ໃນວັນທີ 17 ກຸມພາ 2021 ທີ່ໂຮງຮຽນ ມສ ໄຊຍະເພັດ ໄດ້ຈັດກິດຈະກໍາການແຂ່ງຂັນພາລະສຶກສາ ແລະ ສິລະປະສຶກສາປະຈໍາປີຂື້ນ,ໂດຍມີບັນດາທ່ານການນໍາຂອງເມືອງ,ຄະນະຫ້ອງການສຶກສາທິການ-ກິລາເມືອງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ

ທ່ານ ນາງ ແຜນຄໍາ ສີລິປັນໂຍ ຄະນະຫ້ອງການສຶກສາທິການ-ກິລາເມືອງມີຄໍາເຫັນວ່າ: ການສຶກສາແມ່ນຂະບວນວິວັດແຫ່ງການຮຽນ ການສອນທາງດ້ານວິທະຍາສາດທໍາມະຊາດ,ວິທະຍາສາດສັງຄົມ ແລະ ການຄົ້ນຄວ້າທິດສະດີການເມືອງ ເພື່ອສ້າງຄົນໃຫ້ມີການຂະຫຍາຍຕົວຢ່າງຮອບດ້ານ,ສ້າງຄົນໃຫ້ມີຄຸນສົມບັດ ສິນທໍາປະຕິວັດ,ມີຄວາມຮູ້ ຄວາມສາມາດ,ມີວິຊາຊີບ,ມີສຸຂະພາບພາລະນາໄມທີ່ສົມບູນ, ມີຄວາມສີວິໄລທາງດ້ານຈິດໃຈ ມີລະບຽບວິໃນ ມີນໍ້າໃຈຮັກຊາດ ຮັກລະບອບໃໝ່, ສໍາລັບນ້ອງນັກຮຽນຂໍໃຫ້ເອົາໃຈໃສ່ຕໍ່ການຄົ້ນຄວ້າຮໍ່າຮຽນ ແລະ ພ້ອມກັນປະຕິບັດກົດລະບຽບຂອງໂຮງຮຽນວາງອອກຢ່າງເຂັ້ມງວດ ປະຕິບັດ 03 ຂໍ້ແຂ່ງຂັນຂອງກະຊວງສຶກສາທິການ ແລະ ກິລາວາງອອກໃຫ້ໄດ້ຮັບຜົນ

ສໍາລັບກິລາທີ່ແຂ່ງຂັນກໍ່ມີປະເພດ ກິລາດຶງເຊືອກຍິງ-ຊາຍ,ຍ່າງສາມຂາຍິງ-ຊາຍ,ແຂ່ງຂັນພາຍເຮືອບົນບົກຍິງ-ຊາຍກ່ອນຈະເຂົ້າສູ່ພິທີຢ່າງເປັນທາງການ ຍັງໄດ້ຮັບຊົມການສວນສະໜາມຈາກບັນດານ້ອງນັກຮຽນ ເຊິ່ງມີທັງໝົດ 10 ກ້ອນກໍາລັງ