ໃນວັນທີ 21 ກຸມພາ 2021 ທ່ານ ໄຊສົມພອນ ພົມວິຫານ ປະທານສູນກາງແນວລາວສ້າງຊາດ ໄດ້ໃຊ້ສິດປ່ອນບັດເລືອກຕັ້ງ ເອົາ​ສະມາຊິກສະພາແຫ່ງຊາດຊຸດທີ IX​ ແລະ ​ສະມາຊິກສະພາປະຊາຊົນ ນະຄອນຫລວງວຽງຈັນ ຊຸດທີ II​ ຢູ່ເຂດເລືອກຕັ້ງບ້ານສີບຸນເຮືອງ ເມືອງຈັນທະບູລີ ນະຄອນຫລວງວຽງຈັນ.

ໃນໂອກາດນີ້,ທ່ານ ແສງເດືອນ ຄົງສຸວັນຄຳ ນາຍບ້ານ ບ້ານສີບຸນເຮືອງ ໃຫ້ຮູ້ວ່າ: ການປ່ອນບັດເລືອກຕັ້ງ ສຳລັບບ້ານ ສີບຸນເຮືອງ ປະກອບມີ ໜ່ວຍເລືອກຕັ້ງທີ 20 ແລະ 21 ມີພົນລະເມືອງ ທັງໝົດ 1.965 ຄົນ, ຍິງ 1.010 ໃນນັ້ນ ມີຜູ້ມີສິດເລືອກຕັ້ງ 1.505 ຄົນ ເປັນຍິງ 849 ຄົນ ເຊິ່ງການເລືອກຕັ້ງຄັ້ງນີ້ ໄດ້ດຳເນີນໄປດ້ວຍບັນຍາກາດອັນຟົດຟື້ນ ເຫັນປະຊາຊົນພາຍໃນບ້ານ ໄດ້ໃຫ້ຄວາມຮ່ວມມືເປັນຢ່າງດີ, ພ້ອມພຽງຮຽງໜ້າກັນ ມາໃຊ້ສິດຂອງຕົນເອງ ປ່ອນບັດເລືອກເອົາ ສະມາຊິກສະພາແຫ່ງຊາດ ຊຸດທີ IX​ ແລະ ​ສະມາຊິກສະພາປະຊາຊົນ ນະຄອນຫລວງວຽງຈັນ ຊຸດທີ II​ ດ້ວຍຄວາມເຕັມໃຈ ແລະ ມີຄວາມຮັບຜິດຊອບສູງ.

Medialaos MMD