ໃນຕອນບ່າຍຂອງວັນທີ12ກຸມພາ2021 ທີ່ຜ່ານມານີ້.ຢູ່ທີ່ຫ້ອງປະຊຸມຊັ້ນ2ຫ້ອງວ່າການປົກຄອງເມືອງໄຊບູລີ.ໄດ້ຈັດກອງປະຊຸມລາຍງານການກະກຽມໃຫ້ແກ່ບັ້ນເລືອກຕັ້ງ ສສຊ ແລະ ສສຂ ຂື້ນ. ໂດຍການໃຫ້ກຽດເຂົ້າຮ່ວມຂອງທ່ານ ປອ ຄໍາເຜີຍ ຜັນທະຈອນ ຮອງເລຂາພັກແຂວງ ປະທານ ສະພາປະຊາຊົນແຂວງ, ທ່ານ ອ່ອນລໍາພັນ ບົວສີແກ້ວ ກໍາມະການພັກແຂວງ ເລຂາພັກເມືອງ ເຈົ້າເມືອງໄຊບູລີ ທັງເປັນປະທານການເລືອກຕັ້ງຂັ້ນເມືອງ. ນອກນີ້ຍັງມີບັນດາທ່ານຄະນະກໍາມະການເລືອກຕັ້ງ ແລະ ອະນຸກໍາມະການເລືອກຕັ້ງຂັ້ນເມືອງເຂົ້າຮ່ວມ.
ພາຍຫຼັງເຂົ້າສູ່ກອງປະຊຸມຢ່າງເປັນທາງການແລ້ວ ທ່ານ ອອ່ນລໍາພັນ ບົວສີແກ້ວ ເຈົ້າເມືອງໄຊບູລີ ກໍ່ໄດ້ໃຫ້ກຽດຂຶ້ນຜ່ານບົດລາຍງານໂດຍຫຍໍ້ກ່ຽວກັບການກະກຽມຄວາມພ້ອມໃຫ້ແກ່ການເລືອກຕັ້ງ ສສຊ ແລະ ສສຂ ທົ່ວເມືອງໄຊບູລີ. ຈາກນັ້ນ ທ່ານ ປອ ຄໍາເຜີຍ ຜັນທະຈອນກໍ່ໄດ້ມີການແນະນໍາຕື່ມກ່ຽວກັບການກະກຽມບັ້ນເລືອກຕັ້ງວ່າຈະຕ້ອງເຮັດໃຫ້ມີຄວາມຊັດເຈນກ່ຽວກັບຈໍານວນຜູ້ມີສິດປ່ອນບັດເລືອກຕັ້ງ,ຈໍານວນພົນຢູ່ຕ່າງປະເທດ,ຈໍານວນຈັກຄົນທີ່ຂື້ນຊື່ຢູ່ໜ່ວຍແຕ່ບໍ່ມາໃຊ້ສິດຢູ່
ໜ່ວຍໄປໃຊ້ສິດຢູ່ບ່ອນອື່ນ ໂດຍສະເພາະນັກນຽນ, ນັກສຶກສາ.ກວດກາຄືນຜູ້ມາອອກແຮງງານຢູ່ເມືອງວ່າຈະກັບໄປໃຊ້ສິດຢູ່ໃສ ຫຼື ຈະໃຊ້ສິດຢູ່ເມືອງແມ່ນໃຫ້ຊັດເຈນ, ນອກຈາກນີ້ກໍ່ຄືບັນຫາຂໍ້ຂັດແຍ່ງອື່ນໆຂອງບ້ານ ໂດຍສະເພາະນາຍບ້ານ ແລະ ປະຊາຊົນພາຍໃນ ບ້ານຕ້ອງໄດ້ມີຄວາມເຂົ້າໃຈເຊິ່ງກັນ ແລະ ກັນ ໃຊ້ສິດໃຫ້ຄົບຖ້ວນ 100%, ກວດກາຄືນຈໍານວນພົນທີ່ໄປອອກແຮງງານຢູ່ຕ່າງຖິ່ນໃຫ້ຈະແຈ້ງ. ເອົາໃຈໃສ່ວຽກງານປ້ອງກັນຊາດ, ປ້ອງກັນຄວາມສະຫງົບ. ຕ້ານປະກົດການຫຍໍ້ທໍ້ໃນສັງຄົມທຸກຮູບແບບ, ກວດກາຄືນບັດຕ້ອງໄດ້100% ມີການຂີດຢ່າງຖືກຕ້ອງ.ຜູ້ທີ່ສະໝັກ ສສຊ ມີ 25 ທ່ານ, ຍິງ 7 ທ່ານ ໃຫ້ຂີດອອກ 5 ທ່ານ. ຜູ້ສະໝັກ ສສຂ ປະຈໍາເຂດເລືອກຕັ້ງເມືອງໄຊບູລີມີ 4 ທ່ານ,ຍິງ1ທ່ານ ຂີດອອກ 2 ທ່ານ ຈິ່ງສາມາດໃຊ້ໄດ້ ໃນການຂີດນັ້ນຈະຕ້ອງໃຫ້ມີຄວາມຈົບງາມ ແລະ ຖືກຕ້ອງ, ສ່ວນຮູບຜູ້ສະໝັກຈະຕ້ອງຕິດໃຫ້ແໜ້ນໜາ ແລະ ຢູ່ໃນສະຖານທີ່ ທີ່ປະຊາຊົນເຂົ້າເຖິິງ ນອກຈາກນີ້ີບັນດາທ່ານທີ່ເຂົ້າຮ່ວມກອງປະຊຸມກໍ່ໄດ້ມີການແລກປ່ຽນຄໍາຄິດເຫັນເຊິ່ງກັນແລະກັນ ພ້ອມທັງລາຍງານການຈັັດຕັ້ງປະຕິບັດວຽກງານກ່ຽວກັບການກະກຽມຄວາມພ້ອມໃຫ້ແກ່ການເລືອກຕັ້ງໃນຂອບເຂດຮັບຜິດຊອບຂອງຕົນ ພ້ອມທັງນໍາເອົາເນື້ອໃນຈິດໃຈຂອງກອງປະຊຸມໄປຈັດຕັ້ງປະຕິບັດໃຫ້ໄດ້ຮັບຜົນດີ.