ໃນລະຫວ່າງ ວັນທີ 10 ຫາ 16 ກຸມພາ 2021ນີ້ ບັນດາທ່ານຜູ້ຮັບສະໝັກເລືອກຕັ້ງເປັນສະມາຊິກສະພາປະຊາຊົນແຂວງ ຊຸດທີ II ປະຈຳເຂດເລືອກຕັ້ງເມືອງທ່າປາງທອງ ແຂວງ ສະຫວັນນະເຂດ ຈຳນວນ 5 ທ່ານ,ຍິງ 1 ທ່ານ ໄດ້ລົງສະເໜີຕົວ ແລະ ພົບປະຜູ້ມີສິດປ່ອນບັດເລືອກຕັ້ງຈໍານວນ 8 ຈຸດຄື: ຈຸດສຸມເຊກື, ກຸມນາປ່າຊາດ, ຈຸດສຸມເຊປ໋ອງ ຈຸດສຸມກະທອງເໜືອ, ກຸ່ມກະທອງໃຕ້, ກຸ່ມທ່າພີ່, ກຸ່ມຫ້ວຍໝື່ນ ແລະ ກຸ່ມບ້ານໜອງກັນ, ເຊິງນຳພາໂດຍທ່ານ ບົວຜັນ ແກ້ວວົງສັກ ຫົວໜ້າຄະນະໂຄສະນາອົບຮົມເມືອງ ຕ່າງໜ້າອະນຸກຳມະການ ປຸກລະດົມ ຂົນຂວາຍ ແລະ ຍ້ອງຍໍງ ພ້ອມດ້ວຍຜູ້ຮັບສະໝັກເລືອກຕັ້ງປະຈຳເມືອງທ່າປາງທອງ, ມີບັນດາອານຸກຳມະການເລືອກຕັ້ງ, ພ້ອມດ້ວຍຄະນະພັກຮາກຖານ ອຳນາດການປົກຄອງບ້ານ ແລະ ຕະຫຼອດຮອດປະຊາຊົນ ຜູ້ມີສິດປ່ອນບັດເລືອກຕັ້ງເຂົ້າຮ່ວມຢ່າງພ້ອມພຽງ.

ຈຸດປະສົງໃນການລົງຄັ້ງນີ້ກໍ່ເພື່ອພົບປະໂອລົມ ໂຄສະນາຫາສຽງ ແລະ ສະເໜີຕົວ ຕໍ່ຜູ້ມີສິດປ່ອນບັດເລືອກຕັ້ງ ເພື່ອເຮັດໃຫ້ພໍ່ແມ່ປະຊາຊົນມາຄວາມເຂົ້າໃຈຮັບຮູ້ ຢ່າງະອຽດ ກ່ຽດກັບການປ່ອນບັດເລືອຕັ້ງເອົາສະມາຊິກສະພາແຫ່ງຊາດ ( ສສຊ ) ຊຸທີ IX ແລະ ສະພາປະຊາຊົນແຂວງ ( ສສຂ )ຊຸດທີ II ທີ່ຈະມາເຖິງ ໃນວັນອາທິດ ທີ 21 ກຸມພາ 2021 ນີ້ ເພື່ອຮັບປະກັນໃຫ້ໄດ້ 300% ພ້ອມທັງເຮັດໃຫ້ຜູ້ມີສິດປ່ອນບັດເລືອກຕັ້ງໄດ້ມີໂອກາດພົບໜ້າພໍ້ຕາຕົວຈິງຂອງຜູ້ສະຫມັກເລືອກຕັ້ງ ໃນຈຳນວນ 5 ທ່ານ ຍິງ 1 ທ່ານ ເຮັດໃຫ້ການເລືອກຕັ້ງໃນຄັ້ງນີ້ບັນລຸຜົນສຳເລັດຕາມລະດັບຄາດໝາຍທີ່ວາງໄວ້ ປະຊາຊົນນັບແຕ່ອາຍຸ 18 ປີຂຶ້ນໄປ ສາມາດໄປໃຊ້ສິດຂອງຕົນເລືອກເອົາຜູ້ແທນເພື່ອເປັນຕົວແທນໃຫ້ແກ່ປະຊາຊົນບັນດາເຜົ່າປະຕິບັດໜ້າທີ່ຢູ່ໃນສະພາ, ສໍາລັບເມືອງທ່າປາງມີ 61 ໜ່ວຍບ່ອນບັດ ມີຈໍານວນພົນຜູ້ມີອາຍຸ 18 ປີ ຂື້ນໄປ ທັງໝົ້ດ 27,395, ຍີງ 747 ຄົນ, ຜູ້ມີໜ້າເລືອກຕັ້ງຕົວຈິງທັງໝົດ 23,728 ຄົນ,ຍິງ 11,922 ຄົນ,

ໃນພິທີກອງເລຂາຄະນະຮັບຜິດຊອບຂັ້ນເມືອງກໍ່ໄດ້ນໍາສະເໜີນໍ້າເບີ ແລະ ລາຍຊື່ຂອງຜູ້ສະໝັກແຕ່ລະທ່ານ ຈາກນັ້ນບັນດາຜູ້ສະໝັກຮັບເລືອກຕັ້ງເປັນສະມາຊິກສະພາປະຊາຊົນຂັ້ນແຂວງຊຸດທີ 2 ປະຈໍາເຂດເລືອກຕັ້ງເມືອງທ່າປາງທອງ ໃນຈໍານວນ 5 ທ່ານກໍ່ໄດ້ພັດປຽນກັນ ສະເໜີຊື່ ພ້ອມທັງປະຫວັດຫຍໍ້ຂອງຕົນເອງ ແລະ ໄດ້ຜ່ານເອກະສານກ່ຽວກັບທີ່ຕັ້ງ, ພາລະບົດບາດຂອງສະພາແຫ່ງຊາດ ແລະ ສະພາປະຊາຊົນຂັ້ນແຂວງ, ສິດໜ້າທີ່ຂອງສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນຂັ້ນແຂວງ ໃຫ້ຜູ້ມີສິດປ່ອນບັດເລືອກຕັ້ງໄດ້ຮັບຮູ້ ແລະ ເຂົ້າໃຈຢ່າງລະອຽດ ຈາກນັ້ນກໍໄດ້ເປີດໂອກາດໃຫ້ກັບພໍ່ປະຊົນ ຜູ້ທີ່ມີສິດເລືອກຕັ້ງ ແລກປຽນຄຳຄິດຄຳເຫັນ ພ້ອມທັງສະເໜີບັນຫາຕ່າງເພື່ອແກ້ໄຂ ຈາກນັ້ນຜູ້ຮັບສະໝັກເລືອກຕັ້ງ ກໍ່ຍັງໄດ້ຮຽກຮ້ອງມາຍັງພໍ່ແມ່ປະຊາຊົນຜູ້ມີສິດປ່ອນບັດເລືອກຕັ້ງທີ່ມີອາຍຸແຕ່ 18 ຂື້ນໄປ ຈົ່ງໄດ້ພ້ອມກັນໄປໃຊ້ສິດປະຊາທິປະໄຕຂອງຕົນຢ່າງເຕັມສ່ວນ ໃນການເລືອກຕັ້ງທີ່ຈະເມາຖິງນີ້ ໃຫ້ເລືອກເອົາຄົນດີ,ມີມາດຖານຄົບຖ້ວນ,ເຮັດແທ້ທໍາຈິງ ແລະ ເຮັດເພື່ອຜົນປະໂຫຍດຂອງປະຊາຊົນຢ່າງແທ້ຈິງ ເພື່ອເປັນຕົວແທນຂອງຕົນເອງເຂົ້າໄປເຮັດໜ້າທີ່ໃນສະພາ