ໃນຕອນເຊົ້າວັນທີ 18 ກຸມພາ 2021 ທີ່ໂຮງຮຽນ ມສ ອຸທຸມພອນ,ເຂດເສດຖະກິດພິເສດສະຫວັນ-ເຊໂນ ສົມທົບກັບ ຄະນະຊາວໜຸ່ມແຂວງ, ພະແນກຕໍາຫຼວດຈາລະຈອນແຂວງ, ກອງຄຸ້ມຄອງພາຫະນະແຂວງ ແລະ ພາກສ່ວນທີ່ກ່ຽວຂ້ອງຂອງແຂວງ ແລະ ເມືອງອຸທຸມພອນ ໄດ້ຈັດກິດຈະກໍາຂັບຂີ່ປອດໄພ ຫ່ວງໄຍຊີວິດ ຫ່າງໄກສິ່ງເສບຕິດ ເພື່ອຕ້ອນຮັບວັນເລືອກຕັ້ງ ສະມາຊິກສະພາແຫ່ງຊາດ ຊຸດທີ 9 ແລະ ສະມາຊິກສະພາ ປະຊາຊົນແຂວງ ຊຸດທີ 02 ໂດຍການເຂົ້າຮ່ວມຂອງທ່ານ ທອງໃສ ໄຊຍະວົງຄໍາດີ ຫົວໜ້າຄະນະບໍລິຫານເຂດເສດຖະກິດພີເສດສະຫວັນ-ເຊໂນ,ທ່ານ ພູລໍາພອນ ສີຫາວົງ ເລຂາຄະນະບໍລິຫານງານຊາວໜຸ່ມແຂວງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ 283 ຄົນ,ຍິງ 116 ຄົນ

ທ່ານ ທອງໃສ ໄຊຍະວົງຄໍາດີ ກ່າວເປີດພິທີວ່າ: ການຈັດກິດຈະກໍາອັນນີ້ຂື້ນກໍ່ເພື່ອປູກຈິດສໍານຶກໃຫ້ນ້ອງນັກຮຽນ ມສ ອຸທຸມພອນ ໄດ້ຮູ້ກ່ຽວກັບການຂັບຂີ່ລົດລາງພາຫະນະຕາມທ້ອງຖະໜົນໃຫ້ມີຄວາມປອດໄພ ເພື່ອຫຼີກລ້ຽງຈາກການເກີດອຸປະຕິເຫດ ອັນຈະສ້າງຄວາມເສຍຫາຍແກ່ຊັບສິນລວມໝູ່,ບຸກຄົນ,ເສຍທັງເງິນ,ເສຍທັງເວລາ,ຍິ່ງໄປກວ່ານັ້ນກໍ່ແມ່ນເສຍຊີວິດ,ສິ່ງສໍາຄັນອີກອັນໜຶ່ງ ກໍ່ແມ່ນເພື່ອສ້າງຂະບວນການໄວ້ຕ້ອນຮັບບັ້ນເລືອກຕັ້ງ ສະມາຊິກສະພາປຫ່ງຊາດ ຊຸດທີ 09 ແລະ ສະມາຊິກສະພາ ປະຊາຊົນແຂວງ ຊຸດທີ 02

ສ່ວນທາງດ້ານ ທ່ານ ພັນໂທ ໄພວັນ ແກ້ວວໍລະວົງ ຮອງພະແນກຕໍາຫຼວດຈາລະຈອນ ກອງບັນຊາການ ປກສ ແຂວງ ມີຄໍາເຫັນວ່າ: ຢາກໃຫ້ຊາວໜຸ່ມນ້ອງນັກຮຽນທຸກຄົນ ຈົ່ງມີສະຕິໃນການຂັບຂີ່ລົດຕາມທ້ອງຖະໜົນເພື່ອຄວາມປອດໄພຂອງໝົດທຸກຄົນ,ການຂັບຂີ່ລົດຈັກທຸກຄັ້ງຕ້ອງໃສ່ໝວກກັນກະທົບ, ບ່ອນໃດຄວນຂັບຂີ່ໄວ, ບ່ອນໃດຄວນຂັບຂີ່ຊ້າ, ບ່ອນໃດແຊງໄດ້ ແຊງບໍ່ໄດ້ ອັນນີ້ທຸກຄົນຕ້ອງລະມັດລະວັງເພື່ອຫຼີກລ້ຽງຈາກການເກີດອຸປະຕິເຫດ
ຈາກນັ້ນໃນພິທີກໍ່ໄດ້ເລີ່ມເປີດກິດຈະກໍາຂັບຂີ່ປອດໄພໂດຍເລີ່ມອອກຈາກໂຮງຮຽນ ມສ ອຸທຸມພອນ ລ້ຽວຂົວໄປຕາມທາງເລກທີ 09 ອຮດວົງວຽນໃຫຍ່ແລ້ວລ້ຽວກັບຄືນ ຕາມທາງເລກທີ 09 ລ້ຽວຂົວ 03 ແຍກໄປວຽງຈັນ ລ້ຽວຊ້າຍ 03 ແຍກກັບຄືນໂຮງຮຽນ ມສ ອຸທຸພອ
ກ່ອນຈະເຂົ້າສູ່ພິທີຢ່າງເປັນທາງການ ກໍ່ຍັງໄດ້ຖາມ-ຕອບຄວາມຮູ້ກ່ຽວກັບການຂັບຂີ່,ປ້າຍຈາລະຈອນ ແລະ ຄວາມຮູ້ຮອບຕົວເພື່ອເອົາຂອງຂວັນລາງວັນຕື່ມອີກ.