອີກ