ຕອນເຊົ້າ ວັນທີ່ 21 ກຸມພາ 2021 ໄດ້ດໍາເນີນການປ່ອນບັດເລືອກຕັ້ງເອົາສະມະຊິກສະພາແຫ່ງຊາດຊຸດທີ IX ແລະ ສະພາປະຊາຊົນແຂວງ ຊຸດທີ II ແລ້ວຢ່າງເປັນທາງການ ສໍາລັບບັນຍາກາດການປ່ອນບັດຢູ່ຈຸດເທດບ້ານເມືອງ ຕະໂອ້ຍ ແຂວງ ສາລະວັນ ແມ່ນພວມກໍາລັງດໍາເນີນໄປດ້ວຍບັນຍາກາດຄຶກຄືນດີ, ປະຊາຊົນມີສະຕິຕື່ນຕົວສູງພ້ອມກັນອອກມາໃຊ້ສິດຂອງຕົນຢ່າງເປັນຂະບວນຟົດຟື້ນ, ສົມກັບວ່າຂະບວນການປ່ອນບັດເລືອກຕັ້ງປຽບເໝືອນບຸນປາງໃຫຍ່ຂອງຊາດ.

ເຂົ້າຮ່ວມໃນພິທີໂດຍມີທ່ານ ຄຳຕາ ໂຮຊົງເຮືອງ ປະທານແນວລາວສ້າງຊາດແຂວງ, ທ່ານ ບຸນເນື້ອ ຫຼອງຄຳໄຕ ເລຂາພັກເມືອງ, ເຈົ້າເມືອງໆຕະໂອ້ຍ, ທັງແມ່ນປະທານຄະນະກຳມະການເລືອກຕັ້ງຂັ້ນເມືອງ, ພ້ອມດ້ວຍອໍານາດການປົກຕອງທຸກຂັ້ນແລະພໍ່ແມ່ປະຊາຊົນຜູ້ທີ່ມີອາຍຸ 18 ປີຂື້ນໄປໄດ້ພາກັນຫຼັງໄຫຼເຂົ້າມາປ່ອນບັດເລືອກຕັ້ງເອົາ ສສຊ ແລະ ສສຂ ເມືອງຕະໂອ້ຍມີພົນລະເມືອງທັງໝົດ 36 ພັນກວ່າຄົນ, ຍິງ 18 ພັນກວ່າຄົນ, ໃນນັ້ນຜູ້ມີສິດປ່ອນບັດເລືອກຕັ້ງຕົວຈິງ 17 ພັນກວ່າຄົນ, ຍິງ 9 ພັນກວ່າຄົນ, ມີໜ່ວຍປ່ອນບັດທັງໝົດ 19 ໝ່ວຍ,