ວັນທີ18 ກຸມພາ 2021 ໜ່ວຍພັກພະແນກອຸດສາຫະກຳ ແລະ ການຄ້າແຂວງສາລະວັນ ຈັດພິທີຮັບມາຫາຊົນກ້າວໜ້າເຂົ້າເປັນສະມາຊິກພັກສຳຮອງ 3 ສະຫາຍ, ຍິງ 1 ສະຫາຍ, ໂດຍການເຂົ້າຮ່ວມຂອງ ສະຫາຍ ຄຳຜ່ານ ສີລາວີ ກຳມະການພັກແຂວງ ເລຂາໜ່ວຍພັກ ຫົວໜ້າພະແນກອຸດສາຫະກຳ ແລະການຄ້າແຂວງ, ມີຮອງເລຂາໜ່ວຍພັກ, ຄະນະພັກ, ສະມາຊິກພັກສົມບູນ-ສຳຮອງ ພ້ອມດ້ວຍແຂກທີ່ຖືກເຊີນຈາກອ້ອມຂ້າງເຂົ້າຮ່ວມ.

ສະມາຊິກພັກສຳຮອງ 3 ສະຫາຍ ແມ່ນໄດ້ຜ່ານການຕິດຕາມຢ່າງໃກ້ຊິດ ຈາກຄະນະໜ່ວຍພັກ, ຊຶ່ງຜູ້ກ່ຽວແມ່ນໄດ້ຜ່ານການຮຽນກົດລະບຽບຂອງພັກ, ມີຄວາມບຸກບືນຫ້າວຫັນໃນການຝຶກຝົນ, ຫຼໍຫຼອມຕົນເອງ ໃນຂະບວນການປະຕິວັດຂອງມະຫາຊົນ, ມີຄວາມຕື່ນຕົວທາງດ້ານການເມືອງ- ແນວຄິດ, ການຈັດຕັ້ງປະຕິບັດລະບຽບຂອງພັກ, ກົດໝາຍຂອງລັດ, ຄຸນສົມບັດສິນທຳປະຕິວັດ, ມີຄວາມສາມັກຄີພາຍໃນ ແລະນອກຢ່າງກວ້າງຂວາງ, ມີແບບແຜນວິທີເຮັດວຽກ, ສູ້ຊົນເຮັດສຳເລັດໜ້າທີ່ວຽກງານທີ່ໄດ້ຮັບການມອບໝາຍຈາກຂັ້ນເທິງດ້ວຍຄວາມຮັບຜິດຊອບສູງ. ທັງນີ້ ກໍ່ເພື່ອໃຫ້ຜູ້ກ່ຽວໄດ້ເຂົ້າມາສັງກັດຢູ່່ອົງການຈັດຕັ້ງພັກ, ປະກອບສ່ວນເຂົ້າໃນພາລະກິດປົກປັກຮັກສາ ແລະສ້າງສາພັດທະນາປະເທດຊາດ ກໍ່ຄືກົມກອງ, ອົງການຈັດຕັ້ງຂອງຕົນໃຫ້ມີຄວາມໜັກແໜ້ນເຂັ້ມແຂງຂຶ້ນເລື້ອຍໆ.

ໃນຕອນທ້າຍພິທີກໍ່ໄດ້ຮັບຟັງຄຳໂອ້ລົມຂອງ ສະຫາຍ ຄຳຜ່ານ ສີລາວີ ຊຶ່ງກ່ອນອຶ່ນສະຫາຍກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ໝາກຜົນ ຜົນງານທີ່ສະມາຊິກພັກຍາດມາໄດ້ ພ້ອມທັງໄດ້ເນັ້ນບາງບັນຫາທີ່ສຳຄັນຄື: ສະມາຊິກພັກສົມບູນ-ສຳຮອງແຕ່ລະສະຫາຍ ຕ້ອງກຳໄດ້ຄວາມໝາຍຄວາມສຳຄັນຂອງທຸງພັກ, ທຸງຊາດ, ປະຕິບັດໃຫ້ໄດ້ 5 ໜ້າທີ່, 6 ສິດ ແລະ 9 ຂໍ້ຫ້າມ ຂອງສະມາຊິກພັກຢ່າງເຂັ້ມງວດ, ເອົາໃຈໃສ່ສຶກສາອົບຮົມການເມືອງແນວຄິດເປັນກົກ, ຍົກສູງຄວາມຮັບຜູ້ຊອບຊີ້ໆນຳພາທຸກວຽກງານທີີ່ໄດ້ຮັບມອບໝາຍ, ຝຶກຝົນຫຼໍ່ຫຼອມຕົນເອງໃຫ້ເປັນແບບຢ່າງແກ່ມະຫາຊົນ, ມີຄວາມສາມັກຄີພາຍໃນແລະພາຍນອກ ແລະສືບຕໍ່ເຮັດໜ້າທີ່ວຽກງານໃຫ້ມີຜົນສຳເລັດທຸກດ້ານ.