ໃນຕອນເຊົ້າຂອງວັນທີ 17 ກຸມພາ 2021 ທີ່ຜ່ານມານີ້. ຢູ່ທີ່ຫ້ອງປະຊຸມຊັ້ນ 2 ຫ້ອງວ່າການເມືອງທ່າປາງທອງ ແຂວງສະຫວັນນະເຂດ. ໄດ້ຈັດກອງປະຊຸມລາຍງານການກະກຽມໃຫ້ແກ່ບັ້ນເລືອກຕັ້ງ ສສຊ ແລະ ສສຂ ຂື້ນ. ໂດຍການໃຫ້ກຽດເຂົ້າຮ່ວມຂອງທ່ານ ປອ ຄໍາເຜີຍ ຜັນທະຈອນ ຮອງເລຂາພັກແຂວງ ປະທານ ສະພາປະຊາຊົນແຂວງ ຮອງປະທານຄະນະກຳການເລືອກຂັ້ນແຂວງ, ທ່ານ ຄຳປະສົງ ຂົງຄຳ ກໍາມະການພັກແຂວງ ເລຂາພັກເມືອງ ເຈົ້າເມືອທ່າປາງທອງ ທັງເປັນປະທານຄະນະກຳມການ ເລືອກຕັ້ງຂັ້ນເມືອງ. ມີບັນດາທ່ານຄະນະກໍາມະການເລືອກຕັ້ງ ແລະ ອະນຸກໍາມະການເລືອກຕັ້ງຂັ້ນເມືອງເຂົ້າຮ່ວມ.

ພາຍຫຼັງເຂົ້າສູ່ກອງປະຊຸມຢ່າງເປັນທາງການແລ້ວ ທ່ານ ບຸນຍົງ ຍົດສີຟອງ ກຳມະການປະຈຳພັກເມືອງ ຮອງເຈົ້າເມືອງ ທັງເປັນຫົວໜ້າເລຂານຸການ ກຳມະການການເລືອກຕັ້ງ ກໍ່ໄດ້ລາຍງານໂດຍຫຍໍ້ກ່ຽວກັບການກະກຽມຄວາມພ້ອມໃຫ້ແກ່ການເລືອກຕັ້ງ ສສຊ ແລະ ສສຂ ທົ່ວເມືອງທ່າປາງທອງ. ຈາກນັ້ນ ທ່ານ ປອ ຄໍາເຜີຍ ຜັນທະຈອນກໍ່ໄດ້ມີການແນະນໍາຕື່ມກ່ຽວກັບການກະກຽມບັ້ນເລືອກຕັ້ງວ່າຈະຕ້ອງເຮັດໃຫ້ມີຄວາມຊັດເຈນກ່ຽວກັບຈໍານວນຜູ້ມີສິດປ່ອນບັດເລືອກຕັ້ງ,ຈໍານວນພົນຢູ່ຕ່າງປະເທດ,ຈໍານວນຈັກຄົນທີ່ຂື້ນຊື່ຢູ່ໜ່ວຍແຕ່ບໍ່ມາໃຊ້ສິດຢູ່ໜ່ວຍໄປໃຊ້ສິດຢູ່ບ່ອນອື່ນ ໂດຍສະເພາະນັກນຽນ, ນັກສຶກສາ.ກວດກາຄືນຜູ້ມາອອກແຮງງານຢູ່ເມືອງວ່າຈະກັບໄປໃຊ້ສິດຢູ່ໃສ ຫຼື ຈະໃຊ້ສິດຢູ່ເມືອງແມ່ນໃຫ້ຊັດເຈນ, ນອກຈາກນີ້ກໍ່ຄືບັນຫາຂໍ້ຂັດແຍ່ງອື່ນໆຂອງບ້ານ ໂດຍສະເພາະນາຍບ້ານ ແລະ ປະຊາຊົນພາຍໃນບ້ານຕ້ອງໄດ້ມີຄວາມເຂົ້າໃຈເຊິ່ງກັນ ແລະ ກັນ ໃຊ້ສິດໃຫ້ຄົບຖ້ວນ 100%, ກວດກາຄືນຈໍານວນພົນທີ່ໄປອອກແຮງງານຢູ່ຕ່າງຖິ່ນໃຫ້ຈະແຈ້ງ.

ເອົາໃຈໃສ່ວຽກງານປ້ອງກັນຊາດ, ປ້ອງກັນຄວາມສະຫງົບ. ຕ້ານປະກົດການຫຍໍ້ທໍ້ໃນສັງຄົມທຸກຮູບແບບ, ກວດກາຄືນບັດຕ້ອງໄດ້100% ແນະນຳການຂີດບັດຖືກຕ້ອງ. ຜູ້ທີ່ສະໝັກ ສສຊ ມີ 25 ທ່ານ, ຍິງ 7 ທ່ານ ໃຫ້ຂີດອອກ 5 ທ່ານ. ຜູ້ສະໝັກ ສສຂ ປະຈໍາເຂດເລືອກຕັ້ງເມືອງທ່າປາງທອງ 5 ທ່ານ,ຍິງ 1 ທ່ານ ຂີດອອກ 2 ທ່ານ ຈິ່ງສາມາດໃຊ້ໄດ້ ໃນການຂີດນັ້ນຈະຕ້ອງໃຫ້ມີຄວາມຈົບງາມ ແລະ ຖືກຕ້ອງ, ສ່ວນຮູບຜູ້ສະໝັກຈະຕ້ອງຕິດໃຫ້ແໜ້ນໜາ ແລະ ຢູ່ໃນສະຖານທີ່ ທີ່ປະຊາຊົນເຂົ້າເຖິິງ ນອກຈາກນີ້ີບັນດາທ່ານທີ່ເຂົ້າຮ່ວມກອງປະຊຸມກໍ່ໄດ້ມີການແລກປ່ຽນຄໍາຄິດເຫັນເຊິ່ງກັນ ແລະ ກັນ ພ້ອມທັງລາຍງານການຈັັດຕັ້ງປະຕິບັດວຽກງານກ່ຽວກັບການກະກຽມຄວາມພ້ອມໃຫ້ແກ່ການເລືອກຕັ້ງໃນຂອບເຂດຮັບຜິດຊອບຂອງຕົນ ພ້ອມທັງນໍາເອົາເນື້ອໃນຈິດໃຈຂອງກອງປະຊຸມໄປຈັດຕັ້ງປະຕິບັດໃຫ້ໄດ້ຮັບຜົນດີ.