ຕອນເຊົ້າ ວັນທີ່ 21 ກຸມພາ 2021 ໄດ້ດໍາເນີນການປ່ອນບັດເລືອກຕັ້ງເອົາສະມະຊິກສະພາແຫ່ງຊາດຊຸດທີ IX ແລະ ສະພາປະຊາແຂວງ ຊຸທີ II ແລ້ວຢ່າງເປັນທາງການ ສໍາລັບບັນຍາກາດການປ່ອນບັດຢູ່ຈຸດເທດບ້ານເມືອງ ຕຸ້ມລານ ແຂວງ ສາລະວັນ ແມ່ນພວມກໍາລັງດໍາເນີນໄປດ້ວຍບັນຍາກາດຄຶກຄືນດີ, ປະຊາຊົນມີສະຕິຕື່ນຕົວສູງພ້ອມກັນອອກມາໃຊ້ສິດຂອງຕົນຢ່າງເປັນຂະບວນຟົດຟື້ນ, ສົມກັບວ່າຂະບວນການປ່ອນບັດເລືອກຕັ້ງປຽບເໝືອນບຸນປາງໃຫຍ່ຂອງຊາດ.

ເຂົ້າຮ່ວມໃນພິທີໂດຍມີທ່ານ ຈັນສະໝອນ ພົມມະແສງ ຫົວໜ້າຄະນະໂຄສະນາອົບຮົມແຂວງຮອງຫົວໜ້າອະນຸກຳມະການໂຄສະນາປຸກລະດົມຂະບວນການ, ທ່ານ ທອງໃສ ເພັດລາສີ ກໍາມະການພັກແຂວງ ເລຂາພັກເມືອງ, ເຈົ້າເມືອງໆຕຸ້ມລານ ພ້ອມດ້ວຍການນໍາຂອງເມືອງ ແລະພໍ່ແມ່ປະຊາຊົນຜູ້ທີ່ມີອາຍຸ 18 ປີຂື້ນໄປໄດ້ພາກັນຫຼັງໄຫຼເຂົ້າມາປ່ອນບັດເລືອກຕັ້ງເອົາ ສສຊ ແລະ ສສຂ ເມືອງ ຕຸ້ມລານ, ປະກອບມີ 37 ບ້ານ, ມີພົນລະເມືອງທັງໝົດ 4 ພັນກວ່າຫຼັງຄາເຮືອນ ແລະມີ 6 ພັນກວ່າຄອບຄົວ, ມີປະຊາກອນທັງໝົດ 32 ພັນກວ່າຄົນ, ຍິງ 16 ພັນກວ່າຄົນ, ໃນນັ້ນຜູ້ມີສິດປ່ອນບັດເລືອກຕັ້ງ 16 ພັນກວ່າຄົນ, ຍິງ 8 ພັນກວ່າຄົນ, ມີໜ່ວຍປ່ອນບັດທັງໝົດ 21 ໝ່ວຍ.